Remove ads
Ústí nad Orlicí estas urbo en Ĉeĥio, situanta en orienta parto de Bohemio, en Regiono Pardubice, ĉirkaŭ 10 km nordnordokcidente de Česká Třebová. Ĝi etendiĝas sub Orlica montaro ĉe kunfluejo de riveroj Tichá Orlice kaj Třebovka. La urbo estas signifa centro de teksindustrio. En 2024 en ĝi loĝis 14 098 loĝantoj. Hylváty (pli frue ankaŭ nomata Krátká Třebová (Mallonga Třebová)) estas parto de la urbo Ústí nad Orlicí.
| Ústí nad Orlicí | |||
| germane Wildenschwert | |||
| urbo | |||
 Placo en Ústí nad Orlicí | |||
|
|||
| Oficiala nomo: Ústí nad Orlicí | |||
| Ŝtato |  Ĉeĥio | ||
|---|---|---|---|
| Regiono | Regiono Pardubice | ||
| Distrikto | Distrikto Ústí nad Orlicí | ||
| Administra municipo | Ústí nad Orlicí | ||
| Historia regiono | Bohemio | ||
| Montaro | Svitava montetaro | ||
| Riveroj | Třebovka, Tichá Orlice | ||
| Situo | Ústí nad Orlicí | ||
| - alteco | 340 m s. m. | ||
| - koordinatoj | 49° 58′ 27″ N 16° 24′ 00″ O (mapo) | ||
| Areo | 36,36 km² (3 636 ha) | ||
| Loĝantaro | 14 098 (2024) | ||
| Denseco | 387,73 loĝ./km² | ||
| Fondo | 13-a jarcento | ||
| Horzono | MET (UTC+1) | ||
| - somera tempo | MET (UTC+2) | ||
| Poŝtkodo | 562 01 ĝis 562 06 | ||
| NUTS 3 | CZ053 | ||
| NUTS 4 | CZ0534 | ||
| NUTS 5 | CZ0534 579891 | ||
| Katastraj teritorioj | 9 | ||
| Partoj de urbo | 8 | ||
| Bazaj setlejunuoj | 22 | ||
  Situo enkadre de Ĉeĥio
| |||
 Vikimedia Komunejo: Ústí nad Orlicí | |||
| Retpaĝo: www.ustinadorlici.cz | |||
 Portalo pri Ĉeĥio | |||
En 2015 ĝi estis gastiganto de la kongreso de Ĉeĥa Esperanto-Asocio.
La najbaraj municipoj de la setlejo estas Libchavy, Orlické Podhůří, Dolní Dobrouč, Hrádek, Dlouhá Třebová, Sudislav nad Orlicí, Řetůvka, Řetová kaj Česká Třebová.
Remove ads
La urbo estis fondita komence de la 13-a jarcento de Vilém el Drnholec. Ĝi estis la servutula urbeto, pli malfrue ĝi estis posedaĵo de la ĉeĥaj reĝoj. Ekde la fino de la 13-a jarcento ĝi estis konsisto de sinjorejo de Lanšperk kaj ekde la duono de la 16-a jarcento de sinjorejo de Lanškroun. Pli malfrue ĝi estis posedata de pluraj nobelaj familioj (ekz. Pernŝtejnidoj, Hrzanidoj aŭ Liĥtenŝtejnidoj). Drapproduktadaj kaj teksadaj gildoj estis rekonitaj jam komence de la 16-a jarcento. Simile kiel vico da ĉeĥaj urboj ankaŭ Ústí estis ruinigita dum la tridekjara milito. Konstruado de fervojo en la jaro 1845 (Olomouc – Prago) rapidigis industriigon de la teksproduktado. Al la malnova tradicio de teksistoj kaj drapistoj ligiĝis moderna industrio. En la jaro 1967 estis konstruita en kotona esplorinstituto senŝpinila sistemo de ŝpinado.
Origina bazplano de la kvadrata ĉefplaco restis konservita, domojn en du flankoj de la placo borderas arkadoj. La domoj estas plejparte barokaj. En 1990 la urbo estis proklamita kiel protektata memorindaĵzono.
Ústí nad Orlicí estas naskiĝloko de violonvirtuozo Jaroslav Kocián (1883–1950) kaj de historiisto de artoj Josef Cibulka (1886–1968). Al muziktradicioj de la urbo, kiuj tuŝas ĝis la 14-a jarcento, ligiĝas ĉiujara konkurso de junaj violonistoj nomata Muzika Ústí de Kocián.
Remove ads
Evoluo de nombro de loĝantoj
La datoj devenas el datumbazo de Vikidatumoj
| Jaro | Loĝantoj |
|---|---|
| 1869 | 7 661 |
| 1880 | 7 636 |
| 1890 | 8 161 |
| 1900 | 10 206 |
| 1910 | 11 157 |
| 1921 | 9 676 |
| Jaro | Loĝantoj |
|---|---|
| 1930 | 8 391 |
| 1950 | 10 058 |
| 1961 | 10 712 |
| 1970 | 12 058 |
| 1980 | 15 945 |
| 1991 | 15 295 |
| Jaro | Loĝantoj |
|---|---|
| 2001 | 15 192 |
| 2011 | 14 414 |
| 2014 | 14 364 |
| 2016 | 14 226 |
| 2017 | 14 164 |
| 2018 | 14 163 |
| Jaro | Loĝantoj |
|---|---|
| 2019 | 14 196 |
| 2020 | 14 280 |
| 2021 | 13 958 |
| 2022 | 13 936 |
| 2023 | 14 141 |
| 2024 | 14 098 |
Remove ads
- Ústí nad Orlicí (katastra teritorio (k. t.) Ústí nad Orlicí)
- Černovír (k. t. Černovír u Ústí nad Orlicí)
- Dolní Houžovec (k. t. Dolní Houžovec)
- Horní Houžovec (k. t. Horní Houžovec)
- Hylváty (k. t. Hylváty)
- Kerhartice (k. t. Kerhartice nad Orlicí kaj Gerhartice)
- Knapovec (k. t. Knapovec)
- Oldřichovice (k. t. Oldřichovice u Ústí nad Orlicí)
Antaŭe konsisto de urbo estis ankaŭ hodiaŭ memstaraj municipoj Dlouhá Třebová kaj Řetůvka.
