futbolista español From Wikipedia, the free encyclopedia
Ángel María Villar Llona, nado en Bilbao o 21 de xaneiro de 1950, é un ex futbolista e dirixente deportivo español. Foi o presidente da Real Federación Española de Fútbol entre 1988 e 2017, posto do que foi suspendido por delitos de corrupción. Foi tamén vicepresidente e presidente en funcións da UEFA e vicepresidente da FIFA.
 (2009)  | |||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 21 de xaneiro de 1950 (74 anos) Bilbao, España | ||||||||||||||||||||||||||||||||||||||||||||||||||
 Presidente da Real Federación Española de Fútbol | |||||||||||||||||||||||||||||||||||||||||||||||||||
| 1988 – 2017 ← José Luis Roca (en)  | |||||||||||||||||||||||||||||||||||||||||||||||||||
| Datos persoais | |||||||||||||||||||||||||||||||||||||||||||||||||||
| Educación | Universidade de Deusto | ||||||||||||||||||||||||||||||||||||||||||||||||||
| Altura | 1,79 m | ||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||
| Ocupación | futbolista, dirixente deportivo | ||||||||||||||||||||||||||||||||||||||||||||||||||
| Período de actividade | 1971 - 1981 | ||||||||||||||||||||||||||||||||||||||||||||||||||
| Nacionalidade deportiva | España | ||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||
| Familia | |||||||||||||||||||||||||||||||||||||||||||||||||||
| Fillos | Gorka Villar Bollaín | ||||||||||||||||||||||||||||||||||||||||||||||||||
| Premios | |||||||||||||||||||||||||||||||||||||||||||||||||||
  | |||||||||||||||||||||||||||||||||||||||||||||||||||
Formado nas categorías inferiores do Athletic Club, Villar pasou polo CD Galdakao e o CD Getxo para regresar en 1970 ao club biscaíño, onde desenvolveu toda a súa carreira como profesional. Co primeiro equipo dos branquivermellos debutou en Primeira División o 9 de setembro de 1971. Ata colgar as botas, en 1981, conquistou unha Copa do Generalísimo en 1973 e foi subcampión da Copa da UEFA en 1977.
Como xogador destacou na súa traxectoria pola súa entrega e a súa calidade, pero quedará para os anais unha memorable agresión á superestrela azulgrana Johan Cruyff o 24 de marzo de 1974, cuxas imaxes deron a volta ao mundo.[1]
En 1978 Villar xa fora un dos fundadores da Asociación de Futbolistas Españois (AFE), sindicato do que chegou a ser vicepresidente. Posteriormente foi elixido presidente da Federación Biscaíña de Fútbol e pertenceu á xunta da Real Federación Española de Fútbol presidida por José Luis Roca. En 1988 substituíu a este como presidente, sendo reelixido no cargo en cinco ocasións: 1992, 1996, 2000, 2004 e 2008. Actualmente vive o seu quinto mandato á fronte do máximo organismo futbolístico español. O máis destacable deste longo período foron os éxitos deportivos da selección española de fútbol ao comezo e nos últimos tempos do seu mandato, gañando títulos como as olimpíadas de 1992, a eurocopa de 2008 ou o mundial de 2010, así como numerosos trofeos en categorías inferiores.
É tamén vicepresidente da UEFA desde 1992 e da FIFA desde 2000.
En 2003 despediu a quen foi o seu Secretario Xeral durante 12 anos, Gerardo González, alegando deslealdade e baixo acusacións de filtrar documentos á prensa. Este á súa vez denunciou á federación por irregularidades económicas e presentou unha candidatura ás seguintes eleccións coa que non logrou acceder á presidencia. Desde esa data iniciouse un proceso de reforma estrutural en todos os niveis, pasando a ser Jorge Pérez Arias Secretario Xeral. Construír a nova Cidade do Fútbol Español en Las Rozas, remodelouse a Dirección Deportiva federativa con Fernando Hierro como máximo responsable, e a estrutura administrativa da RFEF con profesionais externos á fronte de diferentes departamentos (Vicente Casado Salgado en Mercadotecnia, Emilio García Silvero para os temas Xurídicos, Pedro Rubio Otaño en Recursos Humanos e Calidade, ou Antonio Bustillo para Comunicación).
Durante o seu mandato na RFEF cuestionouse moito sobre a súa xestión a diferentes niveis como o funcionamento e designación no colectivo arbitral, subvencións, e ata na súa actuación contra determinadas resolucións do estado español en materias de sucesión do cargo. O goberno intentou promover unha reforma en 2007 cunha norma específica que entre outros resultados conduciría a que abandonase o cargo que ocupaba desde había máis de 20 anos. Villar respondeu cunha candidatura apoiada por máis do 80% dos votos, obtendo a reelección.
Entre outros xuízos pendentes de resolución por irregularidades económicas, graves deficiencias no control e xestión de subvencións que afectan a máis de 20 millóns de euros acreditadas polo tribunal de contas levaron ao CSD a conxelar a subvención á RFEF á espera do ditame xudicial.
O 18 de xullo de 2017 foi detido pola Garda Civil, xunto ao seu fillo Gorka e ao vicepresidente económico da RFEF, Juan Padrón, nunha operación baixo a supervisión do xuíz da Audiencia Nacional Santiago Pedraz. Por orde do mesmo xuíz o día 20 de xullo de 2017 ingresou na prisión de Soto del Real de maneira incondicional e provisional ao entender o maxistrado da Audiencia Nacional que existía risco de obstrución á xustiza, así como consecuencia da gravidade dos delitos que o actual presidente da RFEF cometeu presuntamente.
Á vista dos indicios de delito, a comisión directiva do Consello Superior de Deportes suspendeuno como presidente da RFEF o 25 de xullo de 2017. Pouco despois dimitiu dos seus cargos na FIFA e a UEFA.
O 21 de decembro de 2017, o Tribunal Administrativo do Deporte ( TAD) destituíu a Villar do cargo de presidente da RFEF, ao considerar probada a súa falta de neutralidade nunhas eleccións celebradas uns meses antes.
| Título | Club | País | Ano |
|---|---|---|---|
| Copa do Generalísimo | Athletic Club | España | 1973 |
| Título | Club | País | Ano |
|---|---|---|---|
| Subcampión da Eurocopa | Selección española | Francia | 1984 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
