Cechoslovacia[1] sive Bohemoslovacia[2] (Bohemice et Slovace Československo), nominibus politicis Res publica Bohemoslovaca[3] (1920–1960), Res publica Bohemoslovaca socialistica[3] (1960–1990), Res publica Bohemica et Slovaca foederata[4] (1990–1992), imperio Austro-Hungarico everso condita, ab anno 1918[5] usque ad annum 1992 civitas in media Europa fuit, quae Germaniae, Austriae, Poloniae, Hungariae, Ucrainae, Unioni Sovieticae, Dacoromaniae adiacebat; eadem res publica Bohemiam, Moraviam, Silesiam, Slovaciam, Rutheniam Subcarpathaneam continebat. Bohemiam, Moraviam, Silesiam plerumque Bohemi et Theodisci, partim Poloni, Slovaciam Slovaci et Hungari, partim Theodisci, Poloni, Rutheniam Subcarpathaneam Russini et Hungari incolebant. Caput Cechoslovaciae Praga, capita terrarum singularum Praga (Bohemia), Bruna (Moravia et Silesia), Bratislavia sive Posonium (Slovacia), Užhorod (Ruthenia Subcarpathanea) fuerunt.
Cechoslovacia
Territoria finitima: Germania, Polonia, Austria, Hungaria, Romania, Unio Sovietica, Res publica Democratica Germanica, Ucraina, Unio Europaea, Res publica Foederalis Germaniae, Polish People's Republic
Locus:
Caput: Praga
Gestio
Princeps: Thomas Masaryk, Eduardus Beneš, Emil Hácha, Eduardus Beneš, Klement Gottwald, Antonín Zápotocký, Antonín Novotný, Ludvík Svoboda, Gustáv Husák, Venceslaus Havel
Praefectus: Jan Stráský, Marián Čalfa, Ladislav Adamec, Lubomír Štrougal, Oldřich Černík, Jozef Lenárt, Viliam Široký, Antonín Zápotocký, Klement Gottwald, Zdeněk Fierlinger, Jan Šrámek, Rudolf Beran, Jan Syrový, Milan Hodža, Jan Malypetr, František Udržal, Antonín Švehla, Jan Černý, Antonín Švehla, Eduardus Beneš, Jan Černý, Vlastimil Tusar, Karel Kramář
Consilium: Revolutionary National Assembly of Czechoslovakia, National Assembly of the Czechoslovak Republic, Provisional National Assembly of Czechoslavakia, Constituent National Assembly, Q105688274, National Assembly of the Czechoslovak Socialist Republic, Federal Assembly
Populus
Sermo publicus: lingua Bohemica, lingua Slovaca
Zona horaria: UTC+1, UTC+2
Moneta: Czechoslovak koruna
Commemoratio
Praeceptum: Veritas vincit
Sigla
Tabula aut despectus
.svg)
Bohemoslovacia tamquam res publica unius gentis Bohemoslovace loquentis condita est; utrum haec gens re vera fuerit necne, in dubio est.
Historia
Anno 1938, i.e. paulo ante alterum bellum gentium Cechoslovacia secundum foedus Monacense ab gubernatoribus Germaniae, Magnae Britanniae, Franco-Galliae et Italiae factum confinia Bohemica, Silesiaca, Moravica Germaniae et partim Poloniae, confinia deinde Slovaca et Subcarpathanea Hungariae et partim Poloniae concedere coacta est omnesque Cechoslovaciae partes ius sui administrandi acceperunt. Quin etiam anno insequenti Hitlerus, tyrannus Germaniae, minatus effecit, ut Slovaci Rem Publicam Slovacam declararent et Bohemia cum Moravia se sub tutelam Imperii Theodisci dederet; quo facto reliqua pars Bohemiae et Moraviae protectoratus Theodiscus facta est gubernatoresque Cechoslovaci, qui se in exsilium Britannicum iam pridem contulerant, semet ipsi gubernatores Cechoslovaciae occupatae declaraverunt.
Altero bello omnium gentium confecto omnes terrae praeter Rutheniam Subcarpathaneam, quam Unio Sovietica occupavit, rursus in Cechoslovacia coniunctae sunt. Deinde ab anno 1968 usque ad annum 1992 Slovacia et Cechia unam Cechoslovaciam foederalem conformabant, quae anno 1993 divisa est in partes duas post Rem novae velutinae anno 1989, quarum una Slovacia, altera vero Cechia appellatur.
De nomine Cechoslovaciae
De nomine rei publicae adhuc disputatur, nam e.g. Carolus Egger nomine Tzechoslovaciae usus est; attamen Academia scientiarum huius rei publicae primum "Academia scientiarum Bohemoslovenica", deinde "Academia scientiarum Bohemoslovaca" nuncupabatur. Hoc nomen in usum inductum est, propterea quod vox Slovenica non ad Slovaciam, sed potius ad Sloveniam, illis temporibus partem Iugoslaviae, pertinebat. Praeterea in Lexico Bohemo-Latino anno 1992 edito tres versiones nominis huius rei publicae propositae sunt:
Československo: Bohemoslovenia (forma vetustior), Bohemoslovacia (forma recentior); Tzechoslovac(h)ia (-kia); (nomen officiale) Česká a Slovenská federativní republika Res Publica Bohemica et Slovaca.[6]
československý: Bohemoslovenicus, Bohemoslovacus[6]
Etiam aliae formae nominis huius rei publicae Latinae propositae sunt: Cechoslovacia,[7] Cechoslovakia,[8] Cecoslovachia,[9] Czechoslovakia[10] sive Cechoslovachia.[11]
Notae
Bibliographia Anglice
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
