A Copa do Rei de balonmán é unha competición española de balonmán entre clubs, organizada desde 1991 pola ASOBAL (Asociación de Clubs Españois de Balonmán), e que se disputa cada ano desde 1957. É a segunda competición máis importante do balonmán español, tras a Liga ASOBAL.
Para outras páxinas con títulos homónimos véxase: Copa do Rei.
| Tipo | competición deportiva  |
|---|---|
| Deporte | balonmán |
| Organizador | ASOBAL |
| Localización e Datas | |
| País | España |
| Vixencia | 1957 – |
| Calendario da tempada | decembro – marzo |
| Período de ocorrencia | 1 ano |
| Número de edición | 66 |
| Competición | |
| Primeiro posto | FC Barcelona (28º) (2024) |
| Outro | |
| Páxina web oficial | asobal.es… |
A Copa do Rei recibe este nome desde 1975 na honra ao Xefe de Estado de España. Entre 1957 e 1975 a competición recibiu a denominación de Copa do Xeneralísimo e nalgunhas edicións non enfrontou a clubs senón a seleccións provinciais. Con anterioridade, disputábase anualmente o Campionato de España de Balonmán a sete, torneo en formato copeiro que comezou a celebrarse en 1952 e que nalgunhas edicións tamén recibía o subtítulo de Copa do Xeneralísimo.[1]
Outra modalidade de balonmán, denominado "de campo" ou "a once", disputou de xeito descontinuo e en formato copeiro os Campionatos de España[2] da especialidade entre 1942 e 1959, en ocasións baixo o nome de Copa do Xeneralísimo.[3]
O sistema de competición da Copa do Rei variou ao longo dos anos. Actualmente, dispútase durante catro días nunha soa cidade. Participan oito equipos: un equipo anfitrión-organizador, e os sete primeiros clasificados da Liga ASOBAL á finzalización da primeira volta. Un sorteo establece os emparellamentos dos equipos no cadro de competición. Dispútanse catro partidos de cuartos de final; os gañadores clasifícanse para as dúas semifinais. Os vencedores das semifinais enfróntanse na final, que se disputa a partido único. Cabe dicir que os dous primeiros clasificados da Liga ASOBAL á finalización da primeira volta son considerados "cabezas de serie" no sorteo inicial, de maneira que non poden ser emparellados entre eles e só poden atoparse na final, en caso que gañen os seus partidos de cuartos e semifinais.
| Equipo | Campión | Subcampión |
|---|---|---|
| FC Barcelona | 23 | 14 |
| Atlético de Madrid | 10 | 7 |
| CB Calpisa | 5 | 1 |
| BM Granollers | 3 | 7 |
| BM Ciudad Real | 3 | 5 |
| Bidasoa Irún | 2 | 4 |
| BM Valladolid | 2 | 2 |
| Teka Cantabria | 2 | 1 |
| SDC San Antonio | 2 | 1 |
| Selección de Madrid | 2 | 0 |
| Selección de Guipúscoa | 1 | 2 |
| Selección de Barcelona | 1 | 2 |
| Reale Ademar León | 1 | 2 |
| Marcol | 1 | 1 |
| CF Arrahona | 1 | 0 |
| CB Alzira Avidesa | 1 | 0 |
| BM Atlético de Madrid | 2 | 0 |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
