A Midsummer Night's Dream

A Midsummer Night’s Dream (Somnium noctis solstitialis) est comoedia Gulielmi Shakesperii. Scripta est inter annos fere 1594 et 1596 crebriterque docta. Edita est in quarto anno 1600; in editione in folio (titulo Mr. William Shakespeares Comedies, Histories & Tragedies) anno 1623 complexa est.

Titulus editionis in quarto (1600).

Titania et Bottom (actus IV, sc. 1) ab Henrico Fuseli anno 1796 picti.

Titania et Oberon a Iosepho Natale Paton anno 1849 picti.

Scaenae primae locus est palatium ducis Thesei Athenis situm; ibi parantur nuptiae Thesei et Hippolytae. Demetrius et Lysander, qui ambo Hermiam Aegei filiam adamant, introducuntur. Aegeus filiam suam Demetrio iungere vult; illa Lysandrum praefert et cum eo in silvas fugit, Demetrio et Helena, quae hunc adamat, furtim sequentibus. Scaenae alterae actus primi locus est domus Peter Quince, ubi operarii ludum scaenicum Pyramus and Thisby ad nuptias ducales praeparant, historiam amantium Pyrami et Thisbae ostendens.

Silva iuxta Athenas iacens locus est actuum secundi, tertii, quarti. Ibi Oberon rex fadorum, ad Titaniam reginam puniendam, iubet ministro Puck pharmacum oculis uxoris administrare quo, somno soluta, hominem quem primum videat statim adamet. Idem pharmacum, oculis Demetrii necnon Lysandri applicatum, ambo ad amorem Helenae constringit. Interdum operariis ad ludum scaenicum repetendum in silvam venientibus Titania, subito e somno repta, textorem Nick Bottom vidit (cui a Puck caput asini impositum est) et statim amat. Tandem, liberatis et Lysandro et Titania a pharmacis, formaque humana Bottom restituta, Theseus et Hippolyta in silvam advenientes nuptias Lysandri cum Hermia et Demetrii cum Helena iubent.

Tria enim matrimonia in palatio Thesei, locus actus quinti, celebrantur; historia Pyrami et Thisbae pessime, sed omnibus laudantibus, docetur.

Shakesperius de Theseo Hippolytaque legit in "fabula equitis" ex Historiis Cantuariensibus Galfridi Chaucer et in versione Vitarum parallelarum Plutarchianarum a Thomasso North confecta. Pyramum et Thisben e lecturis Metamorphoseon Ovidii cognovit et e legenda bonarum mulierum Chauceriana. Oberon fuit persona carminis epici mediaevalis Huon de Bordeaux Anglice a barone Berners redditi; videtur et in ludo historico de Iacobo IV rege Scotiae nuper a Roberto Greene docto.

Editiones

• 1600 : A midsommer nights dreame. Londinii Textus apud Bibliothecam Britannicam.^{[nexus deficit]}
• 1623 : Mr. William Shakespeares Comedies, histories & tragedies, published according to the true originall copies (Londinii) p. 145 ff. Textus apud Universitatem Victoriae.

Nexus interni

• "Contradictio: Oberon et Titania", pictura Ricardi Dadd
• "Fati lignicidae ictus magistralis", pictura Ricardi Dadd
• Oberonia
• Oberonia titania
• Oberon (satelles)
• Titania (satelles)

Nexus externi

• Textus apud gutenberg.org (Anglice)
• Textus apud MIT (Anglice)
• Versio Francisci Victoris Hugo (Francogallice)
• Versio F. Guizot (Francogallice)
• Versio apud gutenberg.org (Theodisce)

A Midsummer Night's Dream : Index personarum

	Gulielmus Shakesperius
Theseus dux Athenarum • Aegeus, pater Hermiae • Lysander et Demetrius, amantes Hermiae • Philostratus, Theseo magister iocorum • Peter Quince, tignarius • Nick Bottom, textor • Francis Flute, follis faber • Tom Snout, circumforaneus • Snug, lignarius • Robin Starveling, vestificus Hippolyta, regina Amazonum, Theseo sponsa • Hermia, Egei filia, Lysandri amore capta • Helena, Demetrii amore capta Oberon, rex fatorum • Titania, regina fadorum • Fatae: Puck aliter Robin Goodfellow • Peaseblossom • Cobweb • Moth • Mustardseed Fatae, regis et reginae ministri • Aulici, Thesei et Hippolytae ministri

Ludi scaenici Gulielmi Shakesperii

	Signatura Shakesperii
A Midsummer Night's Dream  · All's Well That Ends Well  · Antony and Cleopatra  · As You Like It  · Coriolanus  · Cymbeline  · Hamlet  · Henry IV part I  · Henry IV part II  · Henry V  · Henry VI part I  · Henry VI part II  · Henry VI part III  · Henry VIII  · Julius Caesar  · King John  · King Lear  · Love's Labour's Lost  · Macbeth  · Measure for Measure  · Much Ado About Nothing  · Othello  · Pericles Prince of Tyre  · Richard II  · Richard III  · Romeo and Juliet  · The Comedy of Errors  · The Merchant of Venice  · The Merry Wives of Windsor  · The Taming of the Shrew  · The Tempest  · The Two Gentlemen of Verona  · The Winter's Tale  · Timon of Athens  · Titus Andronicus  · Troilus and Cressida  · Twelfth Night Auctore incerto vel auctoribus pluribus: King Edward III  · Sir Thomas More  · The Two Noble Kinsmen Capsae cognatae: Scriptores scaenici Renascentiae Anglici