Lluís Domènech

Lluís Domènech i Montaner, nado o 21 de decembro de 1850 e finado o 27 de decembro de 1923, foi un político e arquitecto catalán que destacou polas súas obras edificadas en estilo modernista catalán.

Lluís Domènech

Nome orixinal	(es) Lluís Domènech i Montaner
Biografía
Nacemento	30 de decembro de 1849 Barcelona, España
Morte	27 de decembro de 1923 (73 anos) Barcelona, España
Q59523510
1905 – 1919 ← Joan Torras i Guardiola (pt) – Joaquim Bassegoda i Amigó (pt)  →
Deputado das Cortes
5 de xuño de 1901 – 17 de agosto de 1905 Circunscrición electoral: Barcelona
Q59523510
1900 – 1900 ← Francisco de Paula del Villar y Lozano (pt) – Joan Torras i Guardiola (pt)  →
Datos persoais
Educación	Universidade de Barcelona
Actividade
Lugar de traballo	Barcelona
Ocupación	arquitecto, catedrático, político
Empregador	Universidade de Barcelona
Partido político	Jove Catalunya (en) Centre Nacional Catalá Unió Catalanista Centre Català Lliga Regionalista
Membro de	Royal Academy of Sciences and Arts of Barcelona (en) Real Academia Catalana de Belas Artes de San Jordi Real Academia das Boas Letras de Barcelona
Movemento	Modernismo catalán
Participou en
27 de marzo de 1892	Bases de Manresa (en)
Obra
Obras destacables Casa Lleó Morera Palau de la Música Catalana (1888) Castelo dos Tres Dragóns (1905) Hospital de la Santa Creu i Sant Pau
Familia
Fillos	Pere Domènech i Roura, Fèlix Domènech i Roura
Irmáns	Enric Domènech i Montaner Eduard Domènech i Montaner

Hospital de Sant Pau.

Traxectoria

Naceu en Barcelona e aínda mozo manifestaría o seu interese pola arquitectura. Estudou a carreira de arquitectura, ocupando posteriormente unha cátedra no Colexio de Arquitectura de Barcelona. Desde ese cargo exerceu unha influencia considerábel sobre como debía ser o modernismo en Cataluña. Escribiu un artigo titulado En busca d’una arquitectura nacional, publicado na revista La Renaixença (O Renacemento), que marcou o camiño cara a unha arquitectura moderna e nacional catalá.

Político

Casa Fuster.

En 1892 presidiu a asemblea que redactou as Bases de Manresa, documento que puña os alicerces para a devolución das Constitucións catalás.

Arquitecto

Como arquitecto, Domènech realizou edificios nos que se combina unha racionalidade estrutural con elementos ornamentais extraordinarios, inspirados nas correntes arquitectónicas hispano-árabes e nas liñas curvas propias do modernismo. No actual Museo de Zooloxía, construído orixinariamente como restaurante (El Castell dels Tres Dragons: O Castelo dos Tres Dragóns) con motivo da Exposición Universal de 1888, en Barcelona, Domènech utilizou estruturas de ferro a vista e cerámica, técnica que máis tarde, en 1908, perfeccionaría no Palau de la Música Catalana' (Pazo da Música Catalá). Este edificio, e os que proxectou posteriormente, incorporan unha profusión de mosaicos, cerámicas e vidro, policromados, dispostos con exquisita harmonía, que lles confiren un aspecto grandioso.

Contrariamente a outros arquitectos do modernismo, Domènech tendeu co paso do tempo a realizar edificios máis lixeiros, eliminando material nas estruturas, pero mantendo a ornamentación como elemento de primeira orde.

Domènech i Montaner faleceu en Barcelona aos 73 anos de idade.

Obras destacadas

Palau de la Música Catalana, Barcelona. Entrada

• Hospital de Sant Pau (Barcelona).
• Palau de la Música Catalana (Barcelona).

Outras obras importantes

• Casa Fuster (Barcelona).
• Casa Lamadrid (Barcelona).
• Casa Lleó Morera (Barcelona).
• Casa Thomas (Barcelona).
• Museo de Zooloxía (Barcelona).
• Editorial Montaner i Simón (Barcelona).
• Pazo Ramon Montaner (Barcelona).
• Ateneo Obreiro (Canet de Mar, Barcelona).
• Castelo de Santa Florentina (Canet de Mar, Barcelona).
• Casa Roure (Ca la Bianga) (Canet de Mar, Barcelona).
• Restaurante La Misericòrdia(Canet de Mar, Barcelona).
• Casa Solà Morales (Olot, Xirona).
• Casa Gasull (Reus, Tarragona).
• Casa Navàs (Reus, Tarragona).
• Casa Rull (Reus, Tarragona).
• Instituto Pere Mata (Reus, Tarragona).
• Grand Hotel (Palma).
• Cemiterio de Comillas (Cantabria).
• Fonte dos Tres canos (Comillas, Cantabria).
• Universidade Pontificia (Comillas, Cantabria).