From Wikipedia, the free encyclopedia
Hansowe město Lubica (němsce Lübeck; delnjoněmsce Lübęk abo Lübeek; dansce Lybæk; połobsce Liubice) je bjezwokrjesne wulkoměsto na sewjeru Němskeje. Leži w juhowuchodnej Schleswigsko-Holsteinskeje při Lübeckskim zaliwje Baltiskeho morja. Lubica je po přestrjeni najwjetše město Schleswigsko-Holsteinskeje a z něhdźe 215.000 wobydlerjemi po krajnej stolicy Kiel město z najwjace wobydlerjemi. Srjedźowěkowske Stare město je dźěl swětoweho herbstwa UNESCO.
Wopon | ||
---|---|---|
| ||
Zakładne daty | ||
stat | Němska | |
zwjazkowy kraj | Schleswigsko-Holsteinska | |
wokrjes | bjezwokrjesne | |
wysokosć | 13 metrow n.m.hł. | |
přestrjeń | 214,14 km² | |
wobydlerstwo | 216.277 (31. dec 2021)[1] | |
hustosć zasydlenja | 1010 wob. na km² | |
póstowe čisła | 23501–23570 | |
předwólby | (+49) 0451 (Hansestadt Lübeck) 04502 (Lübeck-Travemünde) | |
awtowa značka | HL | |
Politika a zarjadnistwo | ||
adresa | Breite Straße 62 23552 Lübeck | |
wikidata: Lübeck (Q2843) |
Něhdźe 65 km juhozapadnje Lübecka leži město Hamburg, 78 km sewjerozapadnje Kiel a 68 km juhowuchodnje Zwěrin. Město Lübeck, přez kotrež běži rěka Trave, słuša wot apryla 2012 do europskeho metropoloweho regiona Hamburg. Něhdyše srjedźišćo Hansy mjenuje so tež „Město sydom wěžow“ abo „Wrota do sewjera“.
Prěnje sydlišćo z mjenom Liubice je so prawdźepodobnje za čas Korle Wulkeho we 8. lětstotku wot połobskich Słowjanow załožiło. Wot 10. lětstotka bě Lubica nimo Starohroda w Holsteinskej najwažniši hród Obodritow. Dźensniše město załoži so w lěće 1143 jako prěni němski přistaw při Baltiskim morju. Po přepołoženju biskopskeho sydła ze Starohroda do Lubicy měješe město nadregionalny wuznam. Wot 13. do 16. lětstotka bě jako srjedźišćo Hansy najwažniše wikowanske město baltiskeho regiona.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.