Internationaler Gerichtshof

Dr Internazionali Grichtshoof (churz IGH; franzöösisch Cour internationale de Justice, CIJ; änglisch International Court of Justice, ICJ) isch s Haupträchtsprächigsorgan vo de Veräinte Nazione und het si Sitz im Friidensbalast z Den Haag (Niiderland). Wien er funkzioniert und für was er zueständig isch, isch in dr Charta vo de Veräinte Nazioone greeglet, wo s Statut vom Internazionale Grichtshoof Däil drvo isch.

Dä Artikel behandlet dr Internazionali Grichtshoof (IGH) vo de Veräinte Nazione, wo in Aagläägehäite zwüsche Staate entschäidet. Er sött nit mit em Internazionale Stroofgrichtshoof verwäggslet wärde.

Internazionale Grichtshoof
Logo vom Internazionale Grichtshoof
Faane vo de Veräinte Nazione
S Dienstgeböid vom Internazionale Grichtshoof z Den Haag (2006)
Änglische Name	International Court of Justice (ICJ)
Französische Name	Cour internationale de Justice (CIJ)
Sitz vo de Organ	Den Haag, Niiderland
Vorsitz	Richter Abdulqawi Ahmed Yusuf (Somalia), Bresidänt vom Internazionale Grichtshoof
Gründig	1945
Oberorganisation	Vereinte Nationen UNO
www.icj-cij.org

Zueständigkäit

Nume Staate chönne Bardeije vor em Internazionale Grichtshoof si, nid aber internazionali Organisazione und anderi Völkerrächtssubjekt. Vor s Gricht chönne nume Verdraagsstaate vom IGH-Statut. Das si noch em Ardikel 93 Absatz 1 vo dr Charta vo de Veräinte Nazione alli UN-Mitgliider und au Staate, wo nid Mitgliid in dr UN si, aber s Statut ratifiziert häi. S Gricht isch nume denn zueständig für d Entschäidig vom ene Fall, wenn alli Bardeie die Zueständigkäit anerkennt häi.

D Richder

S Gricht het 15 Richder, wo alli en anderi Nazionalidäät müesse ha. Si wärde vo dr UN-Generalversammlig und em UN-Sicherhäitsroot gmäinsam für en Amtszit vo nüün Joor gweelt. Alli drei Joor wird e Drittel vo de Richder nöi gweelt. E Wiiderwaal isch mööglig. D Amtszit vo de Richder goot jewiils am 5. Februar z Änd. Bi dr Waal luege d Staate druf, ass die fümf Wältregione representiert si. D Richder si käni Verdräter vo iirem Land, sondern müesse ganz unabhängig urdäile. Dr äinzig Maassstaab isch s Völkerrächt.

Litratuur

(chronologisch)

• Hans Wehberg: The Problem Of An International Court Of Justice. Clarendon Press, Oxford 1918 (Volltext uf Archive.org).
• Arthur Eyffinger, Arthur Witteveen, Mohammed Bedjaoui: La Cour internationale de Justice 1946–1996. Martinus Nijhoff Publishers, Den Haag und London 1999, ISBN 90-411-0468-2.
• Shabtai Rosenne: The World Court: What It is and How It Works. 6. Uflaag, Nijhoff, Leiden 2003, ISBN 90-04-13633-9.
• Constanze Schulte: Compliance with Decisions of the International Court of Justice. Oxford University Press, Oxford 2004, ISBN 0-19-927672-2.
• Moritz Karg: IGH vs. ISGH. Die Beziehung zwischen zwei völkerrechtlichen Streitbeilegungsorganen. Nomos, Bade-Bade 2005, ISBN 3-8329-1445-5.
• Andreas Zimmermann u. a. (Hrsg.): The Statute of the International Court of Justice: A Commentary. Oxford University Press, Oxford 2006, ISBN 0-19-926177-6.

Weblingg

 Commons: Internationaler Gerichtshof – Sammlig vo Multimediadateie

• Offizielle Website des Internationalen Gerichtshofs (französisch/englisch)
• Einzelheiten zur Geschichte des Gerichtshofs dort unter der Rubrik „History“ (änglisch)
• kalenderblatt.de: Internationaler Gerichtshof gegründet
• Statut des Internationalen Gerichtshofs
• Statut des Internationalen Gerichtshofs (dütsch)

Hauptorgan vo de Vereinte Natione Generalversammlig | Sicherheitsroot | Wirtschafts- und Sozialroot | Treuhandroot | Internationale Grichtshof | Sekretariat

Bitte gib au Achtig uf dr Hiwis zue Rechtstheme!

Dä Artikel basiert uff ere fräie Übersetzig vum Artikel „Internationaler_Gerichtshof“ vu de dütsche Wikipedia. E Liste vu de Autore un Versione isch do z finde.

52.08664.2955

Normdate: GND: 36344-3 | LCCN: n50053120 | SUDOC/IdRef: 026373963 | SELIBR: 119499 | VIAF: 161061724