As Palmas de Gran Canaria

As Palmas de Gran Canaria^[1][2] (en castelán: Las Palmas de Gran Canaria) é unha cidade española e concello, situado na costa nordeste da illa de Gran Canaria, capital da provincia das Palmas, unha das cidades co-capitais da comunidade autónoma das Canarias (xunto con Santa Cruz de Tenerife) e o principal centro urbano do arquipélago das Canarias, cunha área de 100,55 km² e unha poboación de 383.308 habitantes (2010).

Para outras páxinas con títulos homónimos véxase: Las Palmas.

As Palmas de Gran Canaria

Las Palmas de Gran Canaria (es)
Localización
28°07′38″N 15°25′53″O
Estado	España
Comunidade autónoma	Illas Canarias
Provincia	Las Palmas
Capital de	Las Palmas Illas Canarias
Capital	Las Palmas de Gran Canaria (en)
Contén a división administrativa	Las Palmas de Gran Canaria (en)
Poboación
Poboación	378.027 (2023) (3.759,59 hab./km²)
Xeografía
Superficie	100,55 km²
Bañado por	Océano Atlántico
Altitude	8 m
Comparte fronteira con	Arucas Telde Santa Brígida Teror
Datos históricos
Creación	1833
Día festivo	24 de xuño
Santo padrón	Cristo de la Vera Cruz (Las Palmas de Gran Canaria) (en) e Santa Ana
Organización política
• Alcaldesa das Palmas	Carolina Darias (2023–)
Orzamento	384.961.600,72 €
Identificador descritivo
Código postal	35001–35020
Fuso horario	UTC+01:00 UTC±00:00, horario de verán
Prefixo telefónico	928
Código INE	35016
Outro
Irmandado con	Rotterdam Caracas Garachico San Cristóbal de La Laguna Altagracia de Orituco (pt) Rabat Nouadhibou (pt) Praia Salamanca Xerez da Fronteira Chimbote Cádiz Palma Vigo Móstoles San Antonio (1975–)
Páxina web	laspalmasgc.es

Vista do Auditorio Alfredo Kraus na praia de Las Canteras

Xeneralidades

A cidade foi fundada o 24 de xuño de 1478 co nome de Santa María del Real de Las Palmas, por Juan Rejón, xefe das tropas invasoras castelás, que se enfrontarían aos guanches (poboación indíxena das illas Canarias). En 1492, Cristovo Colón ancorou no porto de Las Palmas, na súa primeira expedición a América.

Las Palmas é hoxe unha cidade cosmopolita. Ten tres praias (Las Canteras, Las Alcaravaneras e San Cristóbal) e un gran porto (Puerto de la Luz) - importante durante o período 1970-1990 (no que se beneficiou avantaxadamente do pechamento do Canal de Suez, como consecuencia da guerra árabe-israelí de 1973). Debido á súa situación como nexo de tres continentes, e á súa relevancia como punto turístico, innúmeros traballadores estranxeiros emigraron e se asentaron na cidade. Mercadores e viaxeiros procedentes de África, China, Europa occidental, Rusia e Oriente Medio pululan mesturados polas rúas da cidade e os centros comerciais da urbe. As comunidades coreana e india son as maiores da cidade, aínda que a maioría dos individuos adquiriron a nacionalidade española co paso dos anos.

Segundo un estudo efectuado por Thomas Whitmore, director de investigacións climatolóxicas da Universidade de Syracuse (USA), a cidade de Las Palmas de Gran Canaria goza do mellor clima do mundo.

A principal festa (Festas de San Xoán), o 24 de xuño, conmemora ao tempo a data da fundación da cidade.

O Entroido das Palmas de Gran Canaria é amplamente coñecido non só en España, senón no resto do mundo, é constitúe unha das máximas atraccións turísticas.

Lugares de interese

• A catedral, comezada a inicios do século XVI e rematada no XIX. É a sede do bispado das illas Canarias.
• A Casa Colón, antigo pazo dos primeiros gobernadores da illa, onde se hospedou Cristovo Colón; na actualidade acolle un museo dedicado ás expedicións para o novo mundo.
• O Museo Canario, conserva importantes vestixios da época dos guanches.
• O Paseo de las Canteras, avenida que se estende ao longo da fermosa praia urbanas Las Canteras.
• O Centro Atlántico de Arte Moderno.
• A fortificación do Castillo de la Luz, construída no século XVI, para protexer a cidade dos ataques dos piratas. Emprégase hoxe para albergar exposicións temporais.

Notas

1. Definicións no Dicionario da Real Academia Galega e no Portal das Palabras para palmense.
2. Anaír Rodríguez Rodríguez, Montserrat Davila Ventura. Área de Normalización Lingüística da Universidade de Vigo, ed. Lingua galega: dúbidas lingüísticas (PDF). p. 101. ISBN 84-8158-266-2.

Véxase tamén

Ligazóns externas

Wikimedia Commons ten máis contidos multimedia na categoría:  As Palmas de Gran Canaria

• Concello das Palmas de Gran Canaria (en castelán)