Usque ad annum 1918, quo primum bellum universale confectum est, haec regio regi Hungariae subdita est; at illo ipso anno Slovacia pars Bohemoslovaciae nuperrime conditae una cum Bohemia, Moravia, parte Silesiae, Ruthenia Subcarpathanea facta est. Sed ab anno 1939 usque ad annum 1945 Res Publica Slovaca exstabat, quae altero bello omnium gentium confecto rursus simul cum supra dictis terris praeter Rutheniam Subcarpathaneam, quam Unio Sovietica occupavit, in Bohemoslovacia coniuncta fuit. Deinde ab anno 1968 usque ad annum 1992 Res Publica Slovaca et Res Publica Bohemica unam Foederativam Rem Publicam Bohemoslovacam conformabant, quae anno 1993 divisa est in partes duas, quarum una "Res Publica Slovaca" sive "Slovacia", altera vero "Res Publica Bohemica" sive "Cechia" appellatur.
Slovacia una ex parte locis planis iuxta Danubium positis, altera vero ex parte regionibus montuosis formatur. Mons altissimus enim, c.n. "Gerlachovský štít" (Mons Gerlachiensis), 2665 metra super mare altus est.
"Slovacia": cf. titulos operum Monumenta Byzantino-Slavica et Latina Slovaciae, Regesta diplomatica necnon epistolaria Slovaciae, Monumenta Vaticana Slovaciae. Vb. adiect. "Slovacensis", cf. nomina biologica e.g. Rubus slovacensis
Milan Kňažko1990• Paulus Demeš1991• Milan Kňažko1992• Iosephus Moravčík1993• Eduardus Kukan1994• Georgius Schenk1994• Paulus Hamžík1996• Zdenka Kramplová1997• Eduardus Kukan1998• Ioannes Kubiš2006• Miroslaus Lajčák2009• Nicolaus Dzurinda2010• Miroslaus Lajčák2012• Ioannes Korčok2020• Rastislav Kácer2022• Miroslaus Wlachovský2023• Georgius Blanár2023