D'Gemeng Mamer ass eng vun den 100 lëtzebuergesche Gemengen. Se läit am Kanton Capellen. De Chef-lieu vun der Gemeng ass d'Uertschaft Mamer vun där se och hiren Numm huet.
Gemeng Mamer | |
---|---|
![]() | |
![]() d'Gemengenhaus vu Mamer | |
Aussprooch | |
An anere Sproochen |
fr: Mamer de: Mamer |
Land | Lëtzebuerg |
Kanton | Kanton Capellen |
Chef-lieu | Mamer |
Buergermeeschter | Luc Feller (CSV) |
Awunner | 11.055 |
1. Januar 2024 | |
Fläch | 2.754 ha |
Héicht | 294 m |
Koordinaten |
49° 37’ 42’’ N 06° 01’ 34’’ O |
LAU-Code | LU0108 |
Websäit | http://www.mamer.lu/ |
![]() | |
![]() | |
Uertschaften an der Gemeng[1]
Geographie
D'Gemeng Mamer läit westlech am Lëtzebuerger Land am Kanton Capellen. Ronderëm leien Gemenge Käerch a Kielen am Norden, Stroossen am Osten, Bartreng an Dippech am Süden, Garnech a Stengefort am Westen. D'Uertschaft Mamer läit un der Mamer.
Duerch Mamer leeft d'Nationalstrooss N6 déi op hirer ganzer Längt zu der Voie de la Liberté gehéiert.
Geschicht
Mamer gëtt an engem Schenkungsakt vum 8. Abrëll 960, an deem d'Gräfin Liutgardis d'Uertschaft Mambra, déi si vun hiren Eltere Wigerich a Kunigunde geierft hat, un d'Klouschter Sankt Maximin vun Tréier verschenkt, fir d'éischt schrëftlech ernimmt.
Entwécklung vun der Awunnerzuel
![](http://upload.wikimedia.org/wikipedia/lb/timeline/85h2cdti3os52uw4a9ki2x0ch8sus0d.png)
Quell:STATEC
Wopen
![]() |
Beschreiwung am Originaltext: d'azur à la façade de temple antique à quatre colonnes d'or, au chef du même chargé d'une roue d'azur entre deux crampons de gueule D.C. 27. August 1979 - A.M. 12. Oktober 1979 - Mémorial B 1979, Säit 1030 - Projet: Jean-Claude Loutsch 1979 D'Haaptfaarwe sinn aus dem Wope vun den Häre vu Miersch (Gold mat blo gesträift), den Tempel ass dra fir drun z'erënneren datt an der Réimerzäit e grousst Duerf do stoung, vun deem Iwwerreschter fonnt gi sinn, d'Rad kënnt aus dem Wope vun der bekannter humanistescher Famill Mameranus déi vu Mamer war, déi zwéi rout Kreep kommen aus dem Wope vun der aristokratescher Famill, déi och den Numm Mamer hat. |
![Thumb](http://upload.wikimedia.org/wikipedia/lb/thumb/4/4e/Hames_Albert_Monument_Mamer_2008.jpg/640px-Hames_Albert_Monument_Mamer_2008.jpg)
Politik
De Gemengerot vu Mamer gëtt nom Proporzsystem gewielt. Zanter de Gemengewale vun 2023 setzt e sech aus 15 Conseilleren zesummen; virdru waren et der nëmmen 13[2].
Well op den 30. September 2022 méi ewéi 10.000 Leit an der Gemeng ugemellt waren, ass d'Zuel vun de Schäffen no de Gemengewale vum 11. Juni 2023 vun zwéin op dräi eropgesat ginn[3].
