Remove ads
El grau Celsius, denomáu tamién grau centigrau ente 1750 y 1948, y tamién anguaño en dalgunos países hispanofalantes, representáu como °C, ye la unidá creada por Anders Celsius pa la so escala de temperatura. Tomóse como base pal Kelvin y ye la unidá más utilizada internacionalmente.
| Grau Celsius | |
|---|---|
unidá derivada del SI, unidá del SI con un nome especial, unidá de temperatura, unidá derivada en UCUM, unidá ensin conversión estándar al SI y unit of Celsius temperature (en)  | |
 |
Defínese asignando'l valor 0 a la temperatura de conxelamientu de l'agua y el valor 100 a la temperatura de bullidura de l'agua, entrambes midíes a una atmósfera de presión, y dividiendo la escala resultante en 100 partes iguales, caúna d'elles definida como 1 grau Celsius.
Remove ads
La escala centigrada o centesimal foi inventada por Anders Celsius (1701-1744). Orixinalmente definióse como una escala infinita dividida n'intervalos d'un grau, na que 0°C (cero graos) yera la temperatura a la que se conxelaba l'agua y 100°C el so puntu de bullidura, si l'agua taba a 1.000 milibares. Poco dempués de la so muerte invirtióse la escala (en parte pol aguiyamientu de Daniel Ekström, que fabricó los más de los termómetros usaos por Celsius). Muncha xente más, amestando al suecu Per Elvius el Vieyu (1710) y al francés Christian de Lyons (1743), inventaron la mesma escala al empar pola so cuenta. Dizse tamién que'l botánicu Carolus Linnaeus (1740) taba ente ellos, anque nun esisten pruebes que lo demuestren.
En 1948 camudóse-y oficialmente'l nome a escala Celsius, en parte n'honra d'esti científicu y en parte pola controversia qu'ufría'l prefixu centi-.
| Conversión de | a | Fórmula |
|---|---|---|
| Celsius | Fahrenheit | °F = (°C × 1,8) + 32 |
| Fahrenheit | Celsius | °C = (°F – 32) / 1,8 |
| Celsius | Kelvin | K = °C + 273,15 |
| Kelvin | Celsius | °C = K – 273,15 |
| Otres fórmules de conversión Calculadora conversora ente unidaes de temperatura | ||
Como ye d'esperar, los valores de referencia son muy aproximaos, pero non correutos. Poro, en 1954 definióse como una escala onde 0,01°C ye'l puntu triple de l'agua, y un grau la 1/273,16 parte de la diferencia ente'l puntu triple de l'agua y el cero absolutu.
Remove ads
La magnitú d'un grau Celsius (1 °C) ye equivalente a la magnitú d'un Kelvin (1 K), yá qu'esta unidá defínese como igual a la primera. Sicasí, les escales son diferentes porque la escala Kelvin toma como valor 0 el cero absolutu. Darréu qu'al cero absolutu-y correspuende un valor de −273,15 °C, la temperatura espresada en °C y K difier en 273,15 unidaes.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads