Станіслаў Кішка (біскуп жамойцкі)

У Вікіпедыі ёсць артыкулы пра іншых асоб з падобнымі імёнамі, гл. Кішка і Станіслаў Кішка.

Станіслаў Кішка (каля 1577 — 17 лютага 1626) — рэлігійны дзеяч Вялікага Княства Літоўскага.

Станіслаў Кішка
Герб «Дуброва»
Біскуп жамойцкі 1618 — 1626
Папярэднік	Мікалай Пац
Пераемнік	Абрагам Война
Нараджэнне	каля 1577
Смерць	17 лютага 1626(1626-02-17) Варней, Жамойцкае староства, Вялікае Княства Літоўскае, Рэч Паспалітая
Род	Кішкі
Бацька	Станіслаў Кішка
Маці	Альжбета Сапега
Жонка	Соф'я Канстанцыя Зяновіч
Дзеці	няма
Веравызнанне	Каталіцкая Царква[1]

Нарадзіўся ў пратэстанцкай сям'і. У маладосці ажаніўся з Соф'яй Канстанцыяй Зяновіч, дачкой берасцейскага ваяводы Крыштафа Зяновіча, які таксама падтрымліваў рэфармацыю. Аднак каля 1608 года Станіслаў развёўся з жонкай (яна потым паўторна выйшла за Аляксандра Слушку), перайшоў у каталіцтва і стаў святаром.

Вялікі рэферэндар літоўскі з 1615, біскуп жамойцкі з 1618. Дзеяч контррэфармацыі (у ліку вернутых ім у каталіцтва быў і яго глуханямы ад нараджэння бацька).

Заснавальнік каталіцкай парафіі і парафіяльнай школы ў Докшыцах (1608). У 1621 годзе падараваў мястэчка Докшыцы разам з вёскамі Таргуны і Дамашы капітуле жамойцкага біскупства.

Яго братам быў вялікі літоўскі гетман Януш Кішка.

Зноскі

1. Catholic-Hierarchy.org — USA: 1990. Праверана 22 кастрычніка 2020.

   <a href='https://wikidata.org/wiki/Track:Q30'></a><a href='https://wikidata.org/wiki/Track:Q3892772'></a>

Літаратура

• Думін С. Кішкі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 101. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• Генеалогія Кішкаў Архівавана 21 верасня 2013.