elementu químicu de númberu atómicu 87 y símbolu Fr / From Wikipedia, the free encyclopedia
El franciu[1] (d'antiguo conocíu como eka-cesiu y actiniu K)[nota 1] ye un elementu químicu que'l so símbolu ye Fr y el so númberu atómicu ye 87. El so electronegatividá ye la más baxa conocida y ye el segundu elementu menos abondosu na naturaleza (el primeru ye'l astato). El franciu ye un metalalcalín altamente radiactivu y reactivu que se desintegra xenerando astato, radiu y radón. Como'l restu de los metales alcalinos, namái tien un electrón na so capa de valencia.
«Fr» redirixe equí. Pa otres aceiciones, ver FR.
Datos rápidos Radón ← → Radiu, Información xeneral ...
Marguerite Perey afayó esti elementu en 1939. El franciu foi l'últimu elementu químicu descubiertu na naturaleza enantes de ser sintetizáu.[2] Fora del llaboratoriu, el franciu ye desaxeradamente escasu, atopándose en traces en menas d'uraniu y de toriu, onde'l 223Fr ta de cutio formándose y desintegrándose. La cantidá de 223Fr na corteza terrestre nun momentu dau posiblemente nun entepase los 30 gramos; el restu de los isótopos son sintéticos. La mayor cantidá recuperada de cualesquier de los sos isótopos foi un clúster de 10.000 millones d'átomos (de 210Fr) sintetizáu como un gas ultra fríu en Stony Brook en 1996.[3]