Palau

Palau ( / pəlaʊ / ), amptelik die Republiek Palau (Engels: Republic of Palau, Palauaans: Beluu er a Belau), is 'n eilandstaat in die Stille Oseaan en Oseanië net noord van die ewenaar, sowat 800 km oos van die Filippyne en 3 200 km suid van Tokio. Aangesien dit in 1994 ontstaan het uit Verenigde Nasies trusteeskap (geadministreer deur die Verenigde State), is dit een van die wêreld se jongste en kleinste soewereine lande. In Engels word die naam soms as Belau gespel in ooreenstemming met die inheemse uitspraak. Dit is voorheen ook as Pelew gespel.^[5] Palau bestaan uit sowat 340 eilande van die Karoline-eilande; die aangrensende Gefedereerde State van Mikronesië beslaan die ander deel van dié argipel.^[6]

Kaart van Palau

Kaart van Palau se 16 deelstate

Republiek Palau
Republic of Palau (Engels)
Beluu er a Belau (Palauaans)

Vlag Seël
Volkslied: Belau rekid (Palauaans vir: "Ons Palau")
Hoofstad	Ngerulmud 7°30′N 134°37′O
Grootste stad	Koror 7°20′N 134°29′O
Amptelike tale	Engels en Palauaans
Regering • President • Adjunkpresident	Unitêre presidensiële grondwetlike republiek Surangel Whipps Jr. Uduch Sengebau Senior
Onafhanklikheid • Huidige grondwet • Verdrag oor vrye assosiasie	van die Verenigde State 2 April 1979 1 Oktober 1994
Oppervlakte  - Totaal    - Water (%)	459 km2  (179ste) 177 myl2 feitlik niks
Bevolking  - 2018-skatting  - 2013-sensus  - Digtheid	17 907[1][2] (224ste) 20 918 46,7 / km2 121,0 / myl2
BBP (KKP)  - Totaal  - Per capita	2021-skatting $236 miljoen[3] $13 268[3]
BBP (nominaal)  - Totaal  - Per capita	2021-skatting $235 miljoen[3] $13 180[3]
MOI (2019)	0,826[4] (50ste)  –  hoog
Geldeenheid	Amerikaanse dollar ($) (USD)
Tydsone  - Somertyd	(UTC+9) nie toegepas nie (UTC+9)
Internet-TLD	.pw
Skakelkode	+680

Palau beslaan 'n oppervlakte van 459 km² en het 'n bevolking van sowat 21 500 in 2016 gehad. Palau is in die ooste van die Filippyne, in die noordooste van Indonesië, in die noordweste van Papoea-Nieu-Guinee en in die weste van die Gefedereerde State van Mikronesië geleë. Die hoofstad is Ngerulmud en die grootste stad is Koror.

As gevolg van die Spaans-Amerikaanse Oorlog is die argipel in 1899 deur Spanje aan die Duitse Keiserryk verkoop en by Duits-Nieu-Guinee ingelyf. Tydens die Eerste Wêreldoorlog is dit deur Japan beset en het na die oorlog 'n Volkebond-mandaat geword. Tydens die Tweede Wêreldoorlog is dit deur die Verenigde State beset en het in 1947 'n trougebied van die Verenigde Nasies geword. Palau het op 1 Oktober 1994 'n Verdrag oor vrye assosiasie met die Verenigde State onderteken, waarmee dit 'n onafhanklike land geword het. Die Verenigde State is nog steeds vir die verdediging van Palau verantwoordelik.^[7]

Palau is onderverdeel in 16 deelstate:

Deelstaat	Oppervlakte (km²)	2012-sensus
Aimeliik	44	281
Airai	59	2 537
Angaur	8,06	130
Hatohobei	0,9	10
Kayangel	1,7	76
Koror	60,52	11 670
Melekeok	26	300
Ngaraard	34	453
Ngarchelong	11,2	281
Ngardmau	34	195
Ngaremlengui	68	310
Ngatpang	33	257
Ngchesar	43	287
Ngiwal	17	226
Peleliu	22,3	510
Sonsorol	3,1	42