Капыль

Капы́ль^[2] (афіц. транс.: Kapyĺ) — горад у Мінскай вобласці Беларусі, адміністрацыйны цэнтр Капыльскага раёна, на р. Мажы. За 120 км ад Мінска, 9 км ад чыгуначнай станцыі Цімкавічы на лініі Баранавічы—Асіповічы. Насельніцтва 9 526 чалавек (2017)^[3].

Горад Капыль Герб Сцяг Краіна Беларусь Вобласць Мінская Раён Капыльскі Каардынаты 53°09′00″ пн. ш. 27°05′30″ у. д.HGЯO Першая згадка 1274 Горад з 1984 Вышыня цэнтра 210 м Насельніцтва ▼9 985 чал. (1 студзеня 2024)[1] Часавы пояс UTC+3 Тэлефонны код 1719 Паштовы індэкс 223910 Аўтамабільны код 5 СААТА 6228501000 Афіцыйны сайт kopyl.minsk-region.by  (руск.) Капыль на карце Беларусі ±

Капыль на Вікісховішчы

Назва

На думку географа В. Жучкевіча, аснова тапоніму «Капыль» ужывалася ў значэнні прылады апрацоўкі зямлі накшталт матыкі або кіркі. У беларускай мове слова «капыл» захавалася галоўным чынам для абазначэння верхняй часткі шавецкай калодкі, а часам аднаго з тыпаў малатка (балцкае kople). Захавалася і мянушка Капыл — упарты, незгаворлівы чалавек^[4].

Паводле пашыранага меркавання, назва «Капыль» утварылася ад слова «капылле» — поле, апрацаванае матыкай^[5]. Аднак некаторыя даследнікі мяркуюць, што назва паселішча ўтварылася ад слова «капальня» — частка паганскай бажніцы^[6].

Гісторыя

Упершыню Капыль згадваецца пад 1005 годам ва ўстаўной грамаце кіеўскага князя Уладзіміра Святаславіча Тураўскай епархіі. Аднак аўтэнтычнасць названага дакумента аспрэчваецца^[7]. Паводле археалагічных даных, горад існаваў ужо ў XI ст. Першая пэўная згадка Капыля змешчана ў Галіцка-Валынскім летапісе пад 1274 годам пры апісанні вайны галіцкага князя Льва Данілавіча з вялікім князем літоўскім Тройдзенем. У XIV—XV стст. на гарадзішчы (у цэнтры сучаснага горада) стаяў драўляны Капыльскі замак. З 1395 года — цэнтр Капыльскага княства Алелькавічаў. Пазней належаў Радзівілам, Вітгенштэйну. У 1506 годзе слуцкія і капыльскія баяры, скліканыя слуцкай княгіняй Анастасіяй, разбілі каля Капыля крымскіх татараў, якія адыходзілі пасля разгрому пад Клецкам (Гл. таксама: Бітва пад Клецкам). У 1652 годзе Капыль атрымаў магдэбургскае права. З 1793 года — мястэчка Слуцкага павета. У 1924 годзе Капыль стаў цэнтрам раёна, з 1938 года — гарадскі пасёлак, з 1984 года — горад.

Насельніцтва

• XIX стагоддзе: 1897 — 4463^[8] чал.
• XX стагоддзе: 1977 — 5,7 тыс. чал.^[8]; 1995 — 10,6 тыс. чал.^[8]
• XXI стагоддзе: 2006 — 10,6 тыс. чал.; 2009 — 10,5 тыс. чал.; 2015 — 9 733 чал.^[9]; 2016 — 9 620 чал.^[10]; 2017 — 9 526 чал.^[3]

Эканоміка

Прадпрыемствы харчовай (ААТ «Капыльскі масласырзавод») і дрэваапрацоўчай (ДДЛУ «Капыльскі вопытны лясгас») прамысловасці. Гасцініца «Капыль».

Культура

• Капыльскі краязнаўчы музей.

Славутасці

Спаса-Ушэсцеўская царква (Капыль)

• Ушэсцеўская царква (1866 г.)
• Капліца Марціна Тураўскага
• Касцёл Святых апосталаў Пятра і Паўла
• Помнік Цішку Гартнаму

Захаваліся таксама сярэднявечнае гарадзішча, татарскія і яўрэйскія могілкі XIX—XX стст., гандлёвая забудова пач. ХХ ст. на плошчы Леніна, узноўленая хата, дзе нарадзіўся Цішка Гартны.

