ամսագիր From Wikipedia, the free encyclopedia
«Գարուն», գրական-գեղարվեստական, հասարակական-քաղաքական անկախ ամսագիր։ Տպագրվում է Երևանում 1967 թվականից։ Տպագրում է հայ անվանի և երիտասարդ գրողների ստեղծագործությունները, ակնարկներով, հոդվածներով և հարցազրույցներով բարձրացնում ու լուսաբանում է հասարակական, տնտեսական, բարոյախոսական, գիտական, դաստիարակչական հարցեր։ Մինչև 1991 թվականը եղել է ՀԼԿԵՄ Կենտկոմի, Հայաստանի Գրողների Միության հրատարակությունը[1], այնուհետև եղել է անկախ պարբերական։
Անվան այլ կիրառումների համար տե՛ս՝ Գարուն (այլ կիրառումներ)| Գարուն | |
|---|---|
.jpg) | |
| Տեսակ | պարբերական |
| Լեզու | հայերեն |
| Երկիր |  Հայաստան Երևան |
| Գրասենյակ | Երևան, Հայաստան |
| Հրատարակության պատմություն | 1967 թվականից |
| Հաճախականություն | 12 |
| Գրախոսվող | ոչ |
| Հոդվածներ | 4. - 8 |
| Տպաքանակ | 500 |
| Հայկական ԱԳ | 0 |
| ISSN | 0257-9901[1] |
| ISI | 0 |
| SCOPUS | 0 |
| ԲՈՀ ցանկ | 1 |
| Թեմատիկ դասիչ | 77719 |
| OCLC | 8338804[1] |
Ամսագրի առաջին համարում հրապարակվում են Բորիս Պոլևոյի, Հովհաննես Բաղրամյանի, Սերգեյ Սմիռնովի, Մարիետա Շահինյանի, Արամ Խաչատրյանի, Սերգեյ Մերգելյանի ողջույնի և շնորհավորանքի խոսքերը ամսագրի լույսընծայման կապակցությամբ։ Անդրանիկ համարի խմբագրականում գրված է.
 |
Մեր ամսագրին վիճակված է ընթերցողներից լավագույնը։ 16-17 տարեկանը նոր-նոր փորձում է հասկանալ աշխարհի ու ժամանակի բարդությունը, հասկանալ ինքն իրեն, սիրում ու հուսահատվում է՝ իր մեջ ունենալով Համլետի հոգու մի մասնիկը, ներքին բոլոր իմպուլսներով պատրաստ է ամենախելագար սխրանքների։ 16-17 տարիքը մեր ելման կետն է, որ հասնում է մինչև 30-33, գուցե նաև 40 տարի, որովհետև այդ տարիքից հետո ոչ ոք չի ուզում մեծանալ։ Այս տարիքում գտնված են շատ հարցերի պատասխանները, գտնված է տեղը կյանքում, հոգին ավելի քիչ է պատրաստ խելահեղ քայլերի։ Մեր ընթերցողների հետ մենք պիտի անցնենք այս ճանապարհը՝ 16-40. և պիտի անցնենք ոչ թե տարիների ընթացքում, այլ յուրաքանչյուր համարի մեջ։ Դա բարդ է, երբեմն անհնար, բայց մենք կփորձենք, կորոնենք։ |  |
1967-1975 թվականներին ամսագրի գլխավոր խմբագիրն էր Վարդգես Պետրոսյանը։ Այս տարիներին խմբագրական կոլեգիայի անդամ են եղել Էմին Արիստակեսյանը, Մինաս Ավետիսյանը, Էդվարդ Արևշատյանը, Էմիլ Գաբրիելյանը, Խաժակ Գյուլնազարյանը, Ֆրունզե Դովլաթյանը, Գևորգ Էմինը, Գևորգ Խրլոպյանը, Անժիկ Հակոբյանը (պատասխանատու քարտուղար), Նորա Հակոբյանը։ Գեղարվեստական խմբագիր է եղել Ալեքսանդր Գրիգորյանը։ Խմբագրությունը գտնվել է Իսահակյան 28 հասցեում։
