1637

Árið 1637 (MDCXXXVII í rómverskum tölum) var 37. ár 17. aldar sem hófst á fimmtudegi samkvæmt gregoríska tímatalinu en sunnudegi samkvæmt júlíska tímatalinu sem er tíu dögum á eftir.

Ár

1634 1635 1636 – 1637 – 1638 1639 1640

Áratugir

1621-1630 – 1631-1640 – 1641-1650

Aldir

16. öldin – 17. öldin – 18. öldin

Atburðir

Einn laukur af gerðinni Semper Augustus (sem er raunar vírussýking sem veikir blómkrónuna) seldist fyrir 6.000 gyllini eða gott íbúðarverð í Haarlem þegar Túlípanaæðið stóð hæst.

• 3. febrúar - Túlípanaæðið í Hollandi hrundi með þeim afleiðingum að þúsundir túlípanaspekúlanta misstu aleiguna.
• 15. febrúar - Ferdinand 3. varð keisari hins Heilaga rómverska ríkis.
• 13. október - Línuherskipi Konunglega enska sjóhersins, Sovereign of the Seas, var hleypt af stokkunum.

Ódagsettir atburðir

• 27 Íslendingar sem lent höfðu í Tyrkjaráninu komu heim, en höfðu árið áður verið fluttir frá Alsír til Kaupmannahafnar. Með í för voru Hallgrímur Pétursson og Guðríður Símonardóttir.
• Draugagangur var á Auðbrekku í Hörgárdal.
• Ritgerðin Orðræða um aðferð eftir René Descartes kom út.
• Pierre de Fermat gerði athugasemd á spássíu þar sem hann sagðist hafa sönnun fyrir því sem síðar varð þekkt sem síðasta setning Fermats.
• Fyrsta óperuhúsið, Teatro San Cassiona, opnaði í Feneyjum.
• Rússneskir kósakkar reistu virki í Jakútsk við ána Lenu.

Fædd

• 14. ágúst - Þórður Þorláksson biskup í Skálholti (d. 1697).
• 7. desember - Bernardo Pasquini, ítalskt tónskáld (d. 1710).

Ódagsett

• Dietrich Buxtehude, tónskáld frá Helsingjaborg á Skáni (d. 1707).

Dáin

• 15. febrúar - Ferdinand 2. keisari (f. 1578).
• 1. apríl - Niwa Nagashige, japanskur stríðsherra (f. 1571).
• 6. ágúst - Ben Jonson, enskt leikskáld (f. 1572).
• 10. ágúst - Johann Gerhard, þýskur lútherskur kirkjuleiðtogi (f. 1582).
• 8. september - Robert Fludd, enskur dulspekingur (f. 1574).
• 4. desember - Nicholas Ferrar, enskur athafnamaður og trúarleiðtogi (f. 1592).

Opinberar aftökur

• Guðmundur „seki“ Jónsson, sagður hvort tveggja bóndi og útlagi, hálshogginn á Vaðlaþingi í Eyjafirði „fyrir kvennamál“. Guðmundur var bróðir séra Halldórs Jónssonar á Ferjubakka.^[1]

Tilvísanir

1. Skrá á vef rannsóknarverkefnisins Dysjar hinna dauðu, á slóðinni https://dhd.hi.is/gogn/Info.pdf, sótt 15.2.20202.