Ганна Кісьліцына

Га́нна Мікала́еўна Кісьлі́цына (нар. 8 верасьня 1967, Дарагічын, Берасьцейская вобласьць) — беларуская літаратуразнаўца, крытык^[1], публіцыст. Доктар філялягічных навук (2016).

Ганна Кісьліцына
Асабістыя зьвесткі
Нарадзілася	8 верасьня 1967(1967-09-08) (57 гадоў) Дарагічын, Берасьцейская вобласьць, БССР, СССР
Бацькі	Міхась Тычына Ала Кабаковіч
Літаратурная дзейнасьць
Род дзейнасьці	літаратуразнаўца, крытык, публіцыстка
Мова	беларуская мова
Узнагароды	Залатая літара[d]
http://annahonda.livejournal.com/

Біяграфія

Нарадзілася 8 верасьня 1967 году ў Дарагічыне. Дачка беларускай літаратуразнаўцы Алы Кабаковіч ад першага шлюба. Вырасла ў сям’і Алы Кабаковіч і яе другога мужа, беларускага пісьменьніка Міхася Тычыны. У дзяцінстве хацела стаць лекарам. Навучалася ў менскай школе № 4 (з музычным ухілам).

Скончыла беларускае аддзяленьне філялягічнага факультэту Беларускага дзяржаўнага ўнівэрсытэту, асьпірантуру НАНБ.

З 1993 году — кандыдат філялягічных навук^[2]. 12 красавіка 2016 году атрымала званьне доктара філялягічных навук.

Супрацоўніца Цэнтру дасьледаваньняў беларускай культуры, мовы і літаратуры Нацыянальнай акадэміі навук Беларусі^[3].

Вядзе калёнку ў газэце «Звязда»^[4].

Творчасьць

Аўтар кніг «Алесь Разанаў: праблема мастацкай сьвядомасьці» (1997), «Лірычная мініяцюра як жанр беларускай літаратуры» (2000), «blonde attack» (2006), «Новая літаратурная сытуацыя: зьмена культурнай парадыгмы» (2006).

У 2015 годзе ўваходзіла ў склад журы літаратурнага конкурсу на прэмію імя Ежы Гедройца^[5].

Узнагароды

• літаратурная прэмія «Залатая Літара» (2004) за зборнік «12+1» (разам з А. Івашчанкам, А. Хадановічам),
• прэмія Зоры Кіпель за даследаваньні ў галіне беларусістыкі (2007)^[4].

Бібліяграфія

• «Алесь Разанаў: праблема мастацкай сьвядомасьці» (1997);
• «Лірычная мініяцюра як жанр беларускай літаратуры» (2000);
• «blonde attack» (2006);
• «Новая літаратурная сытуацыя: зьмена культурнай парадыгмы» (2006)^[6];
• «Чалавек постмадэрну ў сучаснай беларускай літаратуры» (2010)^[2].
• «Культурны градыент: ідэі, маніфесты, кірункі беларускай літаратуры на мяжы ХХ ― ХХІ стагоддзяў» (Мн.: Права і эканоміка, 2015)^[7]

Крыніцы

1. Кісліцына, Ганна Мікалаеўна. НББ. Праверана 21 жніўня 2013 г. Архіўная копія ад 21 жніўня 2013 г.
2. Ганна Кісьліцына. Радыё «Свабода» (19 Ліпеня 2006). Праверана 21 жніўня 2013 г. Архіўная копія ад 21 жніўня 2013 г.
3. Ганна Кісьліцына Глянцавы Макс. Штотыднёвая грамадзка-асьветніцкая газэта «Культура». Праверана 25 ліпеня 2014 г.
4. Ганна Кісліцына. Новая Эўропа. — Артыкулы Г. Кісьліцынай. Праверана 21 жніўня 2013 г. Архіўная копія ад 21 жніўня 2013 г.
5. Уручэнне прэміі Гедройца адбудзецца 1 чэрвеня. Беларускі ПЭН-цэнтар (14 траўня 2015). Праверана 14 траўня 2015 г.
6. Новая культурная сітуацыя: змена культурнай парадыгмы. LiveLib. Праверана 21 жніўня 2013 г. Архіўная копія ад 21 жніўня 2013 г.
7. Марына Весялуха Творцы супраць стандартаў // Літаратура і Мастацтва : газэта. — Мн.: РВУ «Звязда», 20 лістапада 2015. — В. 4846. — № 46. — С. 9.

Літаратура

• Аляшкевіч М. Ганна Кісліцына ў плыні сучаснай беларускай літаратуры… // «Маладосць» № 3(640), 2007. — С. 98-102.
• Абрамовіч П. Крытыка як жаночая справа // «Наша Ніва», №20, 2003