Os Cantóns
From Wikipedia, the free encyclopedia
Os Cantóns é o nome que recibe unha das principais avenidas da cidade da Coruña, situada no barrio da Pescaría e formada por dous tramos diferenciados no nomenclátor: o Cantón Grande e o Cantón Pequeno. O Cantón Grande comeza no cruzamento da rúa Real coa rúa Nova e a avenida da Mariña e vai ata a rúa Santa Catarina, onde pasa a se denominar Cantón Pequeno ata chegar á praza de Mina, punto de confluencia entre as rúas Juana de Vega, Compostela e Sánchez Bregua, continuación natural esta última da avenida que conforman os dous Cantóns. Durante todo este percorrido, os Cantóns están delimitados na beira sur polos xardíns de Méndez Núñez.
| Os Cantóns | |
|---|---|
 | |
| Tipoloxía | avenida |
| Localización | |
| Inicio | Rúa Real, rúa Nova e avenida da Mariña |
| Fin | Rúa de Juana de Vega, rúa Compostela e rúa Sánchez Bregua |
| Localidade | A Coruña |
Para outras páxinas con títulos homónimos véxase: Cantón (homónimos).
.jpg)
No edificio situado no número 13 do Cantón Grande faleceu o xeneral Sir John Moore.
En 1820-1823, 1840-1874 e 1932-1936 o Cantón Grande recibiu o nome de Cantón de Porlier e o Pequeno o de Cantón de Lacy. En 1943 foron bautizados como Cantóns de José Antonio.
O Camiño Inglés atravesa os Cantóns[1], procedente da igrexa de Santiago.
En 1920 inaugurouse o Teatro Linares Rivas nun edificio modernista de Leoncio Bescansa. Foi derribado en 1940 para a construción do Cine Avenida.[2]
No primeiro piso do número 14 (derruído en 1977) do Cantón Grande estivo a sede do Casino Republicano.[3]
Pola súa situación céntrica foi sede de numerosos bancos e fundacións.
A arquitectura dos Cantóns modificouse enormemente dende a construción do Banco Pastor en 1925. Existen na rúa edificios destacados, algúns deles catalogados. No Cantón Grande sitúanse:[4]
- Nº 3, Fundación ONCE, de Sebastián Mateu, Gilbert Barbany (década de 1990).
- Nº 4, Banco Santander, de arquitectura franquista inspirada no Neoclasicismo (década de 1950).[5]
- Nº 5, Edificio Granada, edificio para o Banco de Granada deseñado por José María García de Paredes (1974-1980).
- Nº 7, Cine Avenida, de Rafael González Villar (1941), edificio racionalista.
- Nº 8, Sede de Afundación, de Nicholas Grimshaw (2006).
- Nº 9, Sede da Fundación Barrié, de Gerardo Salvador Molezún, Ramón Vázquez Molezún e Rafael Olaquiaga (1990).
No Cantón Pequeno:
- Sede do Banco Pastor, de Antonio Tenreiro e Peregrín Estellés (1922-1925). Edificio de 40 metros de altura inspirado na Escola de Chicago con detalles art déco. Foi o edificio máis alto de España ata 1929.
- Nº 15-17, sede de The Anglo-South American Bank, de Eduardo Rodríguez-Losada Rebellón (1925).[6]
- Nº 18-21, sede do Banco de La Coruña, de Leoncio Bescansa (1925).[7]
- Nº 22, de Pedro Mariño (1926).
- Nº 26, de Eduardo Rodríguez-Losada Rebellón (1915).
Ademais, no Cantón Grande está o Obelisco en honra de Aureliano Linares Rivas, de Gabriel Vitini Alonso, con base de Antonio de Mesa (1895).
Nº 4 do Cantón Grande.
Sedes da Fundación Barrié e AFundación.
Sede do Banco Pastor no Cantón Pequeno.
Nº 15-17 do Cantón Pequeno.
Nº 18-21 do Cantón Pequeno.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