Zesummesetzung
D'Majoritéitskoalitioun am Gemengerot ass fett geschriwwen
Quell: Inneministère / RTL.lu /elections.lu
Buergermeeschtere vu Mamer
- Jean-Baptiste Kayl (1844-1848)[4]
- Nicolas Bornong (1852-1870)
- J.B. Risch (1870-1873)
- Jean Schmit (1873-1879)
- Jean Wester vu Mamer (1879-1897)
- Henri Funck vu Capellen (1897-1912)
- Charles Risch vu Capellen (1912-1919)
- Jean Schneider vu Mamer (1919-1929)
- J.P. Wilhelm vu Mamer (1929-1956)[5]
- Jean Marx vu Mamer (1956-1968)
- François Trausch vu Mamer (1968-1975)
- René Federspiel vu Mamer (1976-1981)
- Josy Konz vu Mamer (1982-1992)
- Henri Hosch vu Capellen (1993-1999)
- Gilles Roth vu Mamer (2000-2023)
- Luc Feller vu Mamer (2023-)
Interkommunal Syndikater
D'Gemeng Mamer ass Member vu follgenden interkommunale Syndikater:
Kuckeswäertes
![Thumb](http://upload.wikimedia.org/wikipedia/commons/thumb/5/50/MamerThermen01.jpg/640px-MamerThermen01.jpg)
- Réimesch Thermen
1972 goufe bei archeologeschen Ausgruewungen zu Mamer no beim Tossebierg Iwwerreschter vun ë. a. Thermen aus der réimescher Zäit entdeckt.
Méi Informatioun doriwwer am Artikel: Réimesch Thermen zu Mamer.
Fräizäit zu Mamer
An der Gemeng Mamer an an der noer Ëmgéigend gëtt et en Netz vun Trëppelpied dat eng Totallängt vun 41 Kilometer huet. Nieft dem Circuit autopédestre am Juckelsbësch deen 9 Kilometer laang ass, sinn déi aner 6 gezeechent Pied tëscht 3,7 a 6,3 km laang. Eng Kaart mat den Trëppelpied kann een op der Mamer Gemeng gratis kréien.
Jumelage
- Mamer ass zanter 1976 jumeléiert mat der franséischer Gemeng Dangé-Saint-Romain.
Bekannt Leit aus der Gemeng Mamer
- Josy Barthel, Sportler a Politiker
- Josy Braun, Schrëftsteller
- Nicolas Flener, Lokalhistoriker
- Nicolas Frantz, Vëlossportler
- Jean-Claude Juncker, Politiker
- Henri Kirpach, Politiker
- Carlo Losch, Moler an Auteur
- Nicolaus Mameranus
- Ody Roos, Filmregisseur a Filmproduzent
- Mars Schmit, Moler
- Hary Trauffler, Editeur
- Henri Losch, Schrëftsteller a Schauspiller
![Thumb](http://upload.wikimedia.org/wikipedia/commons/thumb/f/f4/Mamer_Altersheim.jpg/640px-Mamer_Altersheim.jpg)
Kuckt och
Um Spaweck
Commons: Mamer – Biller, Videoen oder Audiodateien |
- Offiziell Säit vun der Gemeng Mamer
- D'Gemeng Mamer op der Websäit vum Syvicol
- Centre d'Incendie et de Secours Mamer
- MAMER WISELEN Scouten a Guiden FNEL
- Harmonie Gemeng Mamer
- Lycée technique Josy-Barthel Mamer
Referenzen
- D'Nimm vun den Uertschaften entspriechen deenen déi de Kadaster, unhand vu sengen Attributiounen déi am Gesetz vum 25. Juli 2002 portant réorganisation de l’administration du cadastre et de la topographie festgehale sinn, opgestallt huet, an déi am «Registre national des localités et des rues» opgezielt sinn. Häff a Lieu-diten sinn déi localités wéi se zousätzlech am Annuaire officiel d'Administration et et de législation 2000 ënner III. Annexes opgelëscht sinn.
- Règlement grand-ducal du 23 novembre 2022 portant fixation du nombre des conseillers communaux à attribuer à chaque commune. data.legilux.public.lu (23.11.2022). Gekuckt de(n) 06.12.2022.
- (fr)Arrêté grand-ducal du 21 juin 2023 portant fixation du nombre des échevins de la commune de Mamer à trois. data.legilux.public.lu (21.06.2023). Gekuckt de(n) 28.06.2023.
- ARRÊTÉ ROYAL GRAND-DUCAL, du 29 décembre 1843, n°2926f, portant nomination des Bourgmestres et Echevins des villes, et des Bourgmestres des campagnes du Grand-Duché am Memorial N°3 vun 1844
- Memorial A N° 4 vun 1946 mam Avis: Administrations communales. COMPOSITION DES COLLEGES ECHEVINAUX Archivéiert de(n) 2016-03-28. Gekuckt de(n) 2015-11-04.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.