Генадзь Міхайлавіч Гарбук

У Вікіпедыі ёсць артыкулы пра іншых асоб з прозвішчам Гарбук.

Генадзь Міхайлавіч Гарбук (24 ліпеня 1934, в. Глыбачка, Ушацкі раён — 7 лютага 2018) — беларускі акцёр тэатра і кіно. Працаваў у Нацыянальным акадэмічным тэатры імя Янкі Купалы. Народны артыст Беларусі (1980)^[2].

Генадзь Гарбук
Генадзь Міхайлавіч Гарбук — беларускі акцёр тэатра і кіно.
Імя пры нараджэнні	Генадзь Міхайлавіч Гарбук
Дата нараджэння	24 ліпеня 1934(1934-07-24)
Месца нараджэння	Ушацкі раён, БССР, СССР
Дата смерці	7 лютага 2018(2018-02-07)[1] (83 гады)
Месца смерці	Мінск, Беларусь
Месца пахавання	Усходнія могілкі
Грамадзянства	Беларусь
Адукацыя	Беларускі дзяржаўны тэатральна-мастацкі інстытут (1958)
Прафесія	акцёр
Гады актыўнасці	1962 — 2018
Тэатр	Нацыянальны акадэмічны тэатр імя Янкі Купалы
Член у	Беларускі саюз кінематаграфістаў БСТД
Прэміі	Прэмія «За духоўнае адраджэнне» Спецыяльная прэмія Прэзідэнта Рэспублікі Беларусь дзеячам культуры і мастацтва (2006)
Узнагароды
IMDb	ID 0305015
Медыяфайлы на Вікісховішчы

Біяграфічныя звесткі

У 1958 годзе скончыў Беларускі тэатральна-мастацкі інстытут (курс Д. Арлова), пасля якога працаваў акцёрам у Нацыянальным акадэмічным драматычным тэатры імя Якуба Коласа^[2]. З 1962 — у Нацыянальным акадэмічным тэатры імя Янкі Купалы^[2].

Творчасць

Мастацтву акцёра ўласцівы моцны тэмперамент, глыбокае псіхалагічнае спасціжэнне характараў. Майстар яркай сцэнічнай дэталі, гратэску. Створаныя Гарбуком вобразы адметныя павышай драматычнай напружанасцю, эмацыянальнасцю, глыбокім псіхалагічным разуменнем характараў^[2].

Найбольш яркія характары стварыў у нацыянальным рэпертуары: Васіль (спектакль і тэлевізійная пастаноўка «Людзі на балоце» паводле І. Мележа, за тэлеверсію Дзяржаўная прэмія БССР 1966 года^[2]), Сымон («Раскіданае гняздо» Я. Купалы), Зёлкін («Хто смяецца апошнім» К. Крапівы), Яўмень («Ажаніцца — не журыцца» М. Чарота і Далецкіх), Клёпкін, Прокусаў («Пагарэльцы», «Верачка» А. Макаёнка), Андрэй Буслай («Парог» А. Дударава)^[2].

Імкненнем да арыгінальнай інтэрпрэтацыі пазначаны ролі Г. Гарбука ў класічным і сучасным рэпертуары: Акцёр («На дне  (руск.)» М. Горкага), Ціхан («Навальніца  (руск.)» А. Астроўскага), Добчынскі  (руск.) («Рэвізор  (руск.)» М. Гогаля), Бярозкін («Залатая карэта» Л. Лявонава), Кэлін («Святая святых» І. Друцэ  (руск.)) і інш^[2].

Здымаецца ў тэлевізійных пастаноўках («Трэцяе пакаленне» па К. Чорнаму — Міхал Тварыцкі, «Трывожнае шчасце» па І. Шамякіну — Пятро Шапятовіч, «Завеі, снежань» па І. Мележу — Апейка, «Плач перапёлкі» па І. Чыгрынаву — Радзівон Чубар, «Крыло цішыні» па Я. Сіпакову — Дзед Басыла), «Ткачы  (руск.)» Г. Гаўптмана — Марыц Егер, і ў кіно («Людзі на балоце», «Подых навальніцы», «Белыя росы», «Чорны замак Альшанскі») і інш.

