San Salvador de Couzadoiro, Ortigueira
parroquia civil do concello de Ortigueira From Wikipedia, the free encyclopedia
San Salvador de Couzadoiro é unha parroquia do concello de Ortigueira, na comarca do Ortegal. Segundo o padrón municipal de 2009 tiña 114 habitantes (56 mulleres e 58 homes) distribuídos en 31 entidades de poboación, o que supón unha diminución en relación ao ano 1999 cando tiña 152 habitantes.
Para outras páxinas con títulos homónimos véxase: San Cristovo de Couzadoiro.
| San Salvador de Couzadoiro | |
|---|---|
 Igrexa de San Salvador de Couzadoiro. | |
 | |
| Concello | Ortigueira[1] |
| Provincia | A Coruña |
| Coordenadas | 43°40′08″N 7°47′36″O |
| Área | 9,1 km² |
| Poboación | 93 hab. (2017) |
| Densidade | 10,22 hab./km² |
| Entidades de poboación | 31[1] |
| [ editar datos en Wikidata ] | |
Está situada na parte suroriental do val do río Baleo ocupando o fondo dese val e a aba oeste da Serra da Faladoira, do Monte de Rande, do alto do Feo e de Bidueiros, e a parte oriental do Mosteiro. Entre os montes do Feo e Bidueiros corre o curso alto do río Dola, que da forma a outro pequeno val no que se acochan algúns lugares coñecidos por Tras do Río.
Limita ao norte coas parroquias de Espasante nos montes do Callobre, e Céltigos nos de Rande; polo leste o rego de Munín e os altos da Faladoira sepárana do concello de Mañón; polo sur limita coa parroquia de San Cristovo de Couzadoiro e polo oeste coas parroquia do Mosteiro e de Ladrido.
Dende a estrada AC 682 na Ponte do Baleo parte outra que no km 1 se bifurca noutras dúas que atravesan a parroquia. A da esquerda chega até Mañón por Braelle, Casás, Falca e Bidueiros e pola dereita vai até Devesos por Carballo Gordo, Covelo e Baxás.
Continúa esta parroquia o val que forma o río Baleo augas arriba dende o lugar de Ponta da Pedra até o do Carrexo, xa en Ladrido.
A igrexa parroquial de San Salvador localízase no lugar da Igrexa. É dunha soa nave con espadana a que se accede por unha escaleira exterior, do mesmo xeito que o resto das moitas igrexas do concello deste estilo. Hoxe queda practicamente afogada polas sucesivas ampliacións do cemiterio parroquial e as propiedades privadas do seu redor.
Lugares de San Salvador de Couzadoiro
| Lugares da parroquia de San Salvador de Couzadoiro no concello coruñés de Ortigueira | |
|---|---|
|
Baxás | Bidueiros | Braelle | Budeiros de Abaixo | Budeiros de Arriba | O Carballo Gordo | Os Carballos | O Carboeiro | Os Casás | Coruxo Novo | Coruxo Vello | O Covelo | A Ervella | A Escada | A Felgueira | O Feo | As Figueiras | A Igrexa | A Lixoa | Os Loureiros | Mucrín | As Nogueiras | As Paredes | O Pazo | A Peníscola | A Ponte da Pedra | Rande | Ratón | Rego Vello de Abaixo | Rego Vello de Arriba | A Regueira de Abaixo | A Regueira de Arriba | Requeixo | Sóñara | O Souto | O Tellado | Ventosa | Os Vilalbas | O Vilar |
Parroquias de Ortigueira
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
