město w Bayerskej From Wikipedia, the free encyclopedia
Rězno[2] (němsce Regensburg, łaćonsce Ratisbona) je bjezwokrjesne wulkoměsto we wuchodnej Bayerskej. Zarjadniske sydło wobwoda Hornja Pfalca leži při wuliwje rěkow Regen a Naab do Dunaja zapadnje Bayerskeho lěsa, něhdźe 120 kilometrow sewjernje Mnichowa. Ma něhdźe 140.000 wobydlerjow a je tuž po Mnichowje, Nürnbergu a Augsburgu štwórte najwjetše město Bayerskeje.
němsce | Regensburg | |
Wopon | ||
---|---|---|
| ||
Zakładne daty | ||
stat | ![]() | |
zwjazkowy kraj | ![]() | |
knježerstwowy wobwod | Hornja Pfalca | |
wokrjes | bjezwokrjesne | |
wysokosć | 343 metrow n.m.hł. | |
přestrjeń | 80,76 km² | |
wobydlerstwo | 153.542 (31. dec 2021)[1] | |
hustosć zasydlenja | 1901 wob. na km² | |
póstowe čisła | 93047–93059 | |
předwólba | (+49) 0941 | |
awtowa značka | R | |
Politika a zarjadnistwo | ||
wyši měšćanosta | Joachim Wolbergs (SPD) | |
adresa | Rathausplatz 1 93047 Regensburg | |
webstrona | regensburg.de | |
wikidata: Rězno (Q2978) |
Historiski centrum Rězna słuša wot lěta 2006 oficielnje k swětowemu herbstwu UNESCO. Rězno je biskopske sydło a stejišćo třoch wysokich šulow.
Rězno słuša k najstaršim městam Němskeje. Mjeno Radaspona bu prěni raz hižo w lěće 770 naspomnjene, pochadźa pak prawdźepodobnje z keltiskich rěčow. Romske stawizny města zahajichu so w lěće 79 z natwarjenjom kastela. W druhej połojcy druheho lětstotka je so potom w nadawku kejžora Marka Aurela legionowe lěhwo Castra Regina załožiło. Po pućowanju ludow w 5. lětstotku zhubi město swój status jako wuznamne wojerske stejišćo při Dunaju. Započatk 8. lětstotka załoži so w Rěznje, tehdy hižo srjedźišćo bayerskeho wójwodstwa, biskopstwo. Pod wuchodofrankowskim kralom Ludwigom II. sta so město z kralowskej rezidencu a wažnym srjedźišćom mócnarstwa. Tež za Swjate romske mócnarstwo měješe Rězno jako sydło mócnarstwoweho sejma mjez 1594 a 1803 wulki wuznam. Za čas Napoleonowych wójnow přińdźe město w lěće 1810 k Bayerskej a zhubi tak swój status jako mócnarstwowe město.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.