Ролі ў тэатры

• «Рускія людзі» К. М. Сіманава — Ільін
• «Канец — дзелу вянец  (руск.)» У. Шэкспіра — Ламор
• «Дзівак» А. Афінагенава  (руск.) — Халід
• «Хто смяецца апошнім» К. Крапівы — Зёлкін
• «Палата» — Цярохін
• «Мой бедны Марат» А. Арбузава — Леанідзік
• «Людзі на балоце» паводле І. Мележа — Васіль
• «Канстанцін Заслонаў» А. Маўзона — Касцюкевіч
• «Блакада» — У. Іванава  (руск.) — Дзяніска
• «На дне  (руск.)» М. Горкага — Акцёр
• «Дзесять сутак за любоў» Б. Рацэра  (руск.) і У. Канстанцінава  (руск.) — Грачоў
• «Памяць сэрца» А. Карнейчука  (руск.) — Антоніа Тарачыні
• «Начное дзяжурства» А. Дзяледзіка — Марозаў
• «Залатая карэта» Л. Лявонава — Бярозкін
• «Раскіданае гняздо» Я. Купалы — Сымон
• «Таблетку пад язык» А. Макаёнка — Ломцеў
• «Брама неўміручасці» К. Крапівы — Сымон Бабровіч
• «Стары Новы Год» М. Рошчына  (руск.) — Вася
• «Характары» В. Шукшына — Андрэй Ерын
• «Навальніца  (руск.)» А. Астроўскага — Кабанаў, Ціхан
• Святая святых І. Друцэ  (руск.) — Келін Абабій
• «Аптымістычная трагедыя  (руск.)» — Сіпаты
• «Дзверы грукаюць» М. Фярмо  (руск.) Бацька
• «Ваня, як ты тут?» — Максім Ярыкаў
• «Парог» — Андрэй Буслай
• «Рэвізор  (руск.)» М. Гогаля — Добчынскі  (руск.)
• «Закон вечнасці» Н. Думбадзэ  (руск.) — Міліцыянер, Дуту
• «Верачка» А. Макаёнка — Пракусаў
• «Пагарэльцы» А. Макаёнка — Сілан
• «Радавыя» — Дзерваед
• «Бераг» — Гранабураў
• «Памінальная малітва» Шолам-Алейхема — Лейзер
• «Вежа» — Юрка Казубоўскі
• «Страсці па Аўдзею» У. Бутрамеева — Сват Аўдзея
• «Плач перапёлкі» І. Чыгрынава — Мікіта Драніца
• «Успаміны» — Турноўскі
• «Звон — не малітва» — Холад
• «Паўлінка» — Пранцысь Пустарэвіч, Сцяпан Крыніцкі
• «Умовы дыктуе жанчына» — Ён
• «Касцюмер» — Джэфры Торнтан
• «Князь Вітаўт» — Рамеснік
• «Парфен і Аляксандра» — Парфен
• «Піраміда Хеопса» — Сямёнаў
• «Свае людзі — паладзім  (руск.)» А. Астроўскага — Рыспалажэнскі
• «Эрык XIV» — Монс
• «Чычыкаў» — Манілаў
• «Вечар» — Мікіта
• «Сымон-музыка» — Дзед Курыла
• «Маэстра» — Іваноў, скрыпка

і інш.

