Antartikako penintsula

Antartikako penintsula^[1] edo Antartikar penintsula^[1] Mendebaldeko Antartikan dagoen "S" itxura duen penintsula da. Penintsulak aurrean kontinente amerikarra du eta mendebaldean Bellingshausen itsasoa eta ekialdean Weddell itsasoa ditu.

Antartikako penintsula
Mota	penintsula
Geografia
Koordenatuak	69°S 66°W
Honen parte da	Antartika
Kokapena	Mendebaldeko Antartika
Condominium	Itun Antartikoko eskualde
Ur-gorputza	Ozeano Australa

Izena

Antzinan, penintsula osoari Erresuma Batuak Grahamen Lurra zeritzon eta Estatu Batuek Palmerren lurra. Baina 1964an, herrialde biek adostu zuten Graham lurra iparraldea eta Palmerren lurra hegoaldea izango zirela. Muga Jeremy eta Agassiz lurmuturretan kokatu zuten.

Txilek O'Higginsen lurra deritzo, Bernardo O'Higgins libertadorearen omenez, eta Argentinak San Martin lurra deritzo, José de San Martín libertadorearen omenez.

Geografia

Penintsulan zehar Antartandes mendilerroa dago. Mendilerroaren lekurik altuena 4.190 metroko Jackson mendia da, beste mendi nagusiak 3.657 metroko Coman mendia eta 2.860 metroko Esperanza mendia dira. Mendilerroa Andeen jarraipena baino ez da, Scotiako dortsalaren bidez.

Penintsula antartikoaren ondoan badaude zenbait uhartedi eta uharte, batez ere iparraldeko eta ekialdeko kostetan:

• Iparraldean:
  • Hego Shetland

• Mendebaldean:
  • Palmer uhartedia
  • Biscoe uharteak
  • Adelaida uhartea
  • Alexandro I.aren uhartea (Errusiako Alexandro I.aren omenez)

• Ekialdean:
  • Joinville uhartea
  • Dundee uhartea
  • Vega uhartea
  • James Ross uhartea
  • Robertson uhartea
  • Hearst uhartea
  • Ewing uhartea
  • Dolleman uhartea
  • Steele uhartea
  • Butler uhartea

Lurralde aldarrikapenak

Argentina, Txile eta Erresuma Batuak penintsularen jabetza aldarrikatzen dute: Argentinar Antartikoa, Txiletar Antartikoa eta Britainiar Antartikoa, hurrenez hurren. Aldarrikapen guztiak Itun Antartikoa dela eta geldituta daude.

Erreferentziak

1. Euskaltzaindia. (2012-10-18). 172. araua: Itsaslasterren izenak, itsasgune batzuen izenak eta Antartikako toponimia. (Noiz kontsultatua: 2013-02-10).

Kanpo estekak

• Datuak: Q185605
• Multimedia: Antarctic Peninsula / Q185605