Almandoz

Baztango lekua, Nafarroa Garaia From Wikipedia, the free encyclopedia

Almandoz Nafarroa Garaiko iparraldeko lekua da, Baztan udalerrikoa. 2022 hasieran 176 biztanle zituen.^[1]

Datu azkarrak Kokapena, Herrialdea ...

Almandoz
Euskal Herria
Herriaren ikuspegi orokorra.


Kokapena
Herrialdea	Nafarroa
Udalerria	Baztan
Posta kodea	31796
Herritarra	almandoztar
Geografia
Koordenatuak	43°05′28″N 1°36′19″W
Demografia
Biztanleria	184 (2020)

Itxi

Geografia

Baztango herririk hegoaldekoena da. Herrigunea Loibeltz edo Santa Barbarako mendiaren magalean dago, 450 metroko garaieran; haraneko herririk altuena da.

Iruñetik N-121-A errepidean barna etorrita eta behin Belateko eta Almandozko tunelak igaro ondoren eta errepidea maldan behera doala, Baztango lehenbiziko herria da, eta errepidearen ezkerraldean dago.

Biztanleria

Almandozko biztanleria^[1]
1940	1950	1960	1970	1981	1991	2000	2010	2020
412	387	362	318	221	211	215	211	184

Azpiegitura eta garraioak

La Burundesa autobus konpainiaren Donostia eta Iruñea bitarteko lineak geltokia dauka herrian. Maiztasunak aldakorrak dira, baina gutxinez bi zerbitzu izaten dira norabide bakoitzean egunero. Lineak honako ibilbidea egiten du:

Donostia - Irun - Lesaka - Etxalar - Igantzi - Sunbilla - Doneztebe - Narbarte - Almandoz - Olague - Ostitz - Sorauren eta Iruñea

Bestak eta ospakizunak

Herriko jaiak Bestaberri egunean ospatzen dira.

Ondarea

Ederrena pilotalekua: Herriko pilotalekua da. 1927an inauguratu zen, eta 2009an zaharberritu.
Galtzaga jauregia Beola jauregia: XVIII. mendean eraikia, gaur egun Beola hotela eta jatetxea da.
Etxatoa: Aurrealdea Fernando Agerrek egurrean landutako irudiez apaindua du, Beola jauregiaren alboan dago.
Jauregia: Almandozko pilotalekuaren alboan dagoen jauretxea.
San Pedro eliza: 1956ko azaroaren 11an inauguratua, antzinako izen bereko eliza ordezkatu zuen.