Antonio Neira de Mosquera

Antonio José Neira de Mosquera, nado en Santiago de Compostela o 19 de marzo de 1823 e finado na Coruña o 9 de xullo de 1854, foi un xornalista e escritor galego, o principal instigador cultural do primeiro grupo provincialista. Foi un dos iniciadores do rexurdimento literario galego,^[1] inda que non escribiu en lingua galega.^[2]

Antonio Neira de Mosquera

Biografía
Nacemento	19 de marzo de 1823 Santiago de Compostela, España
Morte	9 de xullo de 1854 (31 anos) A Coruña, España
Educación	Universidade de Santiago de Compostela
Actividade
Ocupación	escritor, xornalista
Movemento	Romanticismo
Familia
Cónxuxe	María Núñez Pazos
Fillos	Celio José Manuel Neira 1852
Descrito pola fonte	Gran Enciclopedia Galega Silverio Cañada Dicionario biográfico de Galicia

Traxectoria

Pertencente a unha familia burguesa culta e acomodade, comezou Dereito na Universidade de Santiago de Compostela en 1837. Pertenceu á Academia Literaria fundada por José María Posada,^[3] da que foi primeiro secretario.^[4] Colaborou, a partir de 1841, nos periódicos Revista de Galicia, El Recreo Compostelano (que dirixiu) xunto a Antolín Faraldo e La Situación de Galicia co pseudónimo de doctor Malatesta. Fundou e dirixiu El Eco de Galicia.^[2]

Estreou na Coruña con éxito o drama La razón de la sinrazón. Trasladouse a Madrid en 1843 e foi redactor de El Tío Vivo (1845), El Imparcial e El Censor de Prensa. Escribiu estudos históricos, políticos e literarios sobre a instrución pública en España.^[1] Figura en Los españoles pintados por sí mismos (1844) con "El gaitero gallego", ao que describe como un narrador de contos e alcaiote de amores difíciles, animador de misa e romarías, nunca falta en festas patronais, vodas e magosto.^[5] Participou no Liceo de la Juventud. Escribiu a novela romántica Un ángel caído (1848), posible biografía de Mariano José de Larra. En 1848 volveu a Galicia. Colaborou no Semanario Pintoresco Español con artigos sobre Galicia que lle serviron de base para as Monografías de Santiago (1850), colección de cadros históricos, políticos, costumistas, de arte, tradicións e lendas.

Foi correspondente da Real Academia da Historia.^[6]

Retrato a lapis de Antonio José Neira de Mosquera.^[7]

Finou de enfermidade aos 31 anos de idade. O concello de Santiago de Compostela dedicoulle o nome dunha rúa.

Obras

• El día 24 de julio de 1840, 1840.
• El moribundo, 1841, 16 pp.^[8]
• La marquesa de Camba, 1842.
• "Infracción periodística", 16/2/1843, 1 p.^[9]
• La Marquesa de Camba y Rodeiro, 1845.
• Las ferias de Madrid, 1845, 188 p., Madrid: Madoz y Sagasti, colección de artigos.
• Un ángel caído, 1848.
• Monografías de Santiago, 1850, 388 pp.^[6] Imprenta de la Viuda de Compañel é Hijos.^[10]
• El reinado de las musas, 1851.

Album histórico, científico y literario de Galicia, 1883.

Colectivas

• AAVV. Album histórico, científico y literario de Galicia, 1883 (póstuma). El Correo Gallego.^[11]

Da autoría de Neira inclúe:

• "El P. M. Fr. Benito Geronimo Feijoo"
• "El puente Cesures"
• "Recuerdos de un viaje por Galicia"

• "Una romería en la Ulla baja"
• "El Pico-Sagro"
• "Paso del rio Ulla por San Juan da Cova"
• "Santuario de los Desamparados en Abades"
• "O Vota-Fumeiro de la Catedral de Santiago" ^[12][13][14]
• "Las torres de Oeste"
• "Mosaico romano de Lugo"
• "Sargadelos en 1851"

Galería de imaxes

• 
  El moribundo, 1841
• 
  El Recreo Compostelano, n. 2, 1842.
• 
  "Infracción periodística", 1843.
• 
  Monografías de Santiago, 1850 (PDF)
• 
  El Eco de Galicia, n. 53, 1851.