Праца ў кіно

1. 1970 — Руіны страляюць — Мікола
2. 1971 — Паланэз Агінскага — камандзір патрызанскага атрада
3. 1973 — Тартак
4. 1973 — Цешча  (руск.)
5. 1974 — Полымя  (руск.)
6. 1975 — Ваўчыная зграя
7. 1979 — Дзень вяртання
8. 1980 — Буслянё — Пятрок
9. 1981 — Людзі на балоце — бацька Ганны
10. 1982 — Раскіданае гняздо
11. 1982 — Подых навальніцы
12. 1983 — Белыя росы — Андрэй Ходас, старэйшы сын
13. 1983 — Чорны замак Альшанскі
14. 1985 — Трэцяе пакаленне
15. 1985 — Навучыся танцаваць
16. 1986 — Дзяржаўная граніца. Фільм 5-ы: Год сорак першы  (руск.) — Антось
17. 1986 — Знак бяды — Пятрок Багацька
18. 1987 — Загадкавы наследнік  (руск.)
19. 1987 — Цыганка Аза
20. 1988 — Баграная трава
21. 1989 — Во бару брусніца
22. 1989 — І паўторыцца ўсё
23. 1990 — Рой  (руск.)
24. 1990 — Духаў дзень  (руск.)
25. 1990 — Маці ўрагану
26. 1991 — Ноч пры дарозе
27. 1991 — Сівая легенда
28. 1992 — Кааператыў «Палітбюро», ці Будзе доўгім развітанне  (руск.)
29. 1992 — Ванька-ўстанька
30. 1993 — Тутэйшыя
31. 1993 — Птушкі бяз гнёздаў
32. 1995 — На чорных лядах
33. 1996 — Шэльма
34. 1996 — З пекла ў пекла
35. 1997 — Маё дзела цялячае…
36. 1998 — Ахвота жыць
37. 1998 — Маленькі баец
38. 2003 — Шукшынскія расказы  (руск.)
39. 2003 — На безымянай вышыні  (руск.) — гаспадар хутару Марак
40. 2003 — Паўночны Сфінкс
41. 2003 — Анастасія Слуцкая
42. 2005 — Бацькоўскі дом
43. 2006 — Я памятаю
44. 2007 — Ворагі
45. 2008 — Пакуль мы жывыя
46. 2011 — Талаш — Васіль Талаш
47. 2012 — Крыніца шчасця — Аляксандр
48. 2013 — Зімні вальс — Арсеній Уладзіміравіч Міхайлаў
49. 2008 — Каменская-5
50. 2009 — Кадэт
51. 2009 — Поп  (руск.)
52. 2009 — Іван Грозны — Паісі
53. 2010 — Брэсцкая крэпасць
54. 2011 — Клопат

Узнагароды і прэміі

• Народны артыст Беларускай ССР (1980)
• Дзяржаўная прэмія СССР (1984) — за выкананне ролі ў фільме «Людзі на балоце»
• медаль Францыска Скарыны (1995)
• Ганаровая грамата Савета Міністраў Рэспублікі Беларусь (2005)^[3].
• Спецыяльная прэмія Прэзідэнта Рэспублікі Беларусь (2006)^[4]
• прэмія «За духоўнае адраджэнне»
• прэмія Беларускага саюза тэатральных дзеячаў «Крыштальная Паўлінка» (2010)

Крыніцы

1. Памёр народны артыст Беларусі і актор Купалаўскага тэатру Генадзь Гарбук — Радыё Свабода. Праверана 7 лютага 2018.

   <a href='https://wikidata.org/wiki/Track:Q485500'></a>
2. Гарбук Геннадий Михайлович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 138. — 737 с.
3. Постановление Совета Министров Республики Беларусь от 24 ноября 2005 г. № 1327 «Аб узнагароджанні групы артыстаў дзяржаўнай установы „Нацыянальны акадэмічны тэатр імя Янкі Купалы“ Ганаровай граматай Савета Міністраў Рэспублікі Беларусь»
4. Указ Президента Республики Беларусь от 31 декабря 2006 г. № 771 «Аб прысуджэнні спецыяльных прэмій Прэзідэнта Рэспублікі Беларусь дзеячам культуры і мастацтва 2006 года»

Літаратура

• Гарбук // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• Генадзь Гарбук на сайце «Internet Movie Database» (англ.)