Vereinte Nationen

D` Vereinti Natione odr UNO (für United Nations Organization) sy en Zämeschluss vu 193 Staate, wo sich zur Ufgoob gmacht het, dr Weltfride z'sichere, ds Völkerrecht yzhalte, d Menscherecht z'schütze und d'internationali Zämmearbeit z'fördere.

Vereinti Natione UN/UNO
Fahne vo de Vereinte Natione
Mitglidstaate
Änglische Name	United Nations Organization
Französische Name	Organisation des Nations unies
Organisationsart	International Völkerrechtssubjekt
Status	aktiv
Sitz vo de Organ	New York City, New York, Vereinigte Staaten Vereinigti Staate (Hauptquartier)
Generalsekretär	Portugal António Guterres (Generalsekretär)
Mitglidstaate	193: → UN-Mitglidstaate
Amts- un Arbetssproche	* Englisch Französisch
Flächi	135.700.000 km²
Iiwohnerzahl	> 7.500.000.000
Bevölkerigsdichti	53,8 Einwohner pro km²
Gründig	26. Juni 1945; Inchraftträte vo de UNO-Charta am 24. Oktober 1945
Fiirtig	24. Oktober (Tag vo de Vereinte Natione)
www.un.org

Gschicht

Ihri Wurzle hend d Vereinti Natione i de Haager Fridenskonferenze und im Völkerbund, wo nach’m Erschte Weltchrieg mit Sitz z Gänf und em Ziil gründet worde isch, dr Fride uf dr Welt z sichere. Dr Völkerbund hett aber sini Ziil nit chönne duresetze, will vor allem d USA nitt biiträte sind. Er isch mit’m Uusbruch vum Zweite Weltchrieg am Endi gsii.

Dr US-Präsident Franklin D. Roosevelt hett nachem Schitere vum Völkerbund no während’m Zweite Weltchrieg versuecht, e Organisation z gründe, wo dr Fride uf dr Welt sicheret. Mit’m britische Premierminister Winston Churchill hett dr Roosevelt di sogenannt Atlantik-Charta (es Dokument, wo vu de Regierigschef vu USA und de Grossbriannie unterschribe worde isch und d Vorstellige vunre neue Weltordnig präzisiert) erarbeitet. Am 1. Jänner 1942 hend sich 26 Staate i de Deklaration vu de Vereinte Natione uf d Atlantik-Charta beruefe. Dur d Mitarbeit vu de Sowjetunion und dr Republik vu China a de neue Friedensordnig isches am 30. Oktober 1943 zur Moskauer Deklaration vu de Vier Mächt cho. Bi dr Konferenz vu Dumbarton Oaks isch witer über d Gründig vu de UNO diskutiert worde. Nach’m Ihbezüche vu Frankriich i de Chreis vu de hauptverantwortliche Mächt, hett d Charta vu de Vereinte Naatione 1945 uf dr Konferenz vu Jalta fertig gstellt werde chönne. Sie isch am 26. Juni 1945 in San Francisco vu 50 Staate unterzeichnet worde. Pole hett d Charta erscht spöter unterzeichet, gköhrt aber trotzdem zu de 51 Gründigsmitglieder.

D Charta isch am 24. Oktober 1945 in Chraft trette, nachdem d Republik vu China, Frankriich, d Sowjetunion, ds Vereinigte Königriich, d USA und d Mehrheit vu de Gründigsstaate d Charta ratifiziert hend.

Mitlerwiil isch d UNO gwachse. Sie hett sich en Hauptsitz in New York und wiiteri drüü Sitz in Genf, Nairobi und Wien ygrichtet. Im niderländische Den Haag isch dr internationali Grichtshoof. Me het Unterorganisatione wie d UNESCO oder d UNICEF gründet.

Mitgliider vu de Vereinti Natione

Zu de Vereinti Natione ghöret zur Zyt 193 Staate ah.

1945 hend folgendi Staate d Vereinti Natione gründet: Ägypte, Äthiopie, Argentinie, Australie, Wiisrussischi Sozialistischi Sowjetrepublik, Belgie, Bolivie, Brasilie, Chile, d Republik vu China, Costa Rica, Dänemark, d Dominikanischi Republik, Ecuador, El Salvador, Frankriich, Griecheland, Guatemala, Haiti, Honduras, Indie, Irak, Iran, Jugoslawie, Kanada, Kolumbie, Kuba, Libanon, Liberie, Luxemburg, Mexiko, Neuseeland, Nicaragua, d Niederlande, Norwege, Panama, d Vereinigti Staate vu Amerika, ds Vereinigte Königriich Grossbritannie und Nordirland, Urugua und Venezuela.

Di Dütsch Demokratisch Republik und d Bundesrepublik Dütschland sind 1973, Östriich isch 1955, Liechtestei 1990 und d Schwiiz ane 2002 dr UNO bitrette.

Weblink

• Website vu de Vereinte Natione

Hauptorgan vo de Vereinte Natione Generalversammlig | Sicherheitsroot | Wirtschafts- und Sozialroot | Treuhandroot | Internationale Grichtshof | Sekretariat

Presidänte vo dr Generalversammlig vo de Vereinte Natione 1940er Johr: Spaak (BEL) | Aranha (BRA) | Arce (ARG) | Evatt (AUS) | Rómulo (PHI) – 1950er Johr: Entezam (IRN) | Nervo (MEX) | Pearson (CAN) | Pandit (IND) | van Kleffens (NED) | Maza (CHI)  | Masson (CHI) | Waithayakon (THA) | Munro (NZL) | C. Malik (LIB) | Belaúnde (PER) – 1960er Johr: Boland (IRL) | Slim (TUN) | Khan (PAK) | Rodríguez (VEN) | Quaison-Sackey (GHA) | Fanfani (ITA) | Pazhwak (AFG) | Mănescu (ROM) | Catalán (GUA) | Brooks (LBR) – 1970er Jahre: Hambro (NOR) | A. Malik (INA) | Trepczynski (POL) | Benítes (ECU) | Bouteflika (ALG) | Thorn (LUX) | Amerasinghe (SRI) | Mojsov (YUG) | Liévano (COL) | Salim (TAN) – 1980er Johr: Wechmar (BRD) | Kittani (IRQ) | Hollai (HUN) | Illueca (PAN) | Lusaka (ZAM) | Piniés (ESP) | Choudhury (BAN) | Florin (DDR) | Caputo (ARG) | Garba (NGR) – 1990er Johr: de Marco (MLT) | Shihabi (KSA) | Ganew (BUL) | Insanally (GUY) | Essy (CIV) | Diogo Freitas do Amaral (POR) | Ismail (MAS) | Udowenko (UKR) | Opertti (URU) | Gurirab (NAM) – 2000er Johr: Holkeri (FIN) | Seung-soo (KOR) | Kavan (CZE) | Hunte (LCA) | Ping (GAB) | Eliasson (SWE) | Al Chalifa (BAH) | Kerim (MKD) | Brockmann (NIC) | Treki (LAR) – 2010er Johr: Deiss (SUI) | al-Nasser (QAT) | Jeremić (SRB) | Ashe (ANT) | Kutesa (UGA) | Lykketoft (DEN)

Dä Artikel basiert uff ere fräie Übersetzig vum Artikel „Vereinte_Nationen“ vu de dütsche Wikipedia. E Liste vu de Autore un Versione isch do z finde.