Nafarroa Garaiko udalerria From Wikipedia, the free encyclopedia
Armañantzas[4] ([aɾmaɲants̻as̺]) Nafarroa Garaiko mendebaldeko udalerri bat da, Lizarrerria merindadekoa. Iruñetik 70 kilometro mendebaldera dago, eta itsas mailatik 489 metro gorago. 61 biztanle zituen 2014. urteko erroldan.
Armañantzas | |||
---|---|---|---|
![]() | |||
| |||
![]() | |||
Kokapena | |||
Herrialdea | ![]() | ||
Lurraldea | ![]() | ||
Merindadea | ![]() | ||
Eskualdea | Vianaldea | ||
Administrazioa | |||
Estatua | ![]() | ||
Erkidegoa | ![]() | ||
Izen ofiziala | ![]() | ||
Alkatea | Francisco Javier Oion Sanz (UPN) | ||
Posta kodea | 31228 | ||
INE kodea | 31035 | ||
Herritarra | armañantzastar | ||
Geografia | |||
Koordenatuak | 42°33′36″N 2°17′06″W | ||
Azalera | 12,3 km² | ||
Garaiera | 489 metro | ||
Distantzia | 70 km (Iruñetik) | ||
Demografia | |||
Biztanleria | 54 (2023: ![]() | ||
Dentsitatea | 0,44 bizt/km² | ||
Zahartzea[1] | % 59,32 | ||
Ugalkortasuna[1] | ‰ 0 | ||
Ekonomia | |||
Jarduera[1] | % 0 (2011) | ||
Desberdintasuna[1] | % 0 (2011) | ||
Langabezia[1] | % 10,42 (2013) | ||
Euskara | |||
Euskaldunak[2][3] | % 0,00 (2018: ![]() | ||
Datu gehigarriak | |||
Webgunea | http://www.armananzas.es/ |
Herria Lizarrako merindadearen mendebaldean dago, Arabako mugatik gertu, Santsol eta Esprontzeda bitarteko errepidean. Herrigunea, bi aldaparen arteko mendixka batean dago. Etxeak nahasean dira herrian, eta kaleak, estuak eta irregularrak dira.
Armañantzasek Desoio eta Esprontzedarekin egiten du muga iparraldean, mendebaldean, Bargotarekin; eta ekialde eta hegoaldean, Santsol, El Busto eta Torres del Riorekin.
Udalerria kokatzen den toki berean ahaidego feudaleko jauregi bat izan zen. Eraikina hegoaldean kokatzen zen, elizatik 150 metrora. Jauregiari buruzko lehen aipamena XII. mendekoa da. XIII. mendean, berriz, jauregiko bizilagunek Tibalt I.a erregeak zuzenduriko seigarren gurutzadan hartu zuten parte. Armañantzasen historiak Los Arcos udalerriaren historiarekin bat egiten du. 1176. urtean, Antso VI.a Jakituna erregeak armañantzastarrei Los Arcostarrei emaniko pribilegio berak jasotzeko aukera eman zien.
1463. urtetik 1753. urtera, herria Gaztelako Erresumaren jabetzakoa izan zen. Berriz Nafarroara berrerantsi zutenean, hiri moduan egin zuen, eta erregeordeak izendaturiko alkate batek agintzen zuen herrian. 1849an herriak eskola zuen, eta bertako maisua sakristaua eta sekretarioa zen aldi berean. Biztanleria-galeraren eraginez herrian gero eta ume gutxiago zirelarik, eskola itxi behar izan zuten 1976an, eta ordutik, herriko haurrek Los Arcosko eskolara joan behar izan dute.
Aramañantzasko biztanleria |
---|
![]() |
Datu-iturria: www.ine.es |
2008ko erroldaren arabera, ez da etorkinik bizi Armañantzasen.
