wjes w Budyskim wokrjesu, gmejnski dźěl Radworja From Wikipedia, the free encyclopedia
Kamjenej (prjedy serbsce tež Kamjenna; němsce Camina) je wjes ze 110 wobydlerjemi[2] w hornjołužiskim wokrjesu Budyšin. Do 1936 bě Kamjenej samostatna gmejna a słuša wot tohole lěta k Radworskej gmejnje.
| |||||
gmejna: | Radwor | ||||
zagmejnowanje: | 1936 | ||||
wobydlerstwo: | 110 (31. decembra 2022)[1] | ||||
přestrjeń: | 2,88 km² | ||||
wysokosć: | 153–163 metrow n.m.hł. | ||||
51.25527777777814.420555555556153–163 | |||||
póstowe čisło: | 02627 | ||||
předwólba: | 035935 | ||||
wotwodźene słowa: |
| ||||
![]() Swjaty křiž na sewjernej kromje Kamjeneje | |||||
wikidata: Kamjenej (Q10713828) |
Wjes leži mjez 153 a 163 m nad mórskej hładźinu na južnej kromje krajinje hornjołužiskeje hole a hatow sewjernje Budyšina. Susodne wjeski su Łomsk na sewjeru, Wulka Dubrawa na wuchodźe, Měrkow na juhu, Radwor na juhozapadźe, Bronjo na zapadźe, a Nowe Bronjo kaž tež Łupoj na sewjerozapadźe. Přez Kamjenej wjedźe wokrjesna dróha K7211 z Radworja do Wulkeje Dubrawy, wuchodnje wsy wjedźe statna dróha S109 (Mały Wjelkow–Minakał) nimo.
Sydlišćo na sewjernym kóncu Kamjeneje mjenuje so Radworski Haj a njesłušeše – porno Kamjenjanskemu Hajej při Minakałskej dróze – prjedy do Kamjeneje.
Michał Rostok naliči 1887 slědowace serbske ležownostne mjena: Rišća, Lišonc, Na łučkach, Dračowy hatk, Kročetka, Na dnjom (na dołhom?), Semylowe chójny?, Studźen-hórka, Kłobuk, Słónčna młodźina, Tachantske hatki, Psyči keŕchow, Kunowc, Podatki (Podhatki?), Nowa Amerika, Křižiki, Hraborka (Hrabihórka?), Nadjězor, Prěčnik, Pisanki, Jatlo, Slěborna hórka, Brězhórka, Smolnička, Ronowy.[3]
Sydlerskostawiznisce je Kamjenej nawsowc. Prěnje historiske naspomnjenje jako Camyn pochadźa z lěta 1381.[4] Hač do 14. lětstotka wobsteješe njedaloko Kamjeneje, při puću do Wulkeje Dubrawy, wjeska Hronow. W 16. lětstotku zastawaše Njeswačanske kubło ležownostne knjejstwo.
W lěće 1884 měješe wjes po Mukowej statistice 166 wobydlerjow, z nich 158 Serbow (95 %).[5] Kamjenjanscy křesćenjo su přewažnje katolikojo, kiž přisłušeja Radworskej wosadźe. Protestanća słušeja k Minakałskej wosadźe.
Po ludličenju w lěće 2011 bydlachu we wsy 107 wobydlerjow w přerěznej starobje wot 40,3 lět (Sakska: 46,4).[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.