bardd From Wikipedia, the free encyclopedia
Bardd llys Cymraeg o Ynys Môn oedd Siôn Brwynog (1510 — 1562). Roedd yn frodor o drefgordd Llanfflewin ym mhlwyf Llanrhuddlad. Roedd y cerddor, bardd a hynafiaethydd Robert ap Huw (1580-1665) o blwyf Llanddeusant, Môn, yn ŵyr iddo.
Cedwir ar glawr sawl cerdd ganddo i uchelwyr ymhob cwr o ogledd Cymru, yn cynnwys teulu plas Bodychen ym Môn.[1] Canu mawl traddodiadol yw trwch ei gerddi. Yng nghyfnod y Diwygiad Protestannaidd amlygodd ei sêl dros "yr Hen Ffydd" trwy ymosod ar y Brotestaniaeth newydd a cheir cywydd ganddo 'I'r Ddwy Ffydd' sy'n dychanu Protestaniaeth ac yn clodfori Catholigiaeth.[2]
Ceir tystiolaeth nad oedd pob bardd llys yn derbyn fod crych a llyfn yn un o feiau gwaharddedig Cerdd Dafod. Yn ei gopi o ramadeg y beirdd mae Siôn Brwynog yn dadlau "nad oedd ef yn fai, ac y gellid ei ganu a'i warantu yn ddifai".[3]
Bu farw yn 1562. Canodd Wiliam Llŷn farwnad iddo.[4]
Ceir testunau rhai o gerddi Siôn Brwynog yn Llawysgrifau Llansteffan.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.