- Ĉefplaco kun urbodomo, plejparte barokaj domoj kun arkaĵaro, baroka kolono de Virgulino Maria kaj Civitana monŝparejo el 1868
- Barokstila urbodomo el 1721-1723 - konstruita post incendio surloke de la malnova urbodomo far Jan Kristián Auer, arkitekto de la nobela familio de Liĥtenŝtejno; en 1850 kunigita kun konstruaĵo de la t.n.Malnova lernejo el 1793
- Preĝejo de Ĉielenpreno de Virgulino Maria - malfrubaroka konstruaĵo el 1770-1776 surloke de la originaj lignaj preĝejo kaj sonorilejo, kun adorata pentraĵo de Virgulino Maria de Ústí, atestata jam en 1468
- Baroka dekanejo el 1742-1748 - kun malferma arkaĵaro kaj kruca volbo
- Vilao de Hernych - konstruigita de teksindustriisto Florian Hernych en 1906 en secesia stilo - ekde 2008 sidejo de la Urba Muzeo
- Konstruaĵo de la Unueco de fratoj - la plej malnova ŝtona konserviĝinta konstruaĵo en la urbo, el la j. 1553-1555, kun mansarda tegmento
- Unika stacidoma konstruaĵo el 1874
- Empira konstruaĵo de stacidoma haltejo
- Vilao de Hartmann
- Teatro de Roškot - funkciisma verko de la fama arkitekto Kamil Roškot, en Eŭropo nomata "la ĉeĥa Le Corbusier", el la j. 1935-1936
- Statuaro de Sankta Triunuo
- Originaj teksistaj dometoj el la 19-a jarcento, precipe en la strato Zahradní
- Krucvojo direkte al Andrlův chlum
Remove ads
Urbodomo kaj urbanaj domoj sur la ĉefplaco
kolono de Virgulino Maria kaj eksa Civitana monŝparejo
Urba Muzeo en la Vilao de Hernych
preĝejo Ĉielenpreno de Virgulino Maria
interno de la preĝejo
dekanejo
Vilao de Hartmann
Teatro de Roškot
empira stacidoma haltejo
krucvojo al Andrlův chlum
,_nám._Mírové_20,_21,_22.JPG)
_(2).jpg)
.JPG)
.jpg)
,_Kostelní_19.JPG)
En la urbo estas elstara muzika tradicio, precipe dank al violonvirtuozo Jaroslav Kocian kaj Bohuš Heran, kies heredaĵon memorigas ĉiujaraj internaciaj muzikkonkursoj. En la urbo aktivas Muzika unuiĝo de Cecilio (Cecilská hudební jednota), unu el la plej malnovaj korusoj en Mezeŭropo. Gravas ankaŭ tradicio de konstruado de betlehemoj, dokumentita ekde la 18-a jarcento. Pluraj specimenoj estas prezentataj en la Urba Muzeo.
En la urbo troviĝas granda sportarealo kun futbala kaj atletika stadionoj, akvaparko kaj ludejoj por volejbalo, basketbalo kaj teniso. Krome funkcias kovrita naĝejo, kegloludejo kaj centro por bovlingo. Rande de la urbo en Cakle troviĝas tendumejo kaj boatejo. Inter 2007-2009 estis konstruitaj ĉirkaŭ 40 km da biciklovojoj, kondukantaj tra bela valo de la riveroj Tichá Orlice kaj Třebovka al Choceň, Letohrad kaj Česká Třebová.
Inter memorindaĵoj en la proksima ĉirkaŭaĵo elstaras burgruinoj Lanšperk, Žampach, Potštejn kaj Litice nad Orlicí.
Tra Ústí nad Orlicí gvidas grava elektrizita fervoja linio numero 010 de Kolín al Česká Třebová. Kaj de urbo gvidas linio numero 024 al Štíty.
De la 30-a de novembro ĝis la 2-a de decembro 2012 okazis novula aranĝo — Ĉelima Aŭtuna Renkontiĝo, en kunlaboro de ĈEJ kaj Studenta Esperanto-Klubo “Aŭroro” el Vroclavo.
Inter la 6-a de novembro kaj la 8-a de novembro 2015 en Ústí nad Orlicí okazis La Anstataŭa 15-a Kongreso de Ĉeĥa Esperanto-Asocio. La aranĝo realiĝis kun financa subteno de la urbo.
Inter la partneraj urboj estas
- Oficiala urba retpaĝaro ĉeĥe, angle, germane
- La urbo Ústí nad Orlicí prezentiĝas oficiala informa videofilmo esperantlingve dublita (2015)
- Retejo de la Urba muzeo ĉeĥe, pole
- Ĵurnalo "Orlický deník"
- Albumo pri la Anstataŭa 15-a Kongreso de ĈEA okazinta 6.-8.11.2015 en Ústí nad Orlicí
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads