Antoinette Louw

Antoinette Louw (gebore 9 Mei 1975, Pretoria), is ʼn Suid-Afrikaanse aktrise. Louw is die dogter van Dap en Anet Louw, albei professors in Sielkunde en saam het die egpaar al verskeie Sielkunde handboeke vir Suid-Afrikaanse universiteite geskryf. Louw se broer, Dap, is ʼn jaar jonger as sy en ʼn dokter in urologie. Louw het in Potchefstroom, Vanderbijlpark en Bloemfontein gewoon en het ook in die Verenigde State van Amerika skoolgegaan, waar haar pa navorsing gedoen het en by verskeie universiteite onderrig het. In 1991 het die gesin na Bloemfontein getrek en Louw het matrikuleer aan Hoërskool Sentraal. Sy het BA Drama studeer aan die Universiteit van die Vrystaat en het haar graad (cum laude) in 1996 ontvang. In haar finale jaar op universiteit het Louw die verhoogproduksie, The Woman Who Cooked her Husband, vervaardig en die regie daarvan hanteer, die produksie het ook ʼn uitnodiging ontvang om in Londen by die Courtyard Teater te gaan opvoer. Gedurende haar studies het Louw verskeie toekennings gewen, onder andere die André du Plessie-toekenning as beste tweede jaar-student, die Suid-Afrikaanse Teater Joernaal-toekenning vir die beste derde jaar-student, die Elsa Krantz-toekenning vir die beste dramastudent van 1994 – 1996, die universiteit se meriete beurs vir Kuns en Kultuur en sy het ook erekleure ontvang vir Kuns en Kultuur toegeken deur die universiteit.

Antoinette Louw
Geboorte	9 Mei 1975
Nasionaliteit	Suid-Afrika
Beroep(e)	Aktrise
Internet-rolprentdatabasis-profiel

Na ʼn paar maande in Londen, het Louw teruggekeer na Suid-Afrika waar sy film en toneel begin studeer het aan AFDA (South African School of Film and Dramatic Arts), onder leiding van Deon Opperman. Louw het die hoofrol in die M-Net kort film, Skidmarks, gekry en was deur AFDA en M-Net toeken met pryse vir haar rol as Stacey.

Na haar studies aan AFDA, het Louw vir ʼn jaar in Malta gaan woon en haar gedistansieer van die vermaaklikheidsbedryf. Aan die einde van die jaar van afsondering, het sy teruggekeer na Johannesburg en weer begin toneel speel en skryf. Louw het die rol van Inge van Schalkwyk in die SABC 2-sepie, 7de Laan, gekry. Na twee jaar by die sepie, het sy teruggekeer na teater en het die rol vertolk van Anna in die verhoogproduksie, Dis ek, Anna, wat ʼn verwerking is van die boek, Dis ek, Anna. In 2012 het die skrywer Deon Meyer haar genader om die hoofrol te vertolk in die film, Die Laaste Tango, waarvoor sy ʼn SAFTA-toekenning gewen het vir haar rol as Ella Winter. Hierna het verskeie ander televisie en filmrolle gevolg, onder ander: ʼn Man Soos My Pa (2015), Foto (2015), Nul Is Nie Niks Nie (2017), Voor Ek Val (2017), Swartwater (2017 – 2018), en Sew the Winter to My Skin (2018).

In 2016 het sy haar eerste rol in hoofrol in ʼn internasionale film gekry, An Act of Defiance – the Story of Bram Fischer, as die karakter Molly Fischer. In 2014 het Louw die eerste Suid-Afrikaanse aktrise geword om ʼn Golden Horn-toekenning te wen.

Louw het ook verskeie verhoogproduksies vervaardig en ook verwerk na Afrikaans onder andere: Women of Troy, The Women who Cooked her Husband (vervaardiging en regie), Rudely Stamped, Engele Sonder Vlerke, Die Trommel, Die Vagina Monoloë, Afspraak, Dis ek, Anna en ‘night Mother, wat sy ook vertaal het na Nag Ma.

Film

• The Fragile King, vertolk die rol van Rachel (2020)

• Die Storie van Racheltjie de Beer, vertolk die rol van Sara (2019)

• Sussie, kort film, vertolk die rol van Jana (2019)

• Break in Proof of Concept, kort film, vertolk die rol van Marlene Rademeyer (2018)

• Sew the Winter to My skin, vertolk die rol van Mrs. Botha (2018)

• Axis Mundi, kort film, vertolk die rol van Nora de Vos (2018)

• Voor ek val, kort film, vertolk die rol van Anke (2017)

• Nul is nie niks nie, vertolk die rol van Trisa Retief (2017)

• An Act of Defiance, vertolk die rol van Molly Fischer (2017)

• Soft Landings, kort film, vertolk die rol van die ma (2015)

• ʼn Man Soos My Pa, vertolk die rol van Nakkie (2015)

• Chip, kort film, vertolk die rol van Susan (2015)

• Totsiens, Pa, kort film, vertolk die rol van Leani (2014)

• Die Laaste Tango, vertolk die rol van Ella Winter (2013)

• A Million Colours, vertolk die rol van Dixon se vrou (2011)

• Winnie Mandela, vertolk die rol van Mrs. Hattingh (2011)

• Discreet, vertolk die rol van ʼn kollega in die raadsaal (2008)

Televisie

• Arendsvlei, vertolk die rol van Advokaat Botha (2020)

• Projek Dina, vertolk die rol van Alexandra (2020)

• Spoorloos, vertolk die rol van Petro (2018)

• Swartwater, vertolk die rol van Karen le Roux (2017 – 2018)

• Black Sails, vertolk die rol van ʼn vrou (2015)

• Binnelanders, vertolk die rol van Sandy (2014)

• Pandjieswinkelstories, vertolk die rol van Susan (2014)

• Die Boland Moorde, seisoen 1, vertolk die rol van Janine (2013)

• Die Byl, vertolk die rol van Sanet (2016)

• Die Boland Moorde, seisoen 2, vertolk die rol van Santie (2017)

• Jacob’s Cross, seisoen 1, vertolk die rol van Denise (2007)

• Jacob’s Cross, seisoen 2, vertolk die rol van Denise (2008)

• 7de Laan, vertolk die rol van Inge (2000)

Teater

• Amper, Vrystaat; vertolk die hoofrol; regie: Nico Scheepers

• Kinders van Stilte; vertolk ʼn ondersteunende rol; opgevoer tydens die Vryfees

• Vagina Monoloë; vertolk verskeie rolle; opgevoer by die Vryfees, Aardklop Kunstefees en Woordfees

• Night Mother; vertolk die rol van Jessie; opgevoer by die Grahamstad Kunstefees

• Nag, Ma; vertolk die rol van Jessie; opgevoer by die Vryfees, Aardklop Kunstefees en Woordfees

• Die Proponentjie; vertolk die rol van Tienie Trêwellere; opgevoer by die Klein Karoo Nasionale Kunstefees, Aardklop Kunstefees en Woordfees

• Afspraak; vertolk die rol van Hermien de Vos; opgevoer by die Vryfees en Aardklop Kunstefees

• Dis Ek, Anna; vertolk die rol van Anna; opgevoer by die Vryfees, Klein Karoo Nasionale Kunstefees en Aardklop Kunstefees

• Anthony en Cleopatra; vertolk die rol van die voorsitter; landswyd opgevoer

• Die Trommel; vertolk die rol van Odette; opgevoer by die Vryfees

Toekennings

• André du Plessis-toekenning: Beste tweedejaar dramastudent

• Suid-Afrikaanse Teater Joernaal-toekenning: Beste derdejaar dramastudent

• Elsa Kranz-toekenning: Beste dramastudent van 1994 – 1996

• Universiteit van die Vrystaat Meriete Beurs: Kuns en Kultuur

• Universiteit van die Vrystaat: Erekleure vir Kuns en Kultuur

• SAFTA-toekenning: Vir haar rol as Ella Winter in die film, Die Laaste Tango (2012).

• Kaapstad Internasionale Filmfees-toekenning: Beste Aktrise, vir haar rol as Molly Fischer in An Act of Defiance – the story of Bram Fischer, (2017).

• Silwerskerm-nominasie: Beste Aktrise, vir Voor Ek Val (2017)

• ATKV-woordveertjie nominasie: Beste Nuwe Teks vir Amper Vrystaat (2016)

• Fiësta-nominasie: Beste Nuwe Teks vir Amper Vrystaat (2016)

• Vrystaat Kunstefees-toekenning: Beste Debuut Produksie, vir Amper Vrystaat (2016)

• Silwerskerm-nominasie: Beste Aktrise in ʼn kort film, vir Totstiens, Pa

• M-Net-toekenning: Beste Aktrise op Film

• ATKV-mediaveertjie: Beste Aktrise, vir haar rol in die dramareeks, Swartwater (2018)

Bronnelys

• https://www.imdb.com/name/nm1943777/
• https://www.sg.org.za/the-art-of-exploration-antoinette-louw/
• https://www.afda.co.za/article/1307/ALUMNI-OF-THE-WEEK-142-Antoinette-Louw/ Geargiveer 20 April 2020 op Wayback Machine
• https://www.tvsa.co.za/actors/viewactor.aspx?actorid=1557
• https://sarafinamagazine.com/2019/10/18/a-conversation-with-antoinette-louw/
• https://static1.squarespace.com/static/5429657be4b0a449ee2cb996/t/5bd42c6a71c10b825aff9fa8/1540631665305/ANTOINETTE+LOUW+CV.pdf