Malta

Flagge vo Malta	Woppn vo Malta
Flagge	Wappen
Hauptstadt	Valletta
Staatsoberhaupt	Stootspresidentin Myriam Spiteri Debono
Regierungschef	Premierminista Robert Abela
Fläche	316 km²
Einwohnerzahl	425.384>
Bevölkerungsdichte	1.346 Einwohner pro km²
Bruttoinlandsprodukt pro Einwohner	11.537 US-Dollar (2004)
Währung	Eiro
Nationalhymne	L-Innu Malti; („Schitz es, o Herr“);
Internet-TLD	.mt
Telefonvorwahl	+356

Malta, Republik Malta (oda: Repubblika ta' Malta, wia'd Maltesa song) is a eigens Land im Sün vo Sizilien im Middlmeea und bestäd aus drei Insln, Malta sejm, Gozo und Comino. Grouß is des Ganze ned, san a grod 316 km² (ganz nembei, Minga hod rund 310 km²). Gred werd auf Malta maltesisch und englisch, wos gschichtliche Ursachn hod. Haptstod is Valletta mid 5700 Eihwohna (2013) und insgsamt hod Malta im Jenner 2014 430.146 Leid ghobt, de do gwohnt hom. Zeud werd do unt seit Jenna 2008 mitm Euro, davor homs mitm Lira zoid, 1 Lira won rund 2 Euro 33. Zeitlich sans gleich mit uns.

Schnelle Fakten

Schließen

De easchtn Leid, de af Malta untn wan, san mit kloane Bottal vo Sizilien kema und hom eascht amoi in de Hölln gwohnt. Damals war de ganze Insl no voi Woid. Mit da Zeit san oiwei no mehr Leid kema und hom donn a de Templ baut, wost heid no sigst. De easchtn, de auf Malta kema han und von dene ma a an Noma woa, won de Phönizier. De hom eigntli blos ghandlt, oiso koan Kriag ogfanga und ham de Insl ois Zwischnstation hergnoma. De nächstn, de kema han, won de vo Karthago, de des ois strategischn Punkt hergnomma hom. De hom des dann oba valorn, nämli an de Rema, de dann a wengei auf Malta umanandabaut hom. Ob 870 n. Kr. san dann de Araba kema und des is a da Grund, warum de Maltesisch rend, des kimd nämlich ausm Arabischn. De Johannita won so a Vaein, wejche a de Krankn vasorgt hom, die bei de Kreizzüg in Jerusalem oane auf de Leffe drauf griagt hom. Nochdem de Moslems Jerusalem wiada ghobt hom, han de Johannita zeascht auf Rhodos, dann auf Malta kema, desweng a de Bezeichnung Maltesa. Noch da Franzesischn Revolution und im Napoleonischn Kriag san de Franzosn kema und hom de Johannita vascheicht. Olladings hom de Franzosn den Kriag oba ned gwonna und noch de Franzosn sand Englända kema und desweng redn de do untn a Englisch. Im Zwoatn Wejdkriag hom de Deitschn do untn an gonz schena Radau gmocht, eimarschiat sans oba ned, oba Luftangriffe homs gflong. 1964 is Malta dann komplett unobhängig worn, oiso weg vo de Englända und 1974 is offiziej a Republik worn. Und 2003 sans donn a no zua EU kema.

De meisten keman auf Malta mitm Fliaga, oba mitm Schiff gäts a. Fia olle, de Sandstrände gean hom, gibts a Problem, wai Malta hod fost blos Fejsnstrände. Es gibt zwoa Sandstrände, oba wo anders gibts mea davo. Im Somma hods rund 35 Grod am Dog, um Winta umara 15. Lustig han de Busse auf Malta, de foan wirkli schnei do untn. Af Malta homs Linksvakea. Af Malta keman vui, de Englisch lerna woin, Englisch lerna one Englischs Wetta hoast des do. Af Malta gibts richtig vui Sprochschuin. In Malta han scho oanige Fuim gmacht woan, Troja, Minga vom Sbuiberg, Gladiator, Columbus und so waida. De meistn Maltesa han katholisch und es gibt ainige Festal do untn, wo christlich han.