From Wikipedia, the free encyclopedia
Namibia (amtli: Republic of Namibia, amtli hdt.: Republik Namibia, friaha: Namibien) is a Stoot im sidlichn Afrika zwischn Angola, Sambia, Botswana, Sidafrika Da Nam vom Stoot loat se vo da Wiastn Namib ob, de'n gsomtn Gstodraum vom Lond eihnimmt. Ea is bei da Unobhängigkeit ois neitroie Bezeichnung gwejd worn, um koans vo de vuin namibischn Vejka z' vaeagan. Im deitschsproching Raum existiat weidahi de weniga gebraichliche Bezeichnung „Namibien“. In Namibien wead vaoanzlt no vo „Sidwest“ ois Kiazl fia „Sidwestafrika“ (ehemois: Deitsch-Sidwestafrika) gsprochn, a Begriff wo bei de Eihwohna - je noch Hautfoab sowia politischa und gsejschoftlicha Prägung - seah untaschiedliche Assoziaziona heavoaruaft.
| |||||
| Woispruch: Unity, Liberty, Justice bar: „Oaheit, Freiheit, Grechtigkeit” | |||||
| Amtssprache | Englisch | ||||
| Hauptstadt | Windhuk | ||||
| Staatsoberhaupt | President Nangolo Mbumba (seit 4. Februar 2024) | ||||
| Regierungschef | Premierministarin Saara Kuugongelwa-Amadhila (seit 21. Meaz 2015) | ||||
| Fläche | 824.116 km² km² | ||||
| Einwohnerzahl | 2.113.007 (2011) | ||||
| Bevölkerungsdichte | 2,56 Einwohner pro km² | ||||
| Bruttoinlandsprodukt | 7.400 Mio. US$ (125.) | ||||
| Bruttoinlandsprodukt pro Einwohner | 3.584 US$ (95.) | ||||
| Index der menschlichen Entwicklung | 0,650 (125.) | ||||
| Währung | Namibia-Dollar | ||||
| Unabhängigkeit | vo Sidafrika am 21. Meaz 1990 | ||||
| Nationalhymne | Namibia, Land of the Brave | ||||
| Nationalfeiertag | 21. Meaz (Dog vo da Unobhängigkeit) | ||||
| Zeitzone | UTC+1 UTC+2 | ||||
| Kfz-Kennzeichen | NAM | ||||
| Internet-TLD | .na | ||||
| Telefonvorwahl | +264 | ||||
 | |||||
Aus de gleichn politischn Grind hod ma se 1990 geng de bishering Omtssprochn entschiedn und hod stottdessn de englische Sproch, de vui Öidane, voa oim im Noadn vom Lond ned beheaschn, ois Omtsproch gwejd. De meistn Schwoazn redn nem eanara eignen Sproch de Sprochn Afrikaans, monche aa Deitsch.
Nationoifeiadog is da 21. Meaz, da Dog vo da Unobhängigkeit (1990).
Namibia liegt zwischn 17,87° und 29,9808° sidlicha Broadn sowia 12° und 25° estlicha Leng. Des entspricht af da Noadhoibkugl eppa da Log vo Libyen.
Namibia wead im Ostn noch Botswana hi vo da Kalahari, im Sidn noch Sidafrika hi vom Oranje – aa Orange River gnennt –, im Westn vom Sidatlantik und im Noadn noch Angola hi vom Kunene- und am Okavango-Fluss begrenzt. Im Noadostn ziagt se dozua a uma 450 km longa und bis za. 50 km broada Landfinga zwischn de neadlich ogrenzndn Lända Angola und Sambia und om sidlich ogrenzendn Botswana – da Caprivizipfe.
Nem de Grenzfliss gibt's no vui weidane Fliss, vo dena owa aussa Kwando und Okavango in Caprivi koa oanzigsta mid Sichaheit gonzjoarig Wossa fiaht. Aussahoib vo da Rengzeid findn se nua ausdrickade Flussbettn (Riviere).
Namibia is extrem dinn bsiadlt. De Bevejkarung is af nua a poa Städt konzentriat und afn fruchtboan Noadn vom Lond. Rund 44 % vo da Bevejkarung lem in de Regiona Omusati, Oshana, Ohangwena und Oshikoto. A Drittl lebt in Zentroinamibia, wo alloa z Windhoek meah wia 300.000 Menschn eanan Wohnsitz hom. Im Sidn vom Lond lem grod amoi 7 % vo de Eihwohna, weand da Westn und de Namib-Wiastn mid Ausnohm vo de Hofnstädt fost menschnlea san.
Namibia is seit 1990 a Republik mid om semipresidentiejn Regiarungssystem. De Obstimmung do driwa hod 1989 stottgfundn, wos ma oisn Ofong vo da Unobhengigkeit seng ko. Stootsowahapt is da President, wo oi fimf Joar nei gwejd wead. De Namibische Regiarung bsteht aus ana Premierministarin, wo zamm mid'm Kabinett vom Presidentn eanennt wead. Des Parlament bsteht aus zwoa Kamman. De oane Kamma is da Nationoirod mid 26 Sitzn. Jede vo de 13 Vawoitungsregiona entsendt oi sechs Joar zwoa Vatreta. De ondane Kamma is de Nationoivasommlung mid 78 Sitz, vo dena 72 in oigmoana Woih gwejd und sechs vom Presidentn bstimmt wean. De Omtszeid betrogt fimf Joar.
De Nationoivasommlung is des Legislativoagan, des hoaßt Gsetz kenna nua vo iah ealossn wean. Da Rod hod, am Nama entsprechnd, nua a berotnde Funktion, um de Belonge vo de oanzalna Regiona ausreichnds Ghea z schenga. Des hächste Gricht vo Namibia is da Supreme Court, sei Richta wean vom Presidentn eihgsetzt.[1]
Af regionoia und lokoia Ebene san aa de traditionejn Fiahra in Namibia im Sinn vo da Vafossung[2] in de politische Vaontwoatung bei da Gsetzgebung und Rechtsprechung mid eihbezong worn. De namibische Vafossung woa aa wejdweit oane vo de easchtn, wo an Umwejdschutz ois a voarongigs Stootszui mid afgnumma hod und seitdem duach's Ministerium fia Umwejd und Tourismus koordiniat wead.
Namibia is in dreizehn Regiona eihteit. Jede Region wead vo am Regionoirod (regional council) regiat, und je noch Gress vo da Region, weida in sechs bis zwejf Woihkroas (constituencies) untateit. Insgsomt gibt's 107 Woihkroas.
| Nr | Region | Fläch in km² | Haptstod |
|---|---|---|---|
| 1 | Caprivi | 19.532 | Katima Mulilo |
| 2 | Erongo | 63.586 | Swakopmund |
| 3 | Hardap | 109.888 | Mariental |
| 4 | Karas | 161.325 | Keetmanshoop |
| 5 | (O)Kavango | 43.418 | Rundu |
| 6 | Khomas | 36.805 | Windhoek |
| 7 | Kunene | 144.255 | Opuwo |
| 8 | Ohangwena | 10.582 | Eenhana |
| 9 | Omaheke | 84.732 | Gobabis |
| 10 | Omusati | 13.638 | Outapi |
| 11 | Oshana | 5.290 | Oshakati |
| 12 | Oshikoto | 26.607 | Omuthiya |
| 13 | Otjozondjupa | 105.328 | Otjiwarongo |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
