Diciopedia do século 21

A Diciopedia do século 21, subtitulada Dicionario enciclopédico da lingua galega e da cultura universal ilustrado, é un dicionario e enciclopedia universal, en tres volumes, editada no ano 2006 conxuntamente por Edicións do Cumio, Editorial Galaxia e Ediciós do Castro.^[4]

D I C I O P E D I A DO SÉCULO21 DICIONARIO ENCICLOPÉDICO DA LINGUA GALEGA E DA CULTURA UNIVERSAL ILUSTRADO
Retratos de Rosalía, Einstein e Gandhi ilustran as portadas dos tres volumes da DICIOPEDIA DO SÉCULO21.
Título orixinal	Diciopedia do século 21
Autor/a	6 coordinadores.[1] 12 redactores.[2] 5 revisores lingüísticos.[3]
Cuberta	Fausto Isorna
Orixe	Galicia.
Lingua	galego
Colección	Proxecto Século 21
Xénero(s)	Consulta (enciclopedia).
Editorial	Edicións do Cumio Editorial Galaxia Ediciós do Castro
Data de pub.	decembro de 2006
Formato	210 x 290 mm
Páxinas	2.600
ISBN	ISBN 84-8485-240-7   Ed. do Castro ISBN 84-8289-357-5   Ed. do Cumio ISBN 978-84-8288-942-9   Galaxia
[ editar datos en Wikidata ]

Descrición

Os tres tomos da Diciopedia nunha biblioteca.

Contén tamén imaxes que foron publicadas baixo licenzas libres, como esta do Museo do Prado.^[5]

Foi presentada en decembro de 2006 en Santiago de Compostela polos directores das tres editoriais: Isaac Díaz Pardo (Ediciós do Castro), Víctor F. Freixanes (Galaxia) e Antón Mascato (Edicións do Cumio).^[6]

“	A Diciopedia do século 21 representa un fito na edición galega, porque é a primeira obra destas características, redactada na vixente normativa da Real Academia Galega, que reflicte a evolución da lingua e cultura do país.	”
— Isaac Díaz Pardo

Froito de catro anos de elaboración e con 2.600 páxinas, ten 4.500 fotografías a cor, 850 planos e mapas (incluíndo cada país do mundo e tódolos concellos de Galicia), 425 debuxos e gráficos, máis de 80.000 entradas de dicionario e máis 45.000 biografías, topónimos e nomes propios.^[7]

A primeira edición, de 4.000 exemplares, incluía o agasallo dunha medalla de Atenea, deusa da sabedoría, deseñada por Díaz Pardo.

Notas

1. Carlos Lema, Cruz López, Alfonso Mato, Ramón Pais, Charo Portela e Xosé Manuel Soutullo.
2. Emilio Costas, Maribel Ferreiro, Antón Furelos, Lucía González, Avelino Hermida, Cruz López, Antón Mascato, Carlos Meixome, María Pampín, Xosé Antonio Pena, Susana Rodríguez e Manoel Santos.
3. Carlos Acevedo, Eva Almazán, Laura Almazán, Jorge Suárez e Carmen Torres.
4. «A "Diciopedia", novo piar para o galego» Arquivado 09 de setembro de 2014 en Wayback Machine. Galicia Hoxe, 22/12/2006 (en castelán).
5. Tomo 3. p. 1 686 en Google Books
6. Iglesias, Óscar. «A 'Diciopedia' galega, catro anos de traballo editorial» El País, 22/12/2006.
7. Publicidade da Diciopedia do século 21 en La Voz de Galicia.

Véxase tamén

Bibliografía

• Diciopedia do século 21. Vistas previas en Google Books: 1 A-D, 2 E-Ñ e 3 O-Z

Outros artigos

• Artigos da Diciopedia do século 21
• Galipedia
• Gran Enciclopedia Galega
• Enciclopedia Galega Universal

Ligazóns externas

• Edicións do Cumio
• Editorial Galaxia