2007tik Armañantzasko alkatea Francisco Javier Oion Sanz da. 2007an talde bakarra, Agrupación Independiente de Armañanzas (AIA), aurkeztu zen, eta herriaren tamaina txikia dela eta, pertsona bakarra aukeratu zuten. Ez zen boto zuririk izan. Eta baliogabeko botoak 2 izan ziren (emandako botoen %3,85)
Alderdia | Botoak | Aukeratua? |
Francisco Javier Oion Sanz (AIA) | 50 | Bai |
2011n Oionek karguari eutsi zion; kasu honetan, ordea, UPNren izenean aurkeztu zen aurretik alkate izandako Maria Celsa Mansorekin batera, nahiz eta biek zerrendan "independente" etiketa eraman.[5] Beraz, egun udalbatzak bi zinegotzi ditu.
Alderdi politikoa | 2015[6] | 2011[7] | 2007[8] | 2003[9] | 1999[10] | 1995[11] | 1991[12] | 1987[13] | 1983[14] | 1979[15] | ||||||||||
---|---|---|---|---|---|---|---|---|---|---|---|---|---|---|---|---|---|---|---|---|
Nafar Herriaren Batasuna (UPN) | - | - | %55,56 | 2 | - | - | - | - | - | - | - | - | - | - | - | - | %30,63 | 2 | - | - |
Armañantzasko Elkarte Independente | - | - | - | - | %96,15 | 1 | %94,87 | 1 | - | - | - | - | - | - | - | - | - | - | - | - |
Armañantzasko Alderdi Independente | - | - | - | - | - | - | - | - | %78,57 | 1 | - | - | - | - | - | - | - | - | - | - |
Nafarroako Alderdi Sozialista-PSOE (PSN-PSOE) | - | - | - | - | - | - | - | - | - | - | - | - | %65,33 | 5 | %67,05 | 5 | %51,35 | 4 | - | - |
Hauek izan dira Armañantzasko azken alkateak:
Alkatea | Agintaldi hasiera | Agintaldi amaiera | Alderdia[16] |
1979 | 1983 | Independenteak | |
1983 | 1987 | PSN | |
1987 | 1991 | PSN | |
1991 | 1995 | PSN | |
1995 | 1999 | Kudeaketa batzordea | |
Maria Celsa Manso Sanz de Galdeano | 1999 | 2003 | Partido Independiente de Armañanzas |
Maria Celsa Manso Sanz de Galdeano | 2003 | 2007 | Agrupacion Independiente de Armañanzas |
Francisco Javier Oion Sanz | 2007 | 2011 | Agrupacion Independiente de Armañanzas |
Francisco Javier Oion Sanz | 2011 | 2015 | UPN |
David Perez de Albeniz Crespo[16] | 2015 | 2019 | PSN |
David Perez de Albeniz Crespo[16] | 2019 | Jardunean | PSN[17] |
Nafarroako Foru Erkidegoko Gobernuak onartutako Euskararen Foru Legeari jarraituz, Armañantzas eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldan, herritarren % 1,20k zekien euskaraz hitz egiten.
Armañantzasko herriko jaiak Abuztuko laugarren asteburuan ospatzen dira. Normalean jaiak ostiralean hasten dira txupinazoaren jaurtiketarekin eta asteartean antolaturiko herri bazkariarekin amaitu.
Andre Mariaren eliza, XVI. mendeko eraikin gotiko-pizkundetarra da, nahiz eta elizaren jatorria Erdi Arokoa izan. Jatorrizko garai horretakoak dira kanpoaldeko oinarrizko hormak eta hiru zutabedun mugarriak. Elizak, laukizuzen itxurako nabe bakarra dauka eta aurrealde zuzen txikia. Parrokiak, XVI. mendeko portiko barrokoa dauka eta Lizarrerriko erretaula nagusirik handienetakoa dauka, XVIII. mendean eraikia.
Ondarearen gainontzeko egituren artean, San Joanen baseliza eta Linares ibaiaren gaineko zubia nabarmentzen dira. Zubiak harrizko harlangaitzez eginiko arku zirkularra dauka.