Würzburg je bjezwokrjesne němske wulkoměsto na samym sewjerozapadźe Bayerskeje. Je z něhdźe 125.000 wobydlerjemi šeste najwjetše město w Bayerskej a nadeńdźe so nad Mohanom w knježerstwowym wobwodźe Delnja Frankowska, 220 kilometrow sewjerozapadnje Mnichowa a 100 kilometrow wuchodnje Frankobroda. Würzburg je zarjadniske sydło knježerstwoweho wobwoda a hižo wot lěta 741 sydło romsko-katolskeho biskopstwa.
| ||
| Wopon | ||
|---|---|---|
| ||
| Zakładne daty | ||
| stat |  Němska | |
| zwjazkowy kraj | .svg){kind=small} Bayerska | |
| wokrjes | bjezwokrjesne | |
| wysokosć | 177 metrow n.m.hł. | |
| přestrjeń | 87,63 km² | |
| wobydlerstwo | 128.246 (31. dec 2023)[1] | |
| hustosć zasydlenja | 1463 wob. na km² | |
| póstowe čisła | 97070–97084 | |
| předwólba | (+49) 0931 | |
| awtowa značka | WÜ | |
| Politika a zarjadnistwo | ||
| měšćanosta | Christian Schuchardt (CDU) | |
| adresa | Rückermainstraße 2 97070 Würzburg | |
| webstrona | wuerzburg.de | |
wikidata: Würzburg (Q2999) | ||
Würzburg je stejišćo Juliusa Maximilianoweje uniwersity a słuša tuž ke klasiskim uniwersitnym městam w Němskej.
Město leži při křižowanišćo awtodróhow A 3 (Nižozemska–Awstriska), A 7 (Danska–Awstriska) a A 87 (do Stuttgarta).
Stawizny
Město naspomni so prěni raz hižo w lěće 704 jako Castellum Virteburch a bu w srjedźowěku wažny hospodarski, duchowny a administratiwny centrum. Hač do industrijneje rewolucije měješe wulki nadregionalny wuznam. Historiske stare město je so w Druhej swětowej wójnje ćežko wobškodźiło. Po wójnje znowa natwarjena Würzburgska rezidenca słuša wot 1981 k swětowemu herbstwu UNESCO.
Wosobiny
Wuznamne wosobiny z Würzburga su fyzikar Werner Heisenberg (1901–1976), medijowy předewzaćel Leo Kirch (1926–2011), politikarka Jutta Ditfurth (* 1951) a basketballowc Dirk Nowitzki (* 1978).
Wobrazy
Twjerdźizna Marienberg z mostom nad Mohanom
Nutřkowne město
Würzburgska rezidenca, dźěl swětoweho kulturneho herbstwa
Mohan ze starym přistawom
Hłowne twarjenje uniwersity
Žórła
Wotkaz
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