Notas

1. Enciclopedia Galega Universal
2. Vilavedra 1997.
3. Carballo Calero 1975, p. 86.
4. Vilavedra 1995.
5. Los españoles pintados por sí mismos 1844, tomo 2º, p. 176-189.
6. Monografías de Santiago en Galiciana.
7. Colección de retratos RAG.
8. El moribundo Arquivado 28 de xaneiro de 2019 en Wayback Machine. en Galiciana.
9. "Infracción periodística" en Galiciana.
10. Reeditado en 1950 polos Bibliófilos Gallegos con "Estudio preliminar" de B. Varela Jácome.
11. Album histórico, científico y literario de Galicia (PDF).
12. Este é hoxe un artigo de contido especialmente cuestionado.
13. Vázquez Castro 2009.
14. Coco Barajas 2015.

Véxase tamén

Wikimedia Commons ten máis contidos multimedia na categoría:  Antonio Neira de Mosquera

Neira de Mosquera imaxinado por unha intelixencia artificial a partir dun seu gravado. Autor: Manuel Gago Mariño.

Bibliografía

• "Neira de Mosquera, Antonio". Diccionario enciclopédico galego universal 44. La Voz de Galicia. 2003-2004. p. 68. ISBN 84-7680-429-6.
• "Neira de Mosquera, Antonio". Dicionario biográfico de Galicia 3. Ir Indo Edicións. 2010-2011. p. 18.
• "Neira de Mosquera, Antonio". Diciopedia do século 21 2. Do Cumio, Galaxia e do Castro. 2006. p. 1452. ISBN 978-84-8288-942-9.
• "Neira de Mosquera, Antonio". Enciclopedia Galega Universal 12. Ir Indo. 1999-2002. p. 361. ISBN 84-7680-288-9.
• Caamaño Bournacell, José. "Testamento del licenciado don Antonio Neira de Mosquera". Boletín de la RAG (en castelán). tomo 3: 254–256. Arquivado dende o orixinal o 28 de xaneiro de 2019. Consultado o 28 de xaneiro de 2019.
• Carballo Calero, R. (1975) [1963]. Historia da literatura galega contemporánea. Galaxia. ISBN 84-7154-227-7.
• Cea-Naharro y Rey, M.ª Dolores de (2005). "Neira de Mosquera, Antonio". Gran Enciclopedia Galega (DVD). El Progreso. ISBN 84-87804-88-8.
• Coco Barajas, Abraham (27/4/2015). "Neira de Mosquera se inventó el mito del botafumeiro". ABC (en castelán). ISSN 1136-0143.
• Couceiro Freijomil, Antonio (1951-53). Diccionario Bio-bibliográfico de Escritores (en castelán) II. Bibliófilos Gallegos. p. 471.
• Martínez, X. (ed.). Galicia ante todo. Páxinas esquecidas do Rexurdimento (1840-1853). Alvarellos. ISBN 978-84-16460-21-2. Arquivado dende o orixinal o 28 de xaneiro de 2019. Consultado o 28 de xaneiro de 2019. Con prólogo de X. R. Barreiro.
• Miralles García, Enrique (2008). "Grupo de Investigación del Cuento Español del Siglo XIX" (en castelán). Universitat Autònoma de Barcelona. Arquivado dende o orixinal o 15 de agosto de 2016. Consultado o 27 de xaneiro de 2019.
• Ríos Panisse, María do C. (2000). Os Séculos Escuros. O século XIX. Proxecto Galicia. Tomo XXXI. A Coruña: Hércules. ISBN 84-89468-73-7.
• Rodríguez Sánchez, Tomás (1994). Catálogo de dramaturgos españoles del siglo XIX. Madrid: Fundación Universitaria Española. p. 415. ISBN 8473923545.
• Vázquez Castro, Julio (2009). "El rey de los incensarios. Víctor Hugo y el redescubrimiento romántico del botafumeiro" (PDF). Abrente (40-41): 149-186.
• Vicenti, A. (28/3/1880). "Historias Literarias. D. Antonio Neira de Mosquera, su tiempo, su obra (conclusión)". La Ilustración Gallega y Asturiana (en castelán) (9).
• Vilavedra, Dolores, ed. (1995). Diccionario da Literatura Galega. Autores I. Vigo: Editorial Galaxia. p. 402-403. ISBN 84-8288-019-5.
• —————————, ed. (1997). Diccionario da Literatura Galega. Publicacións Periódicas II. Vigo: Editorial Galaxia. ISBN 84-8288-137-X.

Outros artigos

• Liceo de la Juventud
• Vicente Feixoo

Ligazóns externas

• Artigos de Neira de Mosquera na Hemeroteca da RAG