Chasow
wjes w Budyskim wokrjesu, gmejnski dźěl Radworja From Wikipedia, the free encyclopedia
Chasow (po starym prawopisu Khasow; němsce Quoos) je wjes ze 156 wobydlerjemi[2] w srjedźišću hornjołužiskeho wokrjesa Budyšin. Słuša wot lěta 1999 ke gmejnje Radwor a leži mjez 154 a 180 m nad mórskej hładźinu na južnej kromje krajiny hornjołužiskeje hole a hatow. Hač do lěta 1936 bě Chasow samostatna gmejna, po tym najprjedy Łuhowski wjesny dźěl a mjez lětomaj 1994 a 1999 dźěl Njeswačanskeje gmejny.
| |||||
| gmejna: | Radwor | ||||
| zagmejnowanje: | 1936 (do Łuha) | ||||
| wobydlerstwo: | 156 (31. decembra 2022)[1] | ||||
| přestrjeń: | 2,67 km² | ||||
| wysokosć: | 154–180 metrow n.m.hł. | ||||
51.25055555555614.367222222222154–180 | |||||
| póstowe čisło: | 02627 | ||||
| předwólba: | 035935 | ||||
| wotwodźene słowa: |
| ||||
 Něhdyše Chasowske ryćerkubło | |||||
wikidata: Chasow (Q1793891) | |||||
Susodne wjeski su Bronjo a Radwor na wuchodźe, Čorny Hodler na juhu a Łuh na zapadźe.
Sydlerskostawiznisce je Chasow přidróžny nawsowc. Prěnje historiske naspomnjenje jako knježe sydło Chozow abo Kazow je z lěta 1242[3]. Blisko Chasowa so wot lěta 1979 stary Zarěčanski wětrnik namaka.
Wot lěta 1890 měješe Chasow zastanišćo při železniskej čarje Budyšin–Rakecy, kotraž wjedźeše wot 1908 hač do Wojerec. W lěće 1999 bu wosobowy wobchad zastajeny a 2001 so čara zawrě.
Wobydlerstwo a rěč
W lěće 1884 měješe wjes po Mukowej statistice 174 wobydlerjow, z nich 168 Serbow (97 %).[4] Křesćanscy Chasowčenjo su přewažnje protestanća (1925: 67 %), kiž přisłušeja Njeswačanskej wosadźe. Katolska mjeńšina słuša do Radworskeje wosady.
Po ludličenju w lěće 2011 bydlachu we wsy 168 wobydlerjow w přerěznej starobje wot 41,4 lět (Sakska: 46,4).[5]
- Mikławš Krječmar (1891–1967), docent serbskeje filologije w Praze, literarny stawiznar, rěčespytnik a přełožowar
- Marja Kubašec (1890–1976), prěnja serbska wučerka, spisowaćelka, rodźena w Chasowje
- Klaws Thielmann (1933–2024) – serbski lěkar a strowotniski minister NDR, wotrostł w Chasowje
- Trudla Malinkowa (* 1955), serbska wědomostnica a redaktorka časopisa Pomhaj Bóh, rodźena w Chasowje
Chasowska nawjes
Ródny dom Marje Kubašec
Chasowske ryćerkubło w lěće 1859
Zadnja strona Chasowkeho kubła
Něhdyše zastanišćo při železniskej čarje Budyšin–Wojerecy
- Quoos/Chasow. W: Oberlausitzer Heide- und Teichlandschaft (= Werte der deutschen Heimat. Zwjazk 67). 1. nakład. Böhlau, Köln/Weimar/Wien 2005, ISBN 978-3-412-08903-0, str. 220sl.
- M. Kral: Stawizniske powěsće z našich serbskich wsow [=Serbska ludowa knihownja, čo. 44]. Budyšin, 1937, str. 90–105.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
