Badaxoz[1][2] (en castelán: Badajoz, en estremeño: Badajós), coñecida historicamente en galego como Badallouce[3][4], é unha cidade española, capital da provincia de Badaxoz, a máis meridional das dúas provincias de Estremadura. En 2020 tiña 150 984 habitantes.
Badajoz (es) ![]() | |||||||||||||
Localización | |||||||||||||
---|---|---|---|---|---|---|---|---|---|---|---|---|---|
| |||||||||||||
Estado | España | ||||||||||||
Comunidade autónoma | Estremadura | ||||||||||||
Provincia | Provincia de Badaxoz ![]() | ||||||||||||
Capital de | |||||||||||||
Capital | Badaxoz ![]() | ||||||||||||
Contén a división administrativa | Alcazaba (en) ![]() Alvarado (en) ![]() Badaxoz Balboa (en) ![]() Gévora (pt) ![]() Novelda del Guadiana (en) ![]() Q5736541 ![]() Sagrajas (pt) ![]() Valdebótoa (pt) ![]() Villafranco del Guadiana (pt) ![]() ![]() | ||||||||||||
Poboación | |||||||||||||
Poboación | 150.190 (2023) ![]() | ||||||||||||
Xeografía | |||||||||||||
Parte de | |||||||||||||
Superficie | 1.470 km² ![]() | ||||||||||||
Bañado por | río Xévora e Río Guadiana ![]() | ||||||||||||
Altitude | 185 m ![]() | ||||||||||||
Comparte fronteira con | La Albuera (pt) ![]() Elvas Campo Maior Almendral (pt) ![]() Torre de Miguel Sesmero (pt) ![]() Valverde de Leganés (pt) ![]() Villar del Rey (pt) ![]() Puebla de la Calzada (pt) ![]() Cáceres Nogales (pt) ![]() Pueblonuevo del Guadiana (pt) ![]() Barcarrota (pt) ![]() Valdelacalzada (pt) ![]() Solana de los Barros (pt) ![]() Entrín Bajo (pt) ![]() Lobón (pt) ![]() Corte de Peleas (pt) ![]() Alburquerque Talavera la Real (pt) ![]() Mérida Olivenza Montijo (pt) ![]() La Roca de la Sierra (pt) ![]() Puebla de Obando (pt) ![]() Guadiana ![]() | ||||||||||||
Datos históricos | |||||||||||||
Cronoloxía | |||||||||||||
Evento clave
| |||||||||||||
Santo padrón | Xosé de Nazaret ![]() | ||||||||||||
Organización política | |||||||||||||
• Alcalde ![]() | Francisco Javier Fragoso Martínez (2013–) ![]() | ||||||||||||
Identificador descritivo | |||||||||||||
Código postal | 06001–06012 ![]() | ||||||||||||
Fuso horario | |||||||||||||
Prefixo telefónico | 924 ![]() | ||||||||||||
Código INE | 06015 ![]() | ||||||||||||
Outro | |||||||||||||
Irmandado con | |||||||||||||
Páxina web | aytobadajoz.es ![]() |
Badaxoz está situado á beira do río Guadiana, e é a porta de entrada natural a Portugal desde a Meseta Central. Badaxoz é a cidade máis poboada de Estremadura. Situada ó suroeste de España, está conectada pola autovía A-5 coas dúas capitais ibéricas, Madrid (a 400 km) e Lisboa (a 230 km).
Badaxoz está no suroeste da Península Ibérica e ao oeste da provincia á cal lle dá o nome, no límite con Portugal. Con 1440 km², é o terceiro municipio máis extenso de España, despois de Cáceres e Lorca. O centro urbano dista cinco quilómetros da fronteira de Caia, que recibe o nome do río que nesa zona separa España de Portugal. En termos xeolóxicos, está situada na Submeseta Sur. Foi fundada á beira do Guadiana sobre un outeiro de calcarias paleozoicas, labrado polo río até deixalo nun resalte cunha prominencia de 60 metros. Neste outeiro, denominado La Muela, levántase a Alcazaba de Badaxoz, un dos principais monumentos da cidade. O termo municipal de Badaxoz asenta sobre solos derivados dos depósitos terciarios, que empastaron os relevos paleozoicos. O centro da cidade está a unha altitude 182 metros. No resto do termo municipal, varía entre os 150 metros no tramo máis baixo do Guadiana e os 532 metros no pico Cancho de la Bandera, en Serra Luriana.
De acordo coa clasificación climática de Köppen o clima de Badaxoz é mediterráneo (Csa), ou mediterráneo continentalizado de acordo con outras fontes, por ter unha amplitude térmica notablemente maior que na costa mediterránea. Os invernos son relativamente fríos, con mínimas que chegan a baixar con certa frecuencia dos 0 °C e, polo tanto, coas consecuentes xeadas. Por outra banda, os veráns son calorosos, con máximas que poden superar en ocasións os 40 °C. As precipitacións son irregulares, cunha media anual ao redor dos 500 mm. Os meses máis chuviosos son os de novembro e decembro. En cambio, os veráns adoitan ser secos, con tan só algunhas precipitacións de carácter tormentoso xeralmente. No outono e primavera o clima é máis inestable que no resto do ano, producíndose con certa frecuencia tormentas. É frecuente, así mesmo, a aparición de néboas, especialmente persistentes no inverno, incluso durante varios días seguidos, ao estar situada a cidade en pleno val do Guadiana.
Badaxoz contaba en 2020 cunha poboación de 150 984 persoas. A pesar de ser a cidade con maior número de habitantes de Estremadura, presenta unha densidade de poboación relativamente baixa (104,52 hab/km²), debido á extensión do seu termo municipal, un dos máis grandes de España, con 1440,37 km². Aínda así, ten unha densidade maior cá do conxunto español (93,55 hab/km²). En comparación co dato estremeño, case cuadriplica a súa media, situada en 2020 en 25,56 hab/km².
Ademais da propia cidade, o concello inclúe pedanías, barrios e localidades de escasa poboación. Dos 26 núcleos integrados no municipio, só cinco superan os mil habitantes, alén da área urbana pacense.
O sector servizos é o dominante na cidade. O comercio nútrese de clientes procedentes da provincia e de Portugal. Debido á importancia das devanditas relacións comerciais co país veciño, en 2006 inaugurouse a nova instalación da Institución Feiral de Badaxoz (IFEBA), xunto á fronteira do río Caya. Tamén representa un importante nó de comunicacións entre dous países, e está previsto a construción dunha Plataforma Loxística e a chegada do tren de alta velocidade. A cidade conta, así mesmo, cun aeroporto, situado a 14 km do núcleo urbano, ampliado en 2009, un Palacio de Congresos e un parque acuático e de lecer, Aqua Badajoz. O chan industrial da cidade atópase concentrado case na súa totalidade nun gran polígono industrial, El Nevero, situado xunto á A-5, o cal se atopa continuamente en proceso de expansión. Nel están instaladas empresas dos sectores máis variados. Ademais, hai outros chans industriais nos accesos á cidade e en pequenos polígonos en barrios como San Roque.
No verán de 2007, presentouse o proxecto de construción da nova sede da Caja de Badajoz, que comezou a edificarse en outubro de 2008. Trátase dun centro financeiro que conta cun edificio de 88 metros de altura, o que o converteu no edificio máis alto de Estremadura.