પીએસએલવી-સી૨
અંતરિક્ષ પ્રક્ષેપણ અભિયાન પીએસએલવી કાર્યક્રમ / From Wikipedia, the free encyclopedia
પીએસએલવી-સી૨ ભારતીય અંતરિક્ષ અનુસંધાન સંગઠન દ્વારા ચાલતા પીએસએલવી કાર્યક્રમનું પાંચમું અભિયાન અને બીજું કાર્યાન્વિત(operational) અભિયાન હતું. ૧ જાન્યુઆરી ૧૯૬૨થી ભારતીય અંતરિક્ષ અનુસંધાન સંગઠન દ્વારા શરૂ થયેલાં અંતરિક્ષ અભિયાનોની શ્રેણીમાં આ ૪૩મું ઉડાણ હતું. આ વાહને પૃથ્વીની સૂર્યાચલ અધઃ કક્ષામાં કુલ ત્રણ ઉપગ્રહો તરતા મૂક્યા.[1][2][3][4][5] આ અભિયાન દ્વારા નીચે મુજબના ત્રણ ઉપગ્રહો ભૂકેન્દ્રી સૂર્યાચલ અધઃ કક્ષામાં તૈનાત કરવામાં આવ્યા.[1]
- ભારતનો પ્રથમ દૂર-સંવેદન ઉપગ્રહો ઓશનસેટ-૧ જેને આઈઆરએસ-પી૪ તરીકે પણ ઓળખવામાં આવે છે. આ પીએસએલવીનો તે મુખ્ય વહનભાર હતો.
- દક્ષિણ કોરિયાનો કિટસેટ-૩ ઉપગ્રહ
- જર્મનીનો ડીએલઆર-ટુબસેટ
Quick Facts નામ, અભિયાન પ્રકાર ...
![]() પીએસએલવી રોકેટનો નમૂનો | |
નામ | ધ્રુવીય ઉપગ્રહ પ્રક્ષેપણ વાહન |
---|---|
અભિયાન પ્રકાર | ત્રણ ઉપગ્રહોની તૈનાતી |
ઑપરેટર | ઇસરો |
વેબસાઈટ | ઇસરો વેબસાઇટ |
અભિયાન અવધિ | ૧૧૧૭.૫ સેકંડ |
અવકાશયાન ગુણધર્મો | |
અવકાશયાન | ધ્રુવીય ઉપગ્રહ પ્રક્ષેપણ વાહન |
અવકાશયાન પ્રકાર | વિસ્તરણક્ષમ પ્રક્ષેપક-વાહન |
નિર્માતા | ઇસરો |
પ્રક્ષેપણ દ્રવ્યમાન | 294,000 kilograms (648,000 lb) |
વહનભાર દ્રવ્યમાન | 1,202 kilograms (2,650 lb) |
અભિયાન પ્રારંભ | |
પ્રક્ષેપણ તારીખ | ૨૬ મે ૧૯૯૯, ૧૧:૫૨ (IST) |
રોકેટ | પીએસએલવી |
પ્રક્ષેપણ સાઇટ | શ્રીહરિકોટા પ્રક્ષેપણ વિસ્તાર |
કોન્ટ્રાક્ટર | ઇસરો |
કક્ષાકીય પેરામીટર | |
સંદર્ભ કક્ષા | સૂર્યાચલ કક્ષા |
કાર્યકાળ | પૃથ્વીની અધઃ કક્ષા |
નિમ્નસ્થાનgee ઊંચાઈ | 723.1 kilometres (449.3 mi) |
Apogee ઊંચાઈ | 735.1 kilometres (456.8 mi) |
નતિ | 98.286 ડિગ્રી |
આવર્તમાન | 99.310 મિનિટ |
વહનભાર | |
![]() ![]() ![]() | |
ધ્રુવીય ઉપગ્રહ પ્રક્ષેપણ વાહનનાં અભિયાનો |
બંધ કરો
વિસ્તરણક્ષમ પ્રક્ષેપક વાહન પીએસએલવી-સી૨ એક કરતાં વધુ ઉપગ્રહોને વહન કરીને તેમની નિર્ધારીત જુદી જુદી જગ્યાની કક્ષામાં તૈનાત કરવાનું ભારતનું સૌ પ્રથમ અભિયાન બન્યું. એટલું જ નહીં, પણ ઇસરો દ્વારા આ સૌ પ્રથમ વાણિજ્યિક અભિયાન હતું. જર્મની અને દક્ષિણ કોરિયા પ્રત્યેક દેશે ઇસરોને દસ લાખ અમેરિકન ડોલર ચૂક્વ્યા હતા.[5][6]