Страчаная спадчына

• Касцёл Святых апосталаў Пятра і Паўла (1864)
• Сінагога

Вядомыя асобы

Асноўны артыкул: Вядомыя асобы Капыля

• Сцяпан Александровіч (1921—1986) — беларускі пісьменнік
• Аляксандр Багдановіч (1898—1983) — беларускі грамадскі дзеяч, урач.
• Цішка Гартны (З. Х. Жылуновіч; 1887—1937) — беларускі пісьменнік, грамадскі і дзяржаўны дзеяч
• Рэнальд Кныш (1931—2019) — беларускі трэнер па спартыўнай гімнастыцы. Заслужаны трэнер БССР (1960), заслужаны трэнер СССР (1964), заслужаны дзеяч фізічнай культуры БССР (1971)
• Мендэле Мойхер-Сфорым (1835—1917) — пісьменнік мовы ідыш
• Адам Герасімавіч Русак (1904—1987), беларускі паэт-песеннік
• Аляксандр Сыман (нар. 1977) — беларускі біятланіст, удзельнік XIX Зімовых Алімпійскіх гульняў у Солт-Лейк-Сіці (2002)
• Уладзімір Пятровіч Талочка (нар. 1961) — беларускі архітэктар.
• Міхаіл Мікалаевіч Чыгір (нар. 1948) — беларускі дзяржаўны дзеяч, Прэм’ер-міністр Рэспублікі Беларусь (1994—1996)

Галэрэя

• 
  Мурал cавецкіх часоў у Капылі, 2017
• 
  Панарама Капыля з замчышча, ліпень 2017
• 
  Адкрыты рынак Капыля, ліпень 2017
• 
  Татарскія могілкі ў Капылі, ліпень, 2017
• 
  Капыль з боку татарскіх могілак, ліпень, 2017
• 
  Пункт па карантыну раслін Капыля
• 
  Каля будынка камунальных служб
• 
  Гарадскі краявід
• 
  Панарама з шашы
• 
  Панарама Капыля з замчышча, 2017

Гл. таксама

• Голас нізу (1906)
• Гарады Мінскай вобласці
• Гарады Беларусі

Крыніцы

1. Численность населения на 1 января 2024 г. и среднегодовая численность населения за 2023 год по Республике Беларусь в разрезе областей, районов, городов, поселков городского типа — Белстат, 2024.

   <a href='https://wikidata.org/wiki/Track:Q125194897'></a><a href='https://wikidata.org/wiki/Track:Q6520738'></a>
2. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
3. Колькасць насельніцтва на 1 студзеня 2017 г. і сярэднегадавая колькасць насельніцтва за 2016 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу (руск.). Нацыянальны статыстычны камітэт Рэспублікі Беларусь (29 сакавіка 2017). Праверана 3 красавіка 2017.
4. Жучкевич В. А. Краткий топонимический словарь Белоруссии. — Мн.: Изд-во БГУ, 1974. С. 173—174.
5. Гарады і вёскі Беларусі: Энцыклапедыя. Т. 8: Мінская вобласць, кн. 2 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2011. — 464 с.: іл. — 2 000 экз. — ISBN 978-985-11-0554-6. С. 125.
6. Богдашич С. Седые легенды древнего Копыля Архівавана 31 кастрычніка 2014. // «Інфа-Кур’ер», 17 снежня 2008.
7. Копыль стал старше Слуцка Архівавана 3 кастрычніка 2017., 21 ноября 2016
8. Беларусь 1995.
9. Колькасць насельніцтва на 1 студзеня 2015 г. і сярэднегадавая колькасць насельніцтва за 2014 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу (руск.). Нацыянальны статыстычны камітэт Рэспублікі Беларусь (31 сакавіка 2015). Праверана 3 красавіка 2017.
10. Колькасць насельніцтва на 1 студзеня 2016 г. і сярэднегадавая колькасць насельніцтва за 2015 год па Рэспубліцы Беларусь у разрэзе абласцей, раёнаў, гарадоў і пасёлкаў гарадскога тыпу (руск.). Нацыянальны статыстычны камітэт Рэспублікі Беларусь (30 сакавіка 2016). Праверана 3 красавіка 2017.

Літаратура

• Копыль // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн.: Беларуская Энцыклапедыя, 2007. — 648 с. — ISBN 978-985-11-0384-9.
• Капыль // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 370. — 800 с. — 5 000 экз. — ISBN 985-11-0026-9.

Спасылкі

• На Вікісховішчы ёсць медыяфайлы па тэме Капыль
• Геаграфічныя звесткі па тэме Капыль на OpenStreetMap
• Фатаздымкі выдатных мясцін
• Раённая газета «Слава працы»
• Капыльскія карты
• Разнастайная інфармацыя аб Капылі і Капыльскім раёне
• Надвор’е ў горадзе Капыль