From Wikipedia, the free encyclopedia
Pantomimus (a Graeco παντόμιμος ex παντο- 'omni-' + μῖμος 'imitator') est histrio[1] qui in scaena gestiendo et saltando fabulas agit, motuque corporis mores hominum exprimit et imitatur. Vocabulum pantomimus non solum histrionem dicit, sed etiam ipsam fabulam,[2] quae ab histrione agitur. Origo pantomimorum generis Graeca antiquitus fuisse videtur. Quod artis genus apud Romanos antiquos inde ab aetate Augusti fere ad saeculum septimum perduravit.[3] Postea autem ars pantomimi ad ballationem iuncta est. Apud Britannos, pantomime fabulam tralaticiam significat, in qua histriones saltabundi secundum libellum cantant.
Ars pantomimi in Graecia saeculo IV a.C.n. orta fuisse videtur.[4] Primum histriones in conviviis ad tibias saltabant, ut Dionysus et Ariadne in Xenophontis Symposio (9.3-7). Itaque pantomimi, qui "omnia imitabantur", apud Graecos praecipue oblectamentum convivale erant. Apud Romanos autem duo pantomimi novum genus theatrale creaverunt, nam annis 20 a.C.n. Bathyllus Alexandrinus, libertinus ac deliciae Maecenatis, et Pylades Cilix,[5] libertinus Augusti, multis novatis rebus artem pantomimicam valde auxerunt, et quidem ita, ut Bathyllus maxime comoediae operam daret; Pylades autem tragoediae novandae studebat.[6]
Exeunte saeculo primo, comico decrescente pantomimi genere, tragicum genus in favore populi crevit. Quo factum est, ut pantomimus continuatio hodierna tragoediae esse videretur, sicut etiam in Senecae tragoediis apparebat.[7] Tantus erat pantomimo ventus popularis, ut etiam scripta parum idonea ad pantomimum accommodarentur. Hoc quidem timet Ovidius:
At etiam imperatores (plerumque Augustus, Caligula, Nero, Traianus) huiusmodi mores scaenicos provehebant.[9]
Effectio pantomimi ab uno histrione ad tibias (aut rarius ad citharam scabillumve) saltanti perficiebatur, addito (a Pylade) choro.[10] Argumenta sumi solebant de mythologia (sicut "Turnus" aut "Dido") sive de historia. Plurimi pantomimi ex orientali imperii parte veniebant.[11] Simul saltator (postea etiam saltatrix) concinnis gestibus tacite fabulam agebat.[12] Actiones pantomimi nitebantur libellis, quae saepe ad tragoedias Graecas Latinasve adcommodabantur.
Pantominus est genus comoediae musicae oblectamento familiarum designatum. Ortus est in Anglia, et usitate per tempora Christi Natalis et Novi Anni agitur. Pantomimus hodiernus carmina, comoedia slapstick, saltationem, et histriones transvestitos comprehendit, et festivitatem rerum cum argumento in fabulis notissimis miscet, saepe fabulis puerilibus condito.[13] Spectatores aliquando cantant et adeo acclamationes clamant.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.