1967-1975 թթ. ամսագրում տպագրվել են Պարույր Սևակի, Հրաչյա Սարուխանի, Վահագն Դավթյանի, Հենրիկ Էդոյանի, Դավիթ Հովհաննեսի, Արտակ Ոսկանյանի, Գևորգ Էմինի, Ալեք Խաչունցի, Հովհաննես Գրիգորյանի, Կարո Մելիքսեթյանի, Արամայիս Սահակյանի, Արևշատ Ավագյանի, Համո Սահյանի, Թաթուլ Բոլորչյան և ուրիշների բանաստեղծական շարքերը։
1967-1975 թթ. ամսագրում արձակ ստեղծագործություններով հանդես են եկել Հովհաննես Մելքոնյանը, Գրիգոր Ջանիկյանը, Մկրտիչ Սարգսյանը,Վարդգես Պետրոսյանը, Առնոլդ Աղաբաբյանը, Հրաչյա Մաթևոսյանը, Հենրիկ Բադալյանը, Մուշեղ Գալշոյանը, Խաժակ Գյուլնազարյանը, Ռուդոլֆ Մարտիրոսյան և ուրիշներ։
1967-1975 թթ. հարցազրույցներ են արվել Հանրապետության նախարարների խորհրդի նախագահ Բադալ Մուրադյանի, կապի նախարար Թ. Ս. Մինասյանցի, կինոռեժիսոր, Հայաստանի կինոմատոգրաֆիայի միության առաջին քարտուղար Ֆրունզե Դովլաթյանի, հասարակական կարգի պահպանության նախարարի տեղակալ Սուրեն Ոսկանյանի և ուրիշների հետ։
Թորոս Թորանյանը հարցազրույցներ է վարել Սփյուռքում գտնվող հայ արվեստագետների՝ Վահե Քաչայի, Գառզուի, Ալեքսանդր Սարուխանի հետ։
Հարցազրույցներ են ներկայացվել նաև թարգմանված արտասահմանյան մամուլից (Լուի Արագոն (բելգրական «Լը պուան») և այլն)։
1967-1975 թթ. ամսագրի էջերում թարգմանաբար ներկայացվել են Ալեքսանդր Գորբովսկին, Պոլ Էլյուարը, Ռեյ Բրեդբերին, Թադեուշ Ռուժևիչը, Ժորժ Դյուամելը, Լորինա Դիմովան, Վլադիմիր Բաշևը, Նեդյալկո Յորդանովը, Նադյա Կեխլիբարովան, Կարլոս Աուգուստո Լեոնը, Տրիստան Ցարան, Վոլֆգանգ Բորխերտ և ուրիշներ։ Թարգմանությունները կատարել են Աբրահամ Ալիքյանը, Կարեն Սիմոնյանը, Համո Սահյանը, Լևոն Միրիջանյանը, Վահագն Կարենցը, Մետաքսեն, Հենրիկ Սևանը և ուրիշներ։
Թարգմանություններ են եղել նաև ժամանակակից արտասահմանյան մամուլից։
1967-75 թթ. գիտական հրապարակումներով հանդես են եկել աստղագետներ Վիկտոր Համբարձումյանը, Էլմա Պարսամյանը, պատմաբաններ՝ Վարդան Գրիգորյանը, Արամայիս Մնացականյանը, Հայկ Հայրապետյանը, Համբարձում Կարապետյանը, փիլիսոփա Գևորգ Խրլոպյանը, բժիշկ-պատմաբան Արծրուն Կծոյանը և ուրիշներ։
1967-1975 թթ. արվեստաբանական նյութեր են հրապարակել Հենրիկ Իգիթյանը, Արտո Չաքմաքչյանը, Մանյա Ղազարյանը, Արմեն Զարյանը, Սուրեն Հասմիկյանը և ուրիշներ։
Մարզական թեմաներով ակնարկներ են գրել Հովհաննես Մարտիրոսյանը (Սերգո Համբարձումյանի և ուրիշների մասին), Վանիկ Զաքարյանը (Չարլզ Մորֆիի և ուրիշների մասին)։
Անդրանիկ համարն ուներ 14.867 տպաքանակ, երկրորդը՝ 18300. երրորդը՝ 18494, չորրորդը՝ 13.000:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
