Remove ads
Cepheus[1] constellatio in caelo septentrionali sita est cuius stellae lucidiores figuram villam tecto acri ornatam fingere videntur.
| Data Cephei constellationis | |
|---|---|
| Nomen | Cepheus |
| Genetivus | Cephei |
| Abbreviatio | Cep |
| Ascensio recta | 20 h 00 min ad 8 h 20 min |
| Declinatio | +53° ad +88° |
| Area | 588 gradus quadrati Ordo: 27 |
| Videri potest inter | -10° ac +90° |
| Numerus stellarum magnitudinis < 3m | 1 |
| Stella lucidissima, Magnitudo | Alderamin (α Cephei), 2,4m |
| Constellationes finitimae (a septentrionibus sensu negativo) |
Ursa Minor Draco Cygnus Lacerta Cassiopeia |
Cepheus secundum mythologiam Graecam rex Aethiopum et maritus Cassiopeiae ac pater Andromedae erat. Cephei uxor iram deorum evocavit aiens se esse pulchriorem Nereidis, filiis Nerei. Nereidae maledictae deum maris Poseidona advocavere postulantes ut Cassiopeia poenam daret. Itaque Poseidon cete quoddam misit, quod oras imperii Cephei vastabat. Belua tantummodo mitigari poterat, cum Andromeda ei sacrificaretur. Itaque Andromeda ad rupem alligata sortem miserrimam exspectans ultimo temporis momento ab heroe Perseu salvata eique quasi praemium uxor data est.
Inde Cepheus, Cassiopeia, Andromeda, Perseus Ceteque sidera in caelo facta sunt, postremum scilicet nomine Cetus.
Remove ads
Si plus cognoscere vis, vide etiam Stellae Cephei.| Stella | Magnitudo | Magnitudo absoluta |
Intervallum (sla) |
Classis spectralis |
|---|---|---|---|---|
| Alderamin (α Cep) | 2,45 | 1,58 | 49 | A7 IV-V |
| Errai (γ Cep) | 3,21 | 2,51 | 45 | K1 IV |
| Alphirc (β Cep) | 3,23 | -3,08 | 595 | B2 IIIv SB |
| ζ Cep | 3,39 | -3,35 | 727 | K1 Ibv SB |
| η Cep | 3,41 | 2,63 | 47 | K0 IV |
| ι Cep | 3,5 | 0,76 | 115 | K0 III |
| Alcurah(ξ Cep) | 4,4 | ? | ? | ? |
| Al Calb al Rai (ρ2 Cep) | 4,4 | ? | ? | ? |
N. b. : Numeri ex mensibus satellitis Hipparcos nominatae excerpti sunt.
Nomina stellarum e lingua Arabica derivata sunt. Alderamin bracchium dextrum significat, Errai seu Alrai pastor, Alphirc floccus, Alcurah pallor equi frontis, Al Calb al Rai canis pastoris.
Remove ads
Stella δ Cephei appellata nomen dedit turbam stellarum variabilium, nempe Delta-Cepheidae. Quae sunt stellae gigantes ingenti luminositate, sed statu variabili. Spatio temporis fixo tumescunt rursusque contrahuntur. Quae pulsatio luminositate variabili spectari potest. Luminositas et spatium pulsationis directe alia ab alio dependent: Quo lucidior stella est, eo tardius pulsat. Inde Delta-Cepheidae ad intervallum cumulorum stellarum ac Galaxiarum metiendum adhibentur.
Stella μ Cephei ab astronomo Gulielmo Herschel coloris rutili causa Stella Mali Granati appellata est. Quae stella gigas rubra est 60.000iens lucidior quam Sol noster. Diametrus eius circiter 1.900iens diametri Solis esse existimatur. Id est, si locum Solis teneret, stellae superficies in orbita Saturni Planetae sita esset.
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads