From Wikipedia, the free encyclopedia
O estadio de San Mamés foi un estadio de fútbol localizado na cidade de Bilbao (Euskadi), onde xogou os seus partidos como local o Athletic Club desde 1913 ata a súa clausura e posterior demolición ao termo da tempada 2012/13, cando pasou a xogar no San Mamés Barria. Tomaba este nome do veciño asilo de San Mamés, ao que pertencían os terreos sobre os que posteriormente se levantou o estadio. San Mamés foi un mártir que foi guindado aos leóns, de aí que aos xogadores do Athletic sexan alcumados os leóns.
San Mamés | |
---|---|
![]() | |
Datos | |
Coordenadas | 43°15′51″N 2°56′58″O |
Localización | Bilbao, ![]() |
Construción | |
Inauguración | 21 de agosto de 1913 |
Renovación | 1952, 1982 |
Demolición | 6 de xuño de 2013 |
Arquitecto | Manuel María Smith |
Estadio | |
Superficie | Céspede |
Dimensións | 105 x 68 |
Capacidade | 39.750 |
Propietario | Athletic Club |
Operadora | Athletic Club |
Localía | Athletic Club |
Eventos | |
| |
[ editar datos en Wikidata ] |
A propiedade do estadio era do Athletic Club, aínda que os terreos onde se asentaba pertenceron á caixa BBK; posteriormente o club mercou tódolos dereitos sobre o terreo a cambio de que se utilizasen exclusivamente para fins deportivos. Tiña capacidade para 39.750 espectadores e un terreo de xogo de 105 x 68 metros. Foi o único estadio do estado que acolleu tódalas edicións da Primeira División desde a súa creación en 1928 ata a tempada 2012/13. Coñecíase co sobrenome de A Catedral.
O deseño orixinal do estadio é obra do arquitecto Manuel María Smith. A primeira pedra colocouse o día 20 de xaneiro de 1913, e a súa inauguración produciuse o 21 de agosto do mesmo ano. No partido inaugural enfrontáronse o Athletic Club de Bilbao contra o Racing de Irún, nun partido pertencente ao torneo inaugural, no que tamén participou o Shepherd's Bush FC inglés. Pichichi foi o primeiro xogador en marcar un gol no estadio.
O aforamento inicial era de 3.500 espectadores, pero a mediados da década de 1920 ampliouse ata os 9.500. A esta ampliación seguiron outras ata situar a capacidade en 47.000 no ano 1952, coa construción da tribuna central, coroada polo arco que aínda hoxe é aceno de identidade do estadio bilbaíno. En 1957 construír a chamada "tribuna de Capuchinos", en 1961 a de Misericordia ou Tribuna Garay e en 1972 a Tribuna Este.
Para poder ser sede no mundial de 1982, San Mamés houbo de facer fronte a numerosas reformas para mellorar os accesos e a visibilidade. En 1997 elimináronse os valos que separaban ao público do terreo de xogo e suprimíronse as 10.000 localidades de pé para adecuarse á normativa FIFA. O aforamento quedou deste xeito reducido ás 39.750 prazas.
O último partido oficial de Primeira División foi o que enfrontou ao Athletic co Levante UD con derrota dos locais por 0-1. O xogador do Levante Juanlu Gómez foi o autor do último gol nun partido de Liga que se marcou en San Mamés. O último partido oficial foi o que enfrontou ao Bilbao Athletic e o Levante B, dos cuartos de final da promoción de ascenso a Segunda.
O 5 de xuño de 2013 xogouse o último partido en San Mamés, entre o Athletic Club e unha selección de Biscaia, que acabou 0-1 e no que participaron moitos dos xogadores máis destacados da historia do club. Terminado o partido fíxose unha gran celebración con motivo dos 100 anos do estadio (1913-2013) e a despedida do mesmo.
En febreiro de 1952 iniciáronse as obras de remodelación da tribuna principal grazas a un proxecto elaborado polos arquitectos Carlos de Miguel, José Antonio Domínguez e Ricardo Magdalena e polo enxeñeiro de camiños Carlos Fernández Casado. Esta reforma incluía unha revolucionaria estrutura metálica que permitía a ausencia de columnas e por conseguinte unha importante mellora da visibilidade. As obras da popular estrutura quedaron terminadas en marzo de 1953.
Bilbao foi sede da Copa Mundial de Fútbol de 1982. Como consecuencia, San Mamés acolleu tres partidos pertencentes á fase de grupos (Grupo D); Inglaterra, Francia, Checoslovaquia e Kuwait.
![]() |
3:1 (1:1) | ![]() |
16 de xuño de 1982 – San Mamés, Bilbao Asistencia: 44 172 Árbitro: José Antonio Garrido (España) |
Robson 1' 67' Mariner 83' |
Soler 24' | ||
![]() |
2:0 (0:0) | ![]() |
20 de xuño de 1982 – San Mamés, Bilbao Asistencia: 41 123 Árbitro: Charles Corver (Países Baixos) |
Francis 62' Barmos 66' (ag) |
|||
![]() |
1:0 (1:0) | ![]() |
25 de xuño de 1982 – San Mamés, Bilbao Asistencia: 39 700 Árbitro: Gilberto Aristizabal (Colombia) |
Francis 27' | |||
Nos seus últimos anos San Mamés acolleu concertos de gran calibre, nel tocaron artistas e grupos importantes como Bruce Springsteen, The Rolling Stones, Shakira ou AC/DC.
![]() |
Wikimedia Commons ten máis contidos multimedia na categoría: Estadio de San Mamés ![]() |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.