Melilla

Melilla, span. Melilla [meˈliʎa]; rifisch Mřič, masir. aa Mlilt^[1] oda Tamlilt; arab. Malīlja, is a spanischa autonoma Stod, wou af n noadwestlinga, mittlmearnatn Gstod vo Afrika, estle von n Kap Tleta Madari, am Alborán-Meral ligt. Sa houd a gmoasama Grenz mid Marokko, mid de Kommuna Mariguari u Farhana in n Noadn un Oustn u da Stod Aït-Nsar in n Sidn, is a Toal vo da Guelaya-Region u houd a Flechn vo umma 12.3 km². D Stod is a Exklafn vo Spanja oda a otrennts Terretorjum un oa vo zwou spanische Stedt af n Festland vo Afrika, dej ondar is Ceuta. D Stod is bis zen 14. Miarz 1995, wou d Autonomi-Statutn duchkumma han, a Toal vo da spanischn Provinz Málaga gweng.

A Koatn vo Melilla.

Spanische Terretorja i da Gengt.

Melilla is oins vo dea Sundaterretorja vo da Eiropejschn Union (EU). A Raisn u Foartn zwischn de iwatn Regiona vo da EU u Melilla hom extriga Bstimmunga, dej wou midunta i de Beitritsvatreḡ vo Spanja zen Schengen-Akkoad vaschribn han.^[2] D Stod houd a signifikanta Zohl vo Pendla vo da marokanischn Prowinz Nador. Dej Festung vo da Stod is zwischn en 16. u 18. Jh. baut woan mid Loḡa, Zisterna, Bosteia, Grem, Stolln, Kapelln, doudrunta oa gotischa, u Spitela.

2019 hod Melilla a Bvelkaring vo offezjell 86,487 Eiwõhna ghobt.^[3] Dej mejran hom ibeerischn u riifischn, resp. masirischn, Hintagrund.^[4] Wej i Ceuta git s owa a Sefardn u sindhische Hindu. Soziolinguistisch git s z Melilla a Diglossi zwischn Spanisch wej a Dochsproch u Rifisch wej a Vulkssproch.^[5] Melilla is wej Ceuta un ondana hispanofona Terretorja z Afrika a "Zanköpfal" oda a "Raffboandl" vonrana irredentistischn Reklamiring oda Furdarei vo Marokko.^[4]

Galeri

• 
  A Koatn vo 1699.
• 
  A Koatn von n 18. Jh.
• 
  Es Stodzentrum um 1926.
• 
  A neis Haus um 1917 umma.
• 
  A Biltl vo 1849.
• 
  A Miletea-Kemp duatn um 1920.
• 
  A Biltl von n Hafn da Stod.
• 
  A Biltl vo om.
• 
  Es Routhaus.
• 
  A Biltl vo Melilla u Ait-Nsar ba Nacht.
• 
  Bscheftigt in zollfrein Grenzhandl.
• 
  A Haus vom Katalanischn Modernismus.
• 
  A Prozession durtn.
• 
  Af da Grenz.
• 
  Es Natuaschutzzonal Cortados de Aguadú.
• 
  A Patella ferruginea-Schneckn af n Strõnd vo Melilla.
• 
  A Blick af n Gurugu-Beag von n silinga For.
• 
  A Strouss i da Altstod.
• 
  A Blick af d Stod von n Gurugu-Beag.
• 
  D Sagrado Corazón Kirch.
• 
  D Or Zaruah Sinagog.
• 
  D Zentrolmoschee vo Melilla.
• 
  Es Medina Sidonia-For.