Aardklop

Aardklop is 'n Suid-Afrikaanse kunstefees wat sedert 1998 jaarliks in die stad Potchefstroom in die Noordwesprovinsie van Suid-Afrika aangebied word. Die fees bied hoofsaaklik Afrikaanse produksies in teater, dans, kabaret en visuele kunste. Dit is die naasoudste Afrikaanse Kunstefees in die land.^[1]

Propperse Dopperse poeding, 'n kosstalletjie by Aardklop.

Straatoptrede met djembés.

Dié kunstefees word tydens die Septembervakansie van die Noordwes-Universiteit en skole in Noordwes aangebied, aangesien die fees van die fasiliteite soos sale en koshuise van hierdie instellings gebruik maak. Dit word op verskillende plekke in die stad gehou, lok ongeveer 150 000 besoekers en duur vyf dae lank.

Pryse wat uitgedeel word is die Smeltkroes vir beste Afrikaanse verhoogteks en die Aardvark vir grensverskuiwende werk.^[1]

Persone aan die spits was/is Giep van Zyl, Marguerite Robinson, Andries Vrey en ander.^[1]

Van 29 September tot 3 Oktober 2021 is 'n minifees by die Voortrekkermonument in Pretoria aangebied.^[2]

Verwysings

1. HAT Taal-en-feitegids, Pearson, Desember 2013, ISBN 978-1-77578-243-8
2. DA wil landelike veiligheidseenheid in Tshwane op die been bring.. Maroela Media (2 Oktober 2021).

Eksterne skakel

• Aardklop se webwerf
• Wikimedia Commons het meer media in die kategorie Aardklop.