Իոսիֆ Բրոդսկի

Joseph Brodsky (1988)

Իոսիֆ Բրոդսկի (ռուս.՝ Ио́сиф Алекса́ндрович Бро́дский, մայիսի 24, 1940, Լենինգրադ, ԽՍՀՄ — հունվարի 28, 1996, Նյու Յորք, ԱՄՆ), ազգությամբ հրեա ռուս բանաստեղծ, էսսեիստ, դրամատուրգ, թարգմանիչ։ 1987 թվականին արժանացել է գրականության գրականության Նոբելյան մրցանակին։

Քաղվածքներ

• Փորձեք ընդլայնել ձեր բառապաշարը և դրա հետ վարվել այնպես, ինչպես վարվում եք ձեր բանկային հաշվի հետ։ Մեծ ուշադրություն հատկացրեք ձեր բառապաշարին ու փորձեք բարձրացնել ձեր դիվիդենտները։ Նպատակն այն չէ, որ նպաստեք ձեր պերճախոսությանը ննջարանում կամ մասնագիտական ​​հաջողություններում, թեև ավելի ուշ հնարավոր է և դա, և ոչ էլ ձեզ դարձնել աշխարհի գիտակներ, այլ այն, որ հնարավորություն տաք ինքներդ ձեզ արտահայտվել որքան հնարավոր է ամբողջական ու հստակ, մի խոսքով՝ նպատակը ձեր հավասարակշռությունն է։ Ամեն նոր օրվա հետ մարդու հոգում շատ բան է փոխվում, բայց միևնույն ժամանակ, արտահայտվելու միջոցը մնում է նույնը։ Արտահայտվելու ունակությունը հետ է մնում փորձից։ Զգացմունքներ, գույներ, մտքեր, ընկալումներ, որոնք մնում են անանուն, չարտահայտված, կուտակվում են անհատի մեջ ու կարող են հանգեցնել հոգեբանական պայթյունի կամ տապալման։ Դրանից խուսափելու համար պարտադիր չէ վերածվել «գիրք կրծողի»։ Ուղղակի պետք է ձեռք բերել բառարան և այն կարդալ ամեն օր, իսկ երբեմն պետք է կարդալ նաև բանաստեղծական գրքեր։ Դրանք շատ մատչելի են, բայց նույնիսկ դրանցից ամենաթանկն ավելի մատչելի է, քան մեկ այցը հոգեբանի մոտ։
• Փորձեք հույսներդ շատ չդնել քաղաքական գործիչների վրա ոչ այնքան նրա համար, որ նրանք խելացի չեն կամ անազնիվ են, ինչպես սովորաբար լինում է, այլ նրանց աշխատանքի մասշտաբի համար, որը բավականին մեծ է նույնիսկ նրանցից լավագույնների համար։ Լավագույն դեպքում նրանք կարող են մի փոքր մեղմացնել սոցիալական չարիքը, բայց արմատախիլ անել չեն կարող։ Որքան էլ որ իրական լինի բարելավումը, մեկ է, էթիկայի տեսանկյունից այն միշտ աննշան է լինելու, որովհետև միշտ կլինեն այնպիսիք, թեկուզ մեկ մարդ, որն օգուտ չի ստանա այդ բարելավումից։
• Աշխարհը կատարյալ չէ. ոսկե դար երբեք էլ չի եղել ու չի լինելու։ Միակ բանը, որ կլինի աշխարհի հետ, այն է, որ այն կմեծանա, այսինքն՝ մարդիկ կշատանան՝ չմեծացնելով չափերը։ Որքան էլ արդար լինի մարդը, որին դուք ընտրել եք, մեկ է, նա չի խոստացել կիսել կարկանդակը, նա չի մեծացնի չափսերը. չափաբաժիններն ավելի փոքր կդառնան։ Դրա լույսի ներքո կամ, ավելի շուտ, դրա մթությունում, պետք է հույսներդ դնեք ձեր սեփական խոհարարության վրա, այսինքն՝ աշխարհը ղեկավարեք ինքնուրույն, համենայն դեպս, այն մասը, որը հասանելի է ձեզ։
