Xabier Elorriaga

Xabier Gonzalez Elorriaga, ezagunagoa Xabier Elorriaga izenarekin, (Maracaibo, Venezuela, 1944ko apirilaren 1a - ) Euskal Herriko aktorea da.^[1]

Xabier Elorriaga
Bizitza
Jaiotza	Maracaibo, 1944ko apirilaren 1a (80 urte)
Herrialdea	Euskal Herria
Familia
Bikotekidea(k)	ikusi Arantxa Urretabizkaia
Hezkuntza
Hizkuntzak	gaztelania euskara
Jarduerak
Jarduerak	aktorea, telebista-aktorea, film-zuzendaria, errealizadorea eta gidoilaria

Bizitza eta obra

Gerra Zibilaren garaian erbesteraturiko familia baten semea. 1969an itzuli zen Euskal Herrira, eta orduan hasi zen antzezle lanak egiten, Kriselu taldean.

Bartzelonara joanda, kazetaritzako ikasketak egin ondoren, telebistako eskolak eman zituen Informazio zientzien fakultatean. Orduan egin zuen debuta zineman, Antoni Ribasen La ciutat cremada filmean (1975).

Orduz geroztik, film askotan parte hartu zuen: José Antonio de la Lomaren Perros callejeros (1977), Jordi Cadenaren La oscura historia de la prima Montse (1977), Carlos Sauraren Los ojos vendados (1977), Iñaki Núñezen Toque de queda (1978), etab.

1980ko hamarraldiko lehen erdia izan zen Elorriagaren garairik oparoena. 1980. urtean egin zuen lehen paper protagonista, Fernando Méndez Leiteren El hombre de moda filmean. Urte berean egin zuen debuta zuzendari gisa, Ikuska saileko 4.a, Euskal Telebista, zuzenduz.

1981ean Bigas Lunaren Renacer eta Imanol Uriberen La fuga de Segovia filmetan esku hartu zuen.

1983an euskal zinemako bi lan garrantzitsutan parte hartu zuen, Alfonso Ungríaren Albaniaren konkista, eta Imanol Uriberen Mikelen heriotza. Hain zuzen, Albaniaren konkista gidoigilea den Arantxa Urretabizkaiarekin dago ezkonduta. Aldi berean Anillos de oro telesaio arrakastatsuan ere lan egin zuen.

1984an Carlos Suárezen El jardín secreto filmeko protagonista izan zen. 1985ean film ertain bat zuzendu zuen, Zergatik panpox, kritikarien iritziz lan bikaina eginez.

Orduz geroztik, baina, behera egin zuen emeki-emeki Elorriagaren karrerak. 1987an José Antonio Zorrillaren Lauaxeta-A los cuatro vientos filmeko protagonista izan zen, baina filmak ez zuen arrakastarik izan. Ondoren egin zituen, besteak beste, Antxon Ezeizaren Ke arteko egunak (1989), Antoni Verdaguerren Havanera 1820 (1993), eta Alejandro Amenábarren Tesis (1996).

Telebistako lanari ere ez dio utzi, eta hainbat telesailetan parte du (Clase media, Canguros, Hospital...).

Filmografia

Zinema

Urtea	Filma	Zuzendaria
2011	Águila Roja: la Película	José Ramón Ayerra
2009	Rabia	Sebastián Cordero
2006	El coronel Macià	Josep Maria Forn
2003	La memoria e il perdono	Giorgio Capitani
1996	Tesis	Alejandro Amenábar
1996	Lejos de África	Cecilia M. Bartolomé
1992	Havanera 1820	Antonio Verdaguer
1989	Ke arteko egunak	Antxon Ezeiza
1987	Captain James Cook	Lawrence Gordon Clark
1987	A los cuatro vientos	Jose Antonio Zorrilla
1986	Tata mía	José Luis Borau
1984	Mikelen heriotza	Imanol Uribe
1984	Albaniaren konkista	Alfonso Ungría
1984	El jardín secreto	Carlos Suárez
1981	La fuga de Segovia	Imanol Uribe
1979	Companys, procés a Catalunya	José María Forn
1978	La oscura historia de la prima Montse	Jordi Cadena
1977	Perros callejeros	José Antonio de la Loma
1977	A un dios desconocido	Jaime Chávarri
1976	La ciutat cremada	Antoni Ribas

Telebista

Urtea	Telesaila	Pertsonaia
1983	Anillos de oro	Enrique
1996 - 1998	Menudo es mi padre
1999	El Señorío de Larrea
2000	La verdad de Laura	Francisco "Paco" Luarca
2000 - 2003	Paraíso	Leopoldo
2000 - 2007	Hospital Central	Joaquín Sotomayor
2008	Cazadores de hombres
2009 - ?	Águila roja	Filipe IV.a Espainiakoa

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

1. Auñamendi Eusko Entziklopedia. Xabier Elorriaga González. .

• Datuak: Q3752072