Пнампень

Пнампе́нь (кхмер.: ភ្នំពេញ) — горад у Камбоджы, сталіца краіны. Знаходзіцца ў паўднёва-ўсходняй частцы краіны, на сутоку рэк Танлесап і Меконг.

Горад Пнампень кхмер.: ភ្នំពេញ Герб Краіна  Камбоджа Каардынаты 11°33′00″ пн. ш. 104°55′00″ у. д.HGЯO Кіраўнік Pa Socheatvong[d] Заснаваны 1372 Плошча 290 км² Вышыня цэнтра 11,89 м Водныя аб’екты Меконг і Bassac River[d] Насельніцтва ▲2 129 371 чал. (2019) Часавы пояс UTC+7 Тэлефонны код 855 (023) Афіцыйны сайт phnompenh.gov.kh (англ.)(фр.)(кхм.) Пнампень на карце Камбоджы

Медыяфайлы на Вікісховішчы

Гісторыя

Паводле паданняў заснаваны каля 1372 года^[1] пад назвай Чадамук. У 1434 кхмерскі кароль Понья Ят перанёс сталіцу з г. Ангкор у Чадамук (пазней стаў называцца Пнампень). Тут пабудаваны гарадскія ўмацаванні, каралеўскі палац і будыйскія храмы. Пнампень не страціў эканамічнага значэння і пасля пераносу сталіцы ў гарады Павек (1528) і Удонг (1623). У 1866 Пнампень зноў стаў сталіцай. Тут былі размешчаны цэнтральныя ўстановы французскай адміністрацыі пратэктарата Камбоджы. У Другую сусветную вайну акупіраваны японскімі войскамі. У 1945 Пнампень занялі французскія войскі на чале з генералам Ф. М. Леклеркам. З 1953 года Пнампень — сталіца незалежнай Камбоджы.

Эканоміка

Прамысловы і навуковы цэнтры краіны. Прадпрыемствы харчовай (пераапрацоўка рысу, броварні і г. д.), драўлянай, машынабудаўнічай прамысловасці. Ёсць невялікая колькасць майстэрняў (апрацоўка серабра, слановай косці).

Вялікі рачны порт можа абслугоўваць і невялікія марскія караблі, недалёка ад горада размешчаны міжнародны аэрапорт (Пачэртонг). З вялікім марскім портам горад злучаны чыгункай.

Насельніцтва

Год Колькасць 1950 334 000 1960 398 000 1970 457 000 1980 189 000 Год Колькасць 1985 351 000 1990 634 000 1995 925 000 2000 1 284 000 Год Колькасць 2005 1 677 000 2010 1 523 000 2012 1 501 725 [2] 2017 1 893 000 Год Колькасць 2019 2 129 371

Гарады-пабрацімы

•  Бангкок, Тайланд (4 студзеня 2013)
•  В’енцьян, Лаос
•  Куньмін, Кітай (8 чэрвеня 2011)^[3][4]
•  Кітакюсю, Японія (сакавік 2016)^[5][6]
•  Лонг-Біч, ЗША
•  Лондан, Вялікабрытанія
•  Пекін, Кітай
•  Провідэнс, ЗША
•  Хашымін, В’етнам
•  Чунцын, Кітай
•  Шанхай, Кітай (2008)

Крыніцы

1. БРЭ 2004—2017.
2. https://web.archive.org/web/20121027235716/http://www.phnompenh.gov.kh/phnom-penh-city-facts-99.html
3. https://wb.km.gov.cn/c/2008-02-21/3839238.shtml
4. https://wb.km.gov.cn/upload/resources/file/2022/05/11/3666839.pdf
5. https://www.city.kitakyushu.lg.jp/soumu/file_0233.html
6. https://www.city.kitakyushu.lg.jp/kikaku/01300110.html

Літаратура

• Пнампень // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).
• Пномпень // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 376. — 592 с. — 210 000 экз. — ISBN 5-85270-057-6. (руск.)
• Пномпень // Энциклопедический географический словарь (руск.). — М.: РИПОЛ классик, 2011. — С. 525—526. — 800 с. — (Словари но­вого века). — 5 000 экз. — ISBN 978-5-386-03063-6. (руск.)
• Пномпень // Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—2017. (руск.)