![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/63/AerodramusMaximus.Wokoti.jpg/640px-AerodramusMaximus.Wokoti.jpg&w=640&q=50)
Aerodramus
xénero de aves / From Wikipedia, the free encyclopedia
Aerodramus é un xénero de aves da subclase das neornites, infraclase dos neognatos (clado dos cipselomorfos), orde dos apodiformes, familia dos apódidos, e tribo dos colocaliinos, coñecidas como salanganas.[2]
Aerodramus Salanganas | |||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|
![]() Aerodramus maximus en voo | |||||||||||||||||||||
Clasificación científica | |||||||||||||||||||||
| |||||||||||||||||||||
Especie tipo | |||||||||||||||||||||
Hirundo brevirostris Horsfield, 1840[1] | |||||||||||||||||||||
Especies | |||||||||||||||||||||
|
Son aves pequenas de longas ás, coloración escura, e moi boas voadoras, que se localizan nas rexións tropicais e subtropicais do sur de Asia, en Oceanía e no nordeste de Australia.
Moitas das súas especies antigamente foron clasificados dentro do xénero Collocalia, pero o ornitólogo estadounidense Harry Church Oberholser creou nun xénero separado en 1906.[3]
O que distingue ás especies de Aerodramus doutras salanganas, dos cirrios e, de feito, de case todas as demais aves, é a súa capacidade de usaren unha forma simple, pero efectiva, de ecolocalización, o que lles permite voaren dentro das covas onde crían e descansan.
Os niños de Aerodramus sp. están construídos con saliva como compoñente principal. En dúas especies, Aerodramus fuciphagus e Aerodramus maximus, a saliva é o único material utilizado, e os niños recoléctanse para facer a famosa delicatessen chinesa denominada (impropiamente) sopa de niño de anduriña, cuxa sobreexplotación exerce unha gran presión sobre as poboacións de salanganas.