Վիլհելմ Գրիմ

Վիլհելմ Կարլ Գրիմ (գերմ.՝ Wilhelm Karl Grimm, փետրվարի 24, 1786(1786-02-24)^{[1][2][3][…]}, Հանաու, Landgraviate of Hesse-Kassel, Սրբազան Հռոմեական կայսրություն^[4] - դեկտեմբերի 16, 1859(1859-12-16)^{[1][2][3][…]}, Բեռլին, Պրուսիայի թագավորություն^[4]), գերմանացի բանասեր, Յակոբ Գրիմի եղբայրը։ Նա, ինչպես և եղբայրը, Հեյդելբերգի ռոմանտիկայի ներկայացուցիչն է, որի նպատակն էր հասարակական և գիտական հետաքրքրության վերականգնումը ժողովրդական մշակույթի (ֆոլկլորի) նկատմամբ։

Վիլհելմ Գրիմ գերմ.՝ Wilhelm Grimm
Ծննդյան անուն	գերմ.՝ Wilhelm Karl Grimm
Ծնվել է	փետրվարի 24, 1786(1786-02-24)[1][2][3][…]
Ծննդավայր	Հանաու, Landgraviate of Hesse-Kassel, Սրբազան Հռոմեական կայսրություն[4]
Վախճանվել է	դեկտեմբերի 16, 1859(1859-12-16)[1][2][3][…] (73 տարեկան)
Վախճանի վայր	Բեռլին, Պրուսիայի թագավորություն[4]
Գերեզման	Սուրբ Մաթևոսի հին գերեզմանատուն
Մասնագիտություն	բառարանագիր, մարդաբան, գրադարանավար, գրող, գրադարանավար, մանկագիր, մանկավարժ, լեզվաբան, գրականագետ, գերմանագետ, իրավաբան, համալսարանի դասախոս, առասպելագիր, ժողովրդական հեքիաթների բանահավաք և բանասեր
Լեզու	գերմաներեն
Քաղաքացիություն	Landgraviate of Hesse-Kassel և  Պրուսիայի թագավորություն
Կրթություն	Մարբուրգի համալսարան և HU Berlin
Գրական ուղղություններ	ռոմանտիզմ
Ուշագրավ աշխատանքներ	Գրիմ եղբայրների հեքիաթներ
Անդամակցություն	Պրուսիայի գիտությունների ակադեմիա, Գյոթինգենի Գիտությունների ակադեմիա, Բավարիական գիտությունների ակադեմիա, Շվեդիայի բանահյուսության, պատմության և հնավաճառության թագավորական ակադեմիա և Նիդերլանդական արվեստների և գիտությունների թագավորական ակադեմիա
Աշխատավայր	Գյոթինգենի համալսարան և Ֆրիդրիխ-Վիլհելմի համակսարան
Ամուսին	Dorothea Grimm?[4]
Զավակներ	Հերման Գրիմ[4]
Wilhelm Grimm Վիքիպահեստում

Կենսագրություն

Վիլհելմ Գրիմը ծնվել է 1786 թվականի փետրվարի 24-ին Հանաու քաղաքում։ Նա Շտայնաու-ան-դեր-Շտրասե քաղաքի ամտման Ֆիլիպ Վիլհելմ Գրիմի (1751-1796) և Դորոտթա Ցիմմերի (1755-1805) երրորդ որդին էր։ Իր ավագ եղբոր՝ Յակոբ Գրիմի հետ հաճախել է Կասելի Lyceum Fridericianum (գերմ.՝ das Friedrichsgymnasium) հնագույն գիմնազիան, իսկ այնուհետև ընդունվել է Մարբուրգի համալսարան, որտեղ պրոֆեսոր Ֆրիդրիխ Սավինիի ղեկավարությամբ սովորել է գերմանական իրավունք։ Համալսարանն ավարտելուց հետո վերադարձել է Կասել, որտեղ ապրել է մոր տանը, որն այդ ժամանակ արդեն այրի էր։

Առողջական խնդիրները (նա տառապում էր ասթմայով և, բացի այդ, դժգոհում էր սրտի ցավից) երկար ժամանակ նրան խանգարում էին որևէ պաշտոն ստանալ^[5], և 1806 թվականից նա միացել է գերմանական հեքիաթներ հավաքելու աշխատանքին, որն սկսել էր նրա եղբայր Յակոբը։ 1809 թվականին բուժվել է հայտնի բժիշկ Յոհաննա Քրիստիան Ռեյլի մոտ՝ Հալլե քաղաքում՝ բնակվելով իր ընկերոջ՝ կոմպոզիտոր Ի. Ֆ. Ռայխարդտի տանը։

Հալլեում նա ծանոթացել է Կլեմենս Բրենտանոյի հետ, և բուժումն ավարտելով՝ նրա հետ մեկնել է Բեռլին։ Պրուսիայի մայրաքաղաքում նա Կ. Բրենտանոյի և Լյուդվիգ Ախիմ ֆոն Արնիմի հետ վարձել է մեծ բնակարան։ Սակայն որոշ ժամանակ անց Վիլհելմ Գրիմը վերադարձել է Կասել, որտեղ հանդիպել է Գյոթեին, որը «նրան սրտանց շնորհակալություն է հայտնել վաղուց մոռացված մշակույթի բարօրության օգտին նրա գործադրած ջանքերի համար»^[6]։ 1814-1829 թվականներին աշխատել է որպես Կասելում Հեսսենի լանդգրաֆյան գրադարանի քարտուղար։

1825 թվականին ամուսնացել է Հենրիետտե Դորոթեա Վիլդի հետ։ 1828 թվականին ծնվել է նրանց որդին՝ Հերման Գրիմը (1828-1901), որը հետագայում հայտնի է դարձել որպես գրականության պատմաբան, Բեռլինի համալսարանի պրոֆեսոր և «Գյոթեի միության» համահիմնադիր։

1831-1835 թվականներին Վիլհելմ Գրիմը եղել է Գյոթինգենի համալսարանի գրադարանավար, իսկ 1835 թվականին դարձել է նրա արտահաստիքային պրոֆեսոր։ «Գյոթինգեն յոթ» բողոքին մասնակցելու համար (ինչպես և նրա ավագ եղբայրը) 1837 թվականին Հաննովերի հերցոգի կարգադրությամբ հեռացվել է բոլոր պաշտոններից և երկրից արտաքսվել։ Սակայն 1841 թվականին պրուսական թագավոր Ֆրիդրիխ Վիլհելմ IV-ի կողմից հրավիրվել է Բեռլին, նույն թվականին ընտրվել է որպես Պրուսական գիտությունների ակադեմիայի լիիրավ անդամ։ 18 տարի (մինչև մահը) դասավանդել է Բեռլինի համալսարանում և աշխատել «Գերմանական բառարանի» վրա։ Նրա մահացու հիվանդությունը, որ սկսվել է մեջքի սովորական ֆուրունկուլով, զարգացել է երկու շաբաթվա ընթացքում։ 1859 թվականի դեկտեմբերի 16-ին լուծանքը դադարեցրել է նրա տառապանքը^[7]։

Գործունեության արժեք

Գրիմ եղբայրների հրատարակած գերմաներենի պատմության և քերականության գրքերն այդ լեզվի բազմաթիվ բարբառաների ֆոնին հանդես են եկել որպես ազդակ լեզվաբանության՝ որպես ինքնուրույն գիտաճյուղի ձևավորման համար։ Վիլհելմ Գրիմը եղբոր հետ միասին կազմել է գերմանական հեքիաթների հայտնի ժողովածուն՝ հիմք դնելով ռունական գրականության համակարգված գիտական ուսումնասիրությանը։

Տես նաև

• Գրիմ եղբայրներ

Ծանոթագրություններ

1. Bibliothèque nationale de France data.bnf.fr (ֆր.): տվյալների բաց շտեմարան — 2011.
2. Internet Broadway Database — 2000.
3. Internet Speculative Fiction Database — 1995.
4. Գերմանիայի ազգային գրադարանի կատալոգ (գերմ.)
5. Lemmer M. Die Brüder Grimm. Leipzig, 1985. S. 10-17.
6. Scherer W. Grimm Wilhelm (Karl) // Allgemeine Deutsche Biographie. Bd. 9. Leipzig, 1879. S. 691.
7. Ibid. S. 694—695.

Գրականություն

• «Гриммы». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.{{cite book}}: CS1 սպաս․ location missing publisher (link)
• Wilhelm Scherer. Grimm, Wilhelm // Allgemeine Deutsche Biographie (ADB). — Bd. 9. — Lpz.: Duncker & Humblot, 1879. — S. 690–695. (нем.)
• Lemmer M. Die Brüder Grimm. Leipzig, 1985.

Արտաքին հղումներ

• Grimm Brothers' Home Page
• Վիլհելմ Գրիմի գործերը Գուտենբերգ նախագծում
• Վիլհելմ Գրիմ (անգլ.) Internet Movie Database կայքում
• Household Tales by the Brothers Grimm, translated by Margaret Hunt Արխիվացված 2010-01-03 Wayback Machine

Վիքիպահեստն ունի նյութեր, որոնք վերաբերում են «Վիլհելմ Գրիմ» հոդվածին։