Selección de fútbol do País Vasco

A selección de fútbol do País Vasco (en éuscaro: Euskal Herriko futbol selekzioa) é un equipo de carácter non oficial organizado pola Federación Vasca de Fútbol, a entidade privada sen ánimo de lucro que xestiona o fútbol no ámbito do País Vasco. A selección acolle a xogadores de todos os territorios vascos, nados na Comunidade Autónoma Vasca, en Navarra ou no País Vasco francés.

País Vasco
Na casa Fóra
Asociación	Federación Vasca de Fútbol
Confederación
Código FIFA	Non recoñecida pola FIFA
Alcume	Euskal selekzioa (2009-) Euskal Herria (2007) Euskadi (1937-2006, 2008)
Clasificación FIFA
Clasificación ConIFA	{{{Ranking ConIFA}}}
Seleccionador	José María Amorrortu Mikel Etxarri
Máis encontros	Igor Gabilondo (12), Julen Guerrero (12), Joseba Etxeberria (11)
Máximo goleador	Julen Guerrero (6)
Estrea internacional País Vasco 1 - 0 Cataluña Barcelona; 8 de xuño de 1930
Maior vitoria País Vasco 11 - 1 Dinamarca Copenhaguen, Dinamarca - 29 de agosto de 1937
Maior derrota País Vasco 1 - 5 Hungría Vitoria; 3 de agosto de 1980

Carece de recoñecemento por parte da FIFA, pois os seus estatutos (artigo 10) estipulan que para que unha selección poida participar en competicións internacionais oficiais debe ou ben representar a un estado independente ou ter autorización expresa da federación do país correspondente (neste caso da Federación Española de Fútbol).^[1] É por este motivo que só disputa partidos amigábeis.

Durante a Segunda República xogou baixo as denominacións de Vasconia e Euzkadi. Trala caída do franquismo levou os nomes de "selección de Euzkadi" ou "de Euskadi". En 2007 cambiou a súa denominación a "selección de Euskal Herria"^[2](en éuscaro Euskal Herriko Selekzioa), retomando en 2008, non sen polémica, o antigo nome de "selección de Euskadi".