• Փորձեք համեստ լինել։ Հիմա արդեն մենք շատ ենք, իսկ շուտով ավելի կշատանանք։ Արևի տակ տեղ գտնելու համար այս մաքառումը կատարվում է ուրիշների հաշվին. մարդկանց, որոնք չեն պայքարում։ Այն, որ ստիպված եք լինելու կանգնել ինչ-որ մեկի ոտքի վրա, չի նշանակում, որ դուք պետք է կանգնեք նաև նրանց ուսերին։ Բացի այդ, այն ամենը, ինչ կտեսնեք այս տեսանկյունից, մարդկային ծով է, գումարած նրանց, ում դիքորոշումը նման է ձերին՝ տեսանելի, բայց դրա հետ մեկտեղ՝ շատ անհուսալի, նրանք, ում դուք անվանում եք հարուստներ ու հռչակավորներ։
• Եթե դուք ուզում եք դառնալ հարուստ կամ հռչակավոր, կամ թե՛ մեկը, թե՛ մյուսը, շատ լավ, բայց ամբողջովին մի տարվեք դրանով։ Ցանկանալ մի բան, որն ունի ուրիշը, նշանակում է՝ կորցնել սեփական ինքնատիպությունը։ Մյուս կողմից, դա, իհարկե, խթանում է զանգվածային արտադրությունը։
• Խուսափեք ինքներդ ձեզ զոհի կարգավիճակ տալուց։ Որքան էլ որ անտանելի լինի ձեր վիճակը, փորձեք արտաքին ուժերին չմեղադրել դրանում։ Օրինակ՝ պատմությանը, կառավարությանը, ղեկավարությանը, ռասային, ծնողներին, լուսնի շրջափուլերին, մանկությանը, վաղաժամ վայրէջքին և այլն։ Այն պահին, երբ մեղքը գցում եք ինչ-որ բանի կամ ինչ-որ մեկի վրա, դուք խափանում եք ինչ-որ բան փոխելու սեփական վճռականությունը։
• Ընդհանուր առմամբ փորձեք հարգանքով մոտենալ կյանքին՝ ոչ միայն նրա հրաշքների, այլև դժվարությունների համար։ Դա խաղի մաս է կազմում, ինչպես և դուք շուտով կհայտնաբերեք, և կասկածում եմ, թե դա խաբկանք է։ Ամեն անգամ, երբ դուք հուսահատ կամ հուսահատության եզրին եք, երբ ունեք անհաջողություններ կամ դժվարություններ, հիշեք՝ ձեզ հետ խոսում է կյանքը՝ իրեն հայտնի միակ լեզվով։
• Այն աշխարհը, որտեղ դուք պատրաստվում եք մուտք գործել, լավ համբավ չունի։ Դա քնքուշ տեղ չէ, ինչպես դուք շուտով կհայտնաբերեք։ Կասկածում եմ, որ այն ավելի հաճելի կդառնա այն ժամանակ, երբ դուք այն լքեք։ Միևնույն ժամանակ, դա միակ աշխարհն է, որը դուք ունեք։ Այլընտրանքներ չկան, իսկ եթե լինեն էլ, ապա երաշխիք չկա, որ դրանից լավը կլինեն։
• Փորձեք ուշադրություն չդարձնել նրանց վրա, ովքեր կփորձեն ձեր կյանքը դժբախտ դարձնել։ Այդպիսիք շատ կլինեն ինչպես՝ «պաշտոնական պարտավորվածությամբ», այնպես էլ՝ ինքնանշանակմամբ։ Հանդուրժե՛ք, եթե չեք կարող խուսափել նրանցից, բայց հենց որ նրանցից ազատվեք՝ անմիջապես մոռացեք։
• Այն, ինչ անում են ձեր թշնամիները, իր նշանակությունը կամ կարևորությունը ձեռք է բերում նրանից, թե ինչպես եք դրան արձագանքում։ Դրա համար անցեք նրանց միջով կամ կողքով, ասես նրանք դեղին լույս են, այլ ոչ թե կարմիր։ Այդպես դուք կազատեք ձեր ուղեղն անօգուտ անհանգստությունից։ Հնարավոր է, որ այդպես դուք փրկեք նաև այդ տխմարներին հենց իրենցից։ Մոռացված լինելու հեռանկարը կարճ է ներված լինելու հեռանկարից։
• Ալիքը փոխեք. դուք չեք կարող վերջ տալ այդ ցանցի հեռարձակմանը, բայց, համենայնդեպս, ձեր ուժերի սահմաններում է իջեցնել ռեյտինգը։ Այս որոշումը դժվար թե դուր գա հրեշտակներին, բայց այն միանշանակ կհասցնի հարված չարքերին, իսկ այս պահին դա ամենակարևորն է։

Աղբյուրներ

• Ռազմիկ Մարտիրոսյան (դեկտեմբերի 1, 2014 թ․)։ «Դժվար թե այդ որոշումը դուր գա հրեշտակներին, բայց միանշանակ այն հարված կհասցնի չարքերին, իսկ այս պահին դա ամենակարևորն է». Իոսիֆ Բրոդսկի։ 168.am։ Վերստացված է՝ սեպտեմբերի 13, 2015 թ․։

Վիքիպեդիա

Կարդացե՛ք Իոսիֆ Բրոդսկի հոդվածը նաև Վիքիպեդիայում:

դ • ք • խ Գրականության Նոբելյան մրցանակի դափնեկիրներ 1901—1925 Սյուլի-Պրյուդոմ (1901) • Թեոդոր Մոմզեն (1902) • Բյոռնստեռնե Բյոռնսոն (1903) • Ֆրեդերիկ Միստրալ / Խոսե Էչեգարայ-ի-Էյսագիրե (1904) • Հենրիկ Սենկևիչ (1905) • Ջոզուե Կարդուչչի (1906) • Ռեդյարդ Քիփլինգ (1907) • Ռուդոլֆ Էյքեն (1908) • Սելմա Լագերլյոֆ (1909) • Պաուլ Հեյզե (1910) • Մորիս Մետերլինկ (1911) • Գերհարդ Հաուպտման (1912) • Ռաբինդրանաթ Թագոր (1913) • Ռոմեն Ռոլան (1915) • Վերներ Ֆոն Հեյդենստամ (1916) • Կարլ Ադոլֆ Գիելերուպ / Հենրիկ Պոնթոպիդան (1917) • Կարլ Շպիտելեր (1919) • Կնուտ Համսուն (1920) • Անատոլ Ֆրանս (1921) • Հասինտո Բենավենտե-ի-Մարտինես (1922) • Ուիլյամ Բաթլեր Յիտս (1923) • Վլադիսլավ Ռեյմոնտ (1924) • Ջորջ Բեռնարդ Շոու (1925) 1926—1950 Գրացիա Դելեդա (1926) • Անրի Բերգսոն (1927) • Սիգրիտ Ունսեթ (1928) • Թոմաս Մանն (1929) • Սինքլեր Լյուիս (1930) • Էրիկ Կարլֆեկդտ (1931) • Ջոն Գոլսուորսի (1932) • Իվան Բունին (1933) • Լուիջո Պիրանդելո (1934) • Յուջին Օ'Նիլ (1936) • Ռոժե-Մարթեն Դյու Գար (1937) • Պյոռլ Բակ (1938) • Ֆրանս Էմիլ Սիլանպյա (1939) • Յոհանես Ենսեն (1944) • Գաբրիելա Միստրալ (1945) • Հերման Հեսսե (1946) • Անդրե Ժիդ (1947) • Թոմաս Էլիոթ (1948) • Ուիլյամ Ֆոլքներ (1949) • Բերթրան Ռասել (1950) 1951—1975 Պեր Լագերքվիստ (1951) • Ֆրանսուա Մորիակ (1952) • Ուինսթոն Չերչիլ (1953) • Էռնեստ Հեմինգուեյ (1954) • Հալդոուր Լաքսնես (1955) • Խուան Հիմենես (1956) • Ալբեր Կամյու (1957) • Բորիս Պաստեռնակ (1958) • Սալվատորե Քվազիմոդո (1959) • Սեն-Ժոն Պերս (1960) • Իվո Անդրիչ (1961) • Ջոն Սթեյնբեկ (1962) • Գեորգոս Սեֆերիս (1963) • Ժան Պոլ Սարտր (1964) • Միխայիլ Շոլոխով (1965) • Շմուել Յոզեֆ Ագնոն / Նելլի Զաքս (1966) • Միգել Աստուրիաս (1967) • Յասունարի Կավաբատա (1968) • Սեմյուել Բեքետ (1969) • Ալեքսանդր Սոլժենիցին (1970) • Պաբլո Ներուդա (1971) • Հենրիխ Բելլ (1972) • Պատրիկ Ուայթ (1973) • Հարրի Մարտինսոն / Էյվինդ Յոնսոն (1974) • Էուջենիո Մոնտալե (1975) 1976—2000 Սոլ Բելլոու (1976) • Վիսենտե Ալեքսանդրե (1977) • Իսահակ Բաշեվիս Զինգեր (1978) • Օդիսեաս Էլիտիս (1979) • Չեսլավ Միլոշ (1980) • Էլիաս Կանետտի (1981) • Գաբրիել Գարսիա Մարկես (1982) • Ուիլյամ Հոլդինգ (1983) • Յարոսլավ Սեյֆերտ (1984) • Կլոդ Սիմոն (1985) • Վոլե Շոյնիկա (1986) • Իոսիֆ Բրոդսկի (1987) • Նաջիբ Մախֆուզ (1988) • Կամիլո Խոսե Սելա (1989) • Օկտավիո Պաս (1990) • Նադին Գորդիմեր (1991) • Դերեկ Ուոլկոտ (1992) • Թոնի Մորիսոն (1993) • Կենձաբուրո Օե (1994) • Շեյմաս Հինի (1995) • Վիսլավա Շիմբորսկա (1996) • Դարիո Ֆո (1997) • Շոզե Սարամագու (1998) • Գրաս Գյունտեր (1999) • Գաո Սինցզյան (2000) 2001—2025 Վիդիադհար Սուրաջպրասադ Նայփոլ (2001) • Իմրե Կերտաս (2002) • Ջոն Մաքսվելլ Կուտզե (2003) • Էլֆրիդե Ելինեկ (2004) • Հարոլդ Փինթեր (2005) • Օրհան Փամուկ (2006) • Դորիս Լեսսինգ (2007) • Ժան-Մարի Լեկլեզիո (2008) • Հերտա Մյուլլեր (2009) • Մարիա Վարգաս Լյոսա (2010) • Թոմաս Տրանստրյոմեր (2011) • Մո Յան (2012) • Էլիս Մանրո (2013) • Պատրիկ Մոդիանո (2014) • Սվետլանա Ալեքսիևիչ (2015) • Բոբ Դիլան (2016) • Կաձուո Իսիգուրո (2017)