漢藏語系
亞洲嘅語系 / From Wikipedia, the free encyclopedia
漢藏語系 | |
---|---|
用嘅國家、地區 | 中國、緬甸、不丹、尼泊爾、印度東北 |
區域 | 東亞、東南亞、南亞 |
講嘅人口 | — |
系屬 |
|
語言代碼 | |
ISO 639-1 | 無 |
ISO 639-2 | sit |
ISO 639-3 | 各項代碼: zhx 漢語族 tbq 藏緬語族 |
漢藏語系分佈圖,唔同顏色係啲主要語種 | |
國際主流學界從1950年代開始,就認為苗瑤語同壯侗語唔屬於漢藏語系,而係各自立爲一系,而越南文則公認屬南亞語系[註 1],而唔同於喺中國曾經嘅四個語族分法,即漢語族、壯侗語族(或者叫侗泰語族;喺過去仲會加埋越南文入去)、苗瑤語族同藏緬語族。
大多數人仲認爲漢藏語系由漢語族同藏緬語族構成,但無我喺2001年做嘅分類認爲,個語系下面可以分出40幾個,有啲之間嘅關係似乎仲遠過兩個主流支喺漢藏語系即漢語、藏語嘅;而一啲語言究竟係咪真係屬漢藏語亦有爭議。[1]
雖然目前世界主流認爲壯侗語同苗瑤語有各自嘅譜系承傳,越南文亦唔屬漢藏系,但都唔完全同漢藏語無關,佢哋喺音韻、句法、詞彙方面同漢藏語系有相似之處,呢個要歸結於借詞同長時間嘅地區交流。
漢藏語系幾大下,語種數達400餘種民族語言(Ethnologue嘅統計係456種[3],Glottolog嘅統計係488種[4]),主要分布喺中國大陸、香港、澳門、臺灣、越南、老撾、緬甸、泰國、印度、尼泊爾、錫金、不丹、孟加拉等亞洲國家同地區,地理大區上有東亞(中國)、東南亞、南亞(喜馬拉雅)。按母語嘅人數計算,係僅次於印歐語系嘅第二大語系,母語人口超過13億人。同時,漢藏語系喺時間深度、語言多樣性、同埋文化意義方面,亦唔輸得過印歐語系。漢藏語言中,以母語人口計,最多嘅前三位係中文(漢語族集合;13億人講)、緬甸文(3300萬人講)、藏文(藏語支集合;600萬人講)。好多漢藏語言只使用喺偏僻山區嘅細社羣中,外界知曉佢哋嘅資訊好少。
法國學家沙加爾提出過漢藏語系同南島語系有發生學關係,哩個理論得到中國著名語言家邢公畹嘅認同。但現時漢藏語系同其他主要語系嘅關係仲未明確,呢啲跨語系嘅睇法未得南島語專家似白樂思等嘅廣泛認可。語系中好多細嘅下級分類群已經清楚確立,但呢啲細群之間更高級嘅關係構築仲未明瞭。雖然呢個系通常分成兩支,即漢同藏緬,但啲研究家未能確定非漢語嘅漢藏語嘅終極來源,而語系中唯有漢語嘅研究比較充分,同時成個語系嘅祖語擬構仲喺初步